#📔 കഥ ഭാഗം അഞ്ച് അകലം പൂക്കുന്ന വെയിൽചില്ലകൾ ഡിഗ്രിക്ക് ആദ്യവർഷം ചേർന്ന് ആറ് മാസമായപ്പോൾ തന്നെ പലരും വന്നു തുടങ്ങി സംസാരിക്കാനും സംസാരം നീട്ടി പ്രണയത്തിലേക്കെത്തിക്കാനും.. ഒരേ പാളത്തിലോടുന്ന വണ്ടികൾ തമ്മിൽ കൂട്ടിമുട്ടാനെളുപ്പമാണെന്ന് തോന്നി പലതിൽ നിന്നും ഒഴിഞ്ഞുമാറി ദിശമാറി നടന്നു... രാത്രി കാലങ്ങളിലെ ചാറ്റ് രാത്രിക്ക് നീളം കൂടുമ്പോൾ വഴിതെറ്റുന്നപോലെ വഴിതെറ്റാതിരിക്കാനായി മനസിനെ കൺട്രോൾ ചെയ്തു... പക്ഷേ ഡിഗ്രി രണ്ടാം വർഷം പകുതിയായപ്പോൾ ഒരു മഴപകലിൽ അറിയാതെ ഒരു ചാറ്റൽ മഴയായി സംസാരിച്ച് സംസാരിച്ച് മനസറിയാതെ ആഷിക്കിലേക്ക് ചാഞ്ഞു തുടങ്ങി.. ഒരു പക്ഷേ ആ സമയത്തെ പ്രായത്തിന്റെ ചപലതയാവാം പിന്നെ മെറിൻ പലപ്പോഴായി ഫോണിൽ കാണിച്ചു തന്ന ചൂടൻ ചിത്രങ്ങളാവാം അങ്ങനൊരു ചിന്തയിലേക്ക് മനസിനെ കൊണ്ടെത്തിച്ചത്.. വസ്ത്രത്തിനൂം മതത്തിനും ശരീരത്തിനെ മറക്കാനേ കഴിയൂ മനസിനെ മറക്കാനാവില്ലെന്ന് തോന്നി... കാന്റീനിലെ ചായക്കും ചെറുകടികൾക്കുമൊപ്പം സംസാരിക്കുമ്പോഴേ പലപ്പോഴും ആഷിഖിന്റെ നോട്ടം ശരീരത്തിലേക്കാണെന്ന് തിരിച്ചറിഞ്ഞു.. കോളേജ്വരാന്തയിലൂടെ നടക്കുമ്പോൾ ആളൊഴിഞ്ഞ ഇടമെതാതുമ്പോൾ അവൻ ശരീരത്തിൽ തൊടാനായി മാത്രം കൈകൾ മാറത്ത് കെട്ടി ഒരൽപം മുമ്പിലേക്ക് നടന്ന് വിരലുകൾ വിടർത്തി നടത്തം പെട്ടെന്ന് നിർത്തും അത് ശ്രദ്ധിക്കാതെ മുന്നോട്ട് നടക്കുമ്പോൾ ഒരുപുരൂഷന് ഏറ്റവും ഇഷ്ടമായിടത്ത് അവന്റെ വിരലുകൾ പതിയും...പിടഞ്ഞ് മാറുമ്പോൾ അവൻ പറയും  "എന്തിന് റസിയാ.. നീ എന്റേതല്ലേ പിന്നെന്താ" "അത് നിന്റേതായിട്ട് പോരെ.. ഇപ്പോഴേതായാലും വേണ്ട" അത് കേൾക്കുമ്പോഴവൻ മുഖം കനപ്പിക്കുന്നത് കാണാനൊരു രസം തോന്നി.. സത്യത്തിൽ സ്വയം നിയന്ത്രണം നഷ്ടപ്പെടുമോ എന്ന ഭയം കാരണമാണ് അത് വേണ്ടെന്ന് വെച്ചത്.. ഡിഗ്രി അവസാന വർഷപരീക്ഷയുടെ അന്ന് അവൻ തന്ന ചുംബനത്തിലാണ് ആദ്യമായി ചുണ്ട് പൊട്ടിയത്.. വീട്ടിൽ ചെല്ലുമ്പോൾ ഉമ്മയും സംശയദൃഷ്ടിയോടെ ഇത്തയും ചോദിച്ചു "എന്ത് പറ്റീ നിന്റെ ചുണ്ടിന്". "ഹേയ്..ഒന്നുമില്ല  വാതിൽ കട്ടിളയിൽ ചുണ്ട് കുത്തിയതാണ്.." അപ്പോഴേക്കും ഉമ്മ പറഞ്ഞു തുടങ്ങി "ഉപ്പ നാട്ടിലില്ലാത്തതാണ് കുടുംബത്തിന് ചീത്തപേരുണ്ടാക്കരുത് രണ്ടാളും" ഇത്ത പറഞ്ഞു "അതിനെന്തിനാ എന്നെ കൂട്ടി കെട്ടുന്നത്.. ഞാനൊന്നും ചെയ്തില്ലല്ലോ.. " " നീ ചെയ്തത് എന്താണെന്ന് എന്നെ കൊണ്ട് പറയിപ്പിക്കണ്ട.. നിന്നെ കണ്ടല്ലേ ഇവളുടെ പഠനം എങ്ങനെ നേരെയാവാനാണ്" ഇത്ത എന്നെയൊന്ന് തറപ്പിച്ചു നോക്കി മുറിയിൽ കയറി വാതിലടച്ചു. ഡിഗ്രി കഴിഞ്ഞതോടെ കൊമേഴ്സിനൊപ്പം കമ്പ്യൂട്ടർ പഠനം തുടങ്ങാമെന്ന് വെച്ചു.. അടുത്തുള്ള ഇൻസ്റ്റിറ്റ്യൂട്ടിൽ കോഴ്സിന് ചേർന്നു.. കുറ്റിതാടിയുള്ള ഫാക്വൽറ്റിയുടെ മാന്യമായ പെരുമാറ്റത്തിൽ ഒരാകർഷണം തോന്നി.. ടാലിയോടൊപ്പം മനസിൽ ചില കണക്കുകൾ ടാലിയാക്കികൊണ്ട് ക്ലാസ് മുൻപോട്ട് നീങ്ങി.. പരസ്പരം ഇഷ്ടമാണെന്ന് പറയാതെ പറഞ്ഞ നോട്ടങ്ങളും ചില സംസാരങ്ങളും ക്ലാസിനിടയിൽ വന്നു.. അടുത്തിരുന്ന് ക്ലാസ് എടുക്കുമ്പോൾ അറിയാതെ കണ്ണുകൾ കുറ്റിതാടിയിലേക്കും ഷർട്ടിന്റെ ബട്ടണിടയിലൂടെ കാണുന്ന ചെറിയ രോമങ്ങളുള്ള അയാളുടെ മാറിടത്തിലേക്കും ചെന്നെത്തി.. അയാളുടെ കണ്ണുകൾ ഇടക്ക് ഷോളിനടിയിലെ ഉയർച്ചകളിലേക്കും കാൽവണ്ണകളിലേക്കും പാറി വീഴുകയും ഇടക്ക് അറിയാത്തതുപോലെ തടിച്ച കൈവണ്ണയിൽ അയാളുടെ കരങ്ങൾ ഉരസുകയും മൗസ് ശരിയാക്കാനെന്ന ഭാവത്തിലെന്റെ വിരലുകളിൽ തലോടുകയും ചെയ്തു.. ലോക്ക് ഡൗൺ വന്നപ്പോൾ ഇൻസ്റ്റിറ്റ്യൂട്ട് അടച്ചു പൂട്ടിയപ്പോൾ ഒരിക്കൽ വഴിയിൽ വെച്ച് കണ്ടപ്പോൾ അയാൾ പറഞ്ഞു "റസിയാ.. ലോക്ഡൗണെന്ന് തീരുമെന്നൊരു പിടിയുമില്ല.. വേണമെങ്കിൽ ഞാൻ വീട്ടിൽ വന്ന് സിലബസ് ക്ലിയർ ചെയ്ത് തരാം" ആ പറഞ്ഞത് എന്തിനുള്ള ആത്മാർത്ഥതയാണെന്ന് രണ്ടുപേർക്കും അറിയാവുന്നത് കൊണ്ട് ഉള്ളിൽ ചിരിച്ചു കൊണ്ട് പറഞ്ഞു "ഞാൻ വീട്ടിലൊന്ന് ചോദിക്കട്ടെ സാറിന്റെ നമ്പർ തന്നാൽ ഉമ്മയുടെ ഫോണിൽ നിന്ന് വിളിച്ചു പറയാം " സൂത്രത്തിൽ നമ്പർ വാങ്ങി.. വീട്ടിലെത്തി ഉമ്മയോട് ചോദിച്ചപ്പോൾ ഉമ്മപറഞ്ഞു "റസിയാ.. മൂന്ന് പെണ്ണുങ്ങൾ മാത്രമുള്ള വീടാണിത് പ്രത്യേകിച്ചും മഹല്ല്കാരറിഞ്ഞാലത് പ്രശ്നമാണ്.. " " ഉമ്മാ.. ഈ ലോക്ഡൗൺ കഴിഞ്ഞ് എന്ന് ഇനി പഠിക്കാനാകുമെന്ന് കരുതിയിട്ടാണ്.. വെറുതെ ഒരു കൊല്ലം കഴിയില്ലേ.. അയാളെ അകത്തേക്കൊന്നും അധികമടുപ്പിക്കണ്ട ഉമ്മറത്ത് ഇരുന്ന് എല്ലാവരുടെ മുമ്പിലും വെച്ച് മതി ക്ലാസ്.. ഇല്ലെങ്കിൽ പഠിച്ചതെല്ലാം മറന്നു തുടങ്ങും.. ഒരു ലാപ്പ് വാങ്ങി അയക്കാൻ ഉപ്പയോട് പറയാം " ഇത്ത ഇടങ്കോലിടുമെന്ന് ഉറപ്പുള്ളതിനാൽ ഉപ്പയോട് പറയുമ്പോൾ രണ്ടെണ്ണം വാങ്ങാൻ പറയാമെന്ന് കരുതി.. പഠിപ്പിന്റെ ആവശ്യത്തിനായതിനാൽ ഉപ്പ വേണ്ടെന്ന് പറയില്ലെന്നുറപ്പായിരുന്നു.. പിറ്റേ ആഴ്ച തന്നെ ലാപ്പ് വന്നു.. ഉമ്മയുടെ നമ്പറിൽ നിന്ന് അയാളെ വിളിച്ച് കാര്യം പറഞ്ഞു രണ്ട് ദിവസം കഴിഞ്ഞ് ഒരു മഴചാറ്റലുള്ള വൈകുന്നേരത്ത് അയാൾ വീട്ടിലേക്ക് കയറിവന്നു.. അയാൾ ഉമ്മയോടും ഇത്തയോടും സ്വയം പരിചയപെടുത്തി "എന്റെ പേര് റഷീദ്.. ഇവിടെന്ന് നാല് കിമി അകലെയാണ് വീട്.. ചിലപ്പോൾ നിങ്ങളറിയുമായിരിക്കും അല്ലക്കാട്ട് ഹംസഹാജിയുടെ മൂന്നാമത്തെ മകനാണ്.. ഞാനിപ്പോൾ താല്പര്യമുള്ള സ്റ്റുഡൻസിന്റെ വീട്ടിൽ പോയി ക്ലാസ് കൊടുക്കുന്നുണ്ട്" ഉമ്മ പറഞ്ഞു "ഉം.. ഹംസഹാജിയെ കുറിച്ച് കേട്ടിട്ടുണ്ട്.. മക്കളെ അത്ര അറിയില്ല.. ഏതായാലും ഇന്നുമുതൽ ക്ലാസ് തുടങ്ങിക്കോളൂ" ഉമ്മറത്തിട്ട മേശക്കരികിൽ രണ്ട് സ്റ്റൂളുകളിട്ട് ക്ലാസ് തുടങ്ങി.. ഉമ്മയും ഇത്തയും അത് നോക്കി സോഫയിലിരുന്നു.. ആദ്യത്തെ ഒരാഴ്ചത്തോളം ഇത്തയും ഉമ്മയും ക്ലാസ് കഴിയുന്നത് വരെ ഉമ്മറത്ത് തന്നെ ഇരിക്കൂം.. റഷീദിന് വീട്ടുകാരോട്  മാന്യമായ പെരുമാറ്റമായതിനാൽ അവർക്ക് സശയമില്ലാതായി.. ഉമ്മറത്ത് മിക്കവാറും ഞങ്ങൾ രണ്ടുപേരും തനിച്ചാവാൻ തുടങ്ങി.. പിറകീൽ വന്ന് ചാരി നിന്ന് ക്ലാസെടുക്കുമ്പോൾ അറിയാതെ പിറകിലേക്ക് ചാരിയിരുന്നു.. ഇടക്ക് സംശയങ്ങൾ ചോദിക്കുമ്പോൾ കണ്ണുകൾ തമ്മിലിടഞ്ഞു. ഒരു ദീർഘനിശ്വാസം വിട്ട് കവറിലുണ്ടായിരുന്ന നട്സിന്റെ ബാക്കി എടുത്ത് കവറിനടിയിലെ പൊടി  പുറത്തേക്ക് കുടഞ്ഞ് കളഞ്ഞ്  കയ്യിലുണ്ടായിരുന്ന നട്സിൽ നിന്ന് കുറച്ച് എന്റെ നേരെ നീട്ടി അവളുടെ മഷിയെഴുതിയ കണ്ണുകളിലേക്ക് അൽപനേരം നോക്കിയിരുന്നു പിന്നെ ആ നോട്ടം മനസിലേക്ക് ചൂഴ്ന്നിറങ്ങുമെന്ന് തോന്നിയപ്പോൾ രണ്ട് കഷ്ണമെടുത്ത് വായിലിട്ട് ബാക്കി അവളുടെകയ്യിൽ തന്നെ വെച്ചു കൊടുത്തു.. അതവൾ വായിലിട്ട് കുപ്പിയിൽ നിന്ന് വെള്ളം കുടിച്ച്.. ഒന്നുകൂടി എന്റെ തുടയിൽ കൈ ഊന്നി പിറകിലേക്കിരുന്നു.. അവളുടെ കക്ഷം വിയർത്ത് ജാക്കറ്റിന്റെ കൈക്ക് അടിവശം വട്ടത്തിൽ നനഞ്ഞതായി കണ്ടു അത് കുറച്ച് കൂടി മുൻപിലേക്ക് മാറിടത്തിന്റെ തുടക്കത്തിലേക്ക് പടർന്നിരിക്കുന്നു.. മേൽ ചുണ്ടിൽ പറ്റിപ്പിടിച്ച സ്വേദകണങ്ങൾ സാരിതലപ്പുകൊണ്ട് ഒപ്പിയെടുത്ത് മാലയിൽ മുത്തുകൾ കോർക്കുന്നത് പോലെ വീണ്ടും ഭൂതകാലത്തിൽ ചിക്കിചികഞ്ഞ് പ്രണയങ്ങളുടെ നറുമണമുള്ള കഥയുടെ ബാക്കി പറഞ്ഞു തുടങ്ങി. ഒരു ദിവസം റഷീദ് പറഞ്ഞു "റസിയാ.. നമുക്ക് രണ്ടുപേർക്കുമറിയാം പരസ്പരം ഇഷ്ടമാണെന്നത്.. ഞാൻ വീട്ടുകാരോട് നിന്റെ കാര്യം പറയട്ടെ അതിനു ശേഷം ബാക്കി തീരുമാനിക്കാം" ആദ്യമായി ജീവിതത്തിനൊരു വഴിതിരിവുണ്ടാവുകയാണെന്ന് തോന്നി.. ഇതുവരെ കണ്ടതെല്ലാം ഒരു തലോടലിനോ ചുംബനത്തിനോ മാത്രം ആശിച്ച് ശാരീരികമായ ഒരിഷ്ടം മാത്രമായിരുന്നു.. എന്നാൽ ഒരാൾ ഇപ്പോൾ  ജീവിതത്തിലേക്ക് ആദ്യമായി ക്ഷണിച്ചിരിക്കുന്നു.. മനസീൽ പറഞ്ഞറിയിക്കാനാവാത്ത ഒരിഷ്ടം തോന്നി ഒന്നും പറയാതെ മൂളിക്കൊണ്ട് തലതാഴ്ത്തിയിരുന്നു. പിന്നെ വന്ന രാത്രികളിൽ സ്വപ്നങ്ങളുടെ ഘോഷയാത്രയായിരുന്നു.. അവിവാഹിതരായ പുരുഷനും സ്ത്രീയും കാണുന്ന നനവാർന്ന സ്വപ്നങ്ങൾ.. ഇണചേരലും ഒരുമിച്ചുള്ള ജീവിതവും കുട്ടികളും സ്വന്തം വീടുമെല്ലാം ഒന്നൊന്നായി തിരശീലയിൽ കാണുന്ന പോലെ കണ്ടു.. റഷീദ് വീട്ടിൽ പറഞ്ഞ് സമ്മതം കിട്ടിയപ്പോൾ ഒരു ദിവസം ക്ലാസ് എടുക്കുന്നതിനിടയിൽ  കിച്ചണിൽ ചെന്ന് ഉമ്മയോട് കാര്യം പറഞ്ഞു. അപ്പോഴേക്കും ഇത്തക്ക് ഒരാലോചന വന്ന് ഏതാണ്ട് ശരിയായി നിൽക്കുന്ന സമയമായിരുന്നു.. ഉമ്മക്കും എതിരഭിപ്രായമുണ്ടായില്ല ഒരു കല്ല്യാണ ചെലവിൽ രണ്ടും നടന്ന് സ്വസ്ഥമാവാമെന്നൊരു പക്ഷേ ഉമ്മയും വിചാരിച്ച് കാണുമെന്ന് തോന്നി.. പിറ്റേ ഞായറാഴ്ച റഷീദിന്റെ വീട്ടുകാർ വരികയും സംസാരിക്കുകയും ചെയ്തു.. പിന്നീടങ്ങോട്ടുള്ള ദിവസങ്ങളിൽ പൂർണ്ണ സ്വാതന്ത്ര്യമുള്ള പോലെ ആയിരുന്നു റഷീദിന്റെ പെരുമാറ്റം.. ഒരു ഞായറാഴ്ച ഒരു കല്ല്യാണമുണ്ടായിരുന്നു ഞായറാഴ്ചകളിൽ ക്ലാസ് രാവിലെ ആയിരുന്നു.. റിയാസ് വന്നപ്പോൾ ഉമ്മയും ഇത്തയും കല്ല്യാണത്തിന് പോകാൻ നിൽക്കുകയായിരുന്നു.. അവർ കല്ല്യാണത്തിന് പോയപ്പോൾ റിയാസ് ചോദിച്ചു "എന്ത് വീട്ടുകാരാണ് നിന്റെ.. നിക്കാഹ് പോലും കഴിഞ്ഞിട്ടില്ല നമ്മുടെ അതിനുമുമ്പേ നമ്മളെ തനിച്ചാക്കി അവർ പോയത് ശരിയായില്ല" "അവരങ്ങനെയാണ് ഇത്തമാത്രമേ അവർക്ക് മകളായുള്ളൂ എന്ന്  ചിലസമയത്ത് തോന്നാറുണ്ട് എനിക്ക്.. ഞാനെങ്ങനെയായാലും വേണ്ടില്ല.." റിയാസ് അടുത്തുവന്ന് ചേർത്തു പിടിച്ച് പറഞ്ഞു " നിനക്ക് ഞാനില്ലേ.. ഇനി ഞാൻ മാത്രം മതി.. " അതുകേട്ടതോടെ അതുവരെ മനസിൽ പിടിച്ചു നിർത്തിയ ഒറ്റപ്പെടലിന്റെ അണപൊട്ടിയൊഴുകി റിയാസിന്റെ മാറിലേക്ക് ചാരി കണ്ണുകൾ നിറഞ്ഞൊഴുകി.. കണ്ണീർ പടർന്ന കവിളുകളിലവൻ ചുംബിച്ചു.. അറിയാതെ കൈകൾ അവന്റെ മുതുകിൽ അമർന്നു.. അവൻ എന്റെ മുഖം കയ്യിലെടുത്ത് കണ്ണുകളിലേക്ക് നോക്കി കൊണ്ട് പറഞ്ഞു "റസിയാ നിന്റെ കണ്ണുകൾ കലങ്ങിയാലെന്റെ മനസും കലങ്ങും നീയില്ലാതെ ഞാനില്ല.. എനിക്കത്ര ഇഷ്ടമാണ് നിന്നെ.. നിന്റെ മനസ് വേദനിപ്പിച്ചവരോട് പടച്ചവൻ ചോദിക്കും.. നാല് നേരം നിസ്ക്കാരമുള്ള ദീനി സ്നേഹിയായ നിന്നെ അവർ ഒഴിവാക്കിയെങ്കിൽ പടച്ചവന്റെ കോടതിയിൽ നിന്നവർക്ക് ഒരിക്കലും നീതികിട്ടില്ല " അതുപറഞ്ഞവൻ വീണ്ടും കവിളിൽ ചുംബിച്ചു  കാർപോർച്ചിന്റെ തകരഷീറ്റിനു മുകളിൽ മഴതുള്ളികൾ പതിയുന്ന  ശബ്ദം കേട്ടു.. അവന്റെ കൈകൾ ശരീരത്തിലോടി നടന്നു ഒരു നെടുവീർപ്പോടെ അവന്റെ ശരീരത്തിലേക്ക് ഒട്ടിചേർന്നു.. ഒരു പരിധിയിലധികം അവന്റെ കൈക്രിയകൾ തുടർന്നപ്പോൾ ആ കൈകളെ തടഞ്ഞുകൊണ്ട് പറഞ്ഞു "വേണ്ട ഇക്കാ.. ഇത്രമതി ബാക്കി നിക്കാഹിന് ശേഷം മതി" "നിനക്കെന്നെ വിശ്വാസമില്ല അല്ലേ" "വിശ്വാസമില്ലാഞ്ഞിട്ടല്ല... എന്നെ സൂക്ഷിക്കാൻ ഞാൻ മാത്രമേ ഉള്ളു എല്ലാവരും കുറ്റപെടുത്തുന്നവരാണ്.. എന്തെങ്കിലും അറിയാതെ സംഭവിച്ചാൽ പിന്നെ എന്നെ പിന്നെ ജീവനോടെ കാണില്ല.. നിങ്ങളുടെ സ്നേഹം ശരീരത്തിനോടല്ല എന്റെ മനസിനോടാണെങ്കിൽ എല്ലാം ഇനി നിക്കാഹിന് ശേഷം മതി.. അതല്ല ശരീരം മാത്രം മതിയെങ്കിൽ എടുത്തോളൂ.. പക്ഷേ അതോടെ എല്ലാം തീരും.. നാളെ ഞാനുണ്ടാവില്ല... എന്റെ എല്ലാം നിനക്കുള്ളത് മാത്രമാണ് വേറാർക്കും അവകാശമില്ല പിന്നെന്തിനാണ് ഇത്ര കൊതി " " നീ വിചാരിക്കുന്ന പോലെ നിന്നെ നശിപ്പിച്ച് പിൻമാറുന്നവനല്ല ഞാൻ.. നിനക്ക് വേണ്ടി സൃഷ്ടിച്ചതാണെന്നെ.. എനിക്കുവേണ്ടിയാണ് നിന്നെയും സൃഷ്ടിച്ചത്... നിന്റെ ശരീരത്തേക്കാൾ മനസ് മതി എനിക്ക്.. അതുകരുതി ശരീരം വേണ്ട എന്നല്ല.. പ്രണയത്തിൽ രണ്ടിനും സ്ഥാനമുണ്ട്.. രണ്ടുമുള്ളിടത്തേ പ്രണയമുള്ളൂ.. ഏതെങ്കിലും ഒന്നിനോടുള്ള ഇഷ്ടം മടുപ്പാവും പലപ്പോഴും.. നിനക്ഗിഷ്ടമില്ലാത്തതൊന്നും എനിക്ക് വേണ്ട " അതുപറഞ്ഞ് അവൻ മാറിൽ നിന്ന് അടർതാതി മാറ്റിയപ്പോഴേക്കും രണ്ടുപേരുടെയും ശരീരം പാതിയിലധികം വിയർപ്പിൽ കുളിച്ചിരുന്നു... ഉമ്മയും ഇത്തയും ഉച്ചക്ക് വിവാഹം കഴിഞ്ഞ് തിരിച്ചെത്തും വരെ റഷീദ് കൂട്ടിരുന്നു പോകാൻ നേരം കിച്ചണിൽ കയറി ഒരു ഗ്ലാസ് വെള്ളം കുടിച്ച് പുറത്തിറങ്ങിയ റഷീദ് മുഖത്ത് നോക്കാതെ വാതിൽ കടന്ന് പുറത്തേക്ക് പോയി.. അന്ന് വൈകുന്നേരം മുതൽ ഇത്തയുടെയും ഉമ്മയുടെയും മുഖത്ത് ഒരു ദേഷ്യമുള്ളത് പോലെ തോന്നി. പിറ്റേ ദിവസം ക്ലാസെടുത്തു കൊണ്ടിരിക്കുന്നതിനിടയിൽ ഉമ്മ വന്ന് റഷീദിനെ വിളിച്ചു കുറച്ച് സമയം കഴിഞ്ഞ് പുറത്തേക്ക് വന്ന റഷീദിന്റെ മുഖമാകെ മാറിയിരുന്നു അന്ന് അവൻ ക്ലാസ് കഴിഞ്ഞ്  പോയിട്ടും  വൈകുന്നേരം ആരും അധികം സംസാരിക്കുന്നില്ലെന്ന് തോന്നി.. ഇത്ത ടിവിയുടെ റിമോട്ടെടുത്ത് ടിവിയിലെ ചാനലുകൾ മാറ്റി സോഫയിൽ ചുരുണ്ടിരുന്നു  ഉമ്മ പച്ചക്കറി അരിയുന്നതിനിടയിൽ പറഞ്ഞു "റസിയാ.. നമുക്കിത് വേണ്ട" "അതെന്താ ഉമ്മാ പെട്ടെന്നങ്ങനെ തോന്നാൻ" "ഒന്നുമില്ല മാമൻമാരവനെ കുറിച്ച് അന്വേഷിച്ചു അവനത്ര ദീനിസ്നേഹിയൊന്നുമല്ല മതത്തിനെതിരാണ് അവന്റെ പലകാര്യങ്ങളും കഞ്ചാവും വെള്ളവുമൊക്കെ ഉണ്ടത്രെ" "ആരുപറഞ്ഞു ഇതൊക്കെ.. ഒരാളെ കുറിച്ച് നല്ലത് പറയാനാണ് ആളുകൾക്ക് മടി മോശം പറയാൻ നൂറ് നാവാണല്ലോ.. അവനങ്ങനെ ആണെങ്കിലും എനിക്കിഷ്ടമാണവനെ..ഉമ്മക്ക്  എത്ര വേഗം കഴിഞ്ഞു അത് പറയാനും ഒഴിവാക്കാൻ പറയാനും.. " അതുകേട്ട് ഇത്ത പറഞ്ഞു "നീ ഉമ്മാനെ പഠിപ്പിക്കാൻ നിൽക്കണ്ട  നിനക്കവൻ മാത്രം മതി എന്നാണെങ്കിൽ നീയവന്റെ കൂടെ പൊയ്ക്കോ പക്ഷേ കല്ല്യാണമായിട്ടുണ്ടാവില്ല ഒരു തരി പൊന്ന് തരാൻ ഞാൻ സമ്മതിക്കുകയുമില്ല " ആകെ പിടിവിട്ട് നിന്ന സമയമായതിനാൽ എന്തൊക്കെയോ ഉമ്മയോടും ഇത്തയോടും പറഞ്ഞു.. അവസാനമായി ഉമ്മയോട് പറഞ്ഞു " ഉമ്മാ..മറക്കാൻ കഴിയാത്തതും നമുക്കിഷ്ടമുള്ളതുമായ പലതും ഈ ദുനിയാവിലുണ്ടാകും.. നമുക്ക് കിട്ടില്ലെങ്കിലും ഇഷ്ടപെടാലോ... പക്ഷേ ആർക്കും ഇഷ്ടമല്ലാത്തതും എല്ലാവരും  മറക്കാനാഗ്രഹിക്കുന്നതുമായ ഒരു കാര്യവും ഈ ഭൂമിയിലുണ്ട്.. ഇത് ഞാൻ മറക്കുന്നതോടെ ചിലപ്പോൾ ഞാനതിനെ സ്നേഹിച്ചു തുടങ്ങും.. എനിക്ക് റിയാസിനെ മതി.. അവന്റെ കൂടെയുള്ള ജീവിതത്തിലെനിക്കെന്ത് വന്നാലും ഞാൻ സഹിച്ചോളാം.. " അത് പറഞ്ഞ് മുറിയിൽ കയറി വാതിലടച്ച് കട്ടിലിൽ കമിഴ്ന്നു കിടന്നു.. പുറത്ത് നിന്ന് ഇത്തയൂം ഉമ്മയും എന്തൊക്കെയോ പറയുന്നുണ്ടായിരുന്നു.. ഇത്തയുടെ കുബുദ്ധിയാവും ഇതിനു പിന്നിലെന്ന് തോന്നി. പിന്നെ റിയാസ് ക്ലാസെടുക്കാൻ വന്നില്ല.. ദിവസങ്ങൾ ചെല്ലും തോറും മനസിന് കനമേറുന്നതായി തോന്നി. തുടരും രമേഷ്കൃഷ്ണൻ