നടിയും നർത്തകിയുമായ ആര്യ പാർവതി വിവാഹിതയായി. നടനും മോഡലുമായ ദിലീപാണ് വരൻ. ഏറ്റവും അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തിൽ പങ്കെടുത്തത്. അച്ഛന്റെയും അമ്മയുടെയും ആര്യയുടെ കുഞ്ഞനുജത്തിയുടെയും സാന്നിധ്യത്തിലാണ് ദിലീപ് ആര്യയ്ക്ക് താലി ചാർത്തിയത്. വിവാഹത്തെക്കുറിച്ചുള്ള സൂചനകൾ ഒന്നും ആര്യ നൽകിയിരുന്നില്ല.മെറൂൺ സാരിയിൽ പരമ്പരാഗത ഹിന്ദു വധുവായാണ് ആര്യ വിവാഹത്തിനെത്തിയത്. ഇന്നലെ മെഹന്തി അണിയുന്നതിന്റെ വിഡിയോകൾ സോഷ്യല്‍ മിഡിയയിൽ പങ്കുവച്ചിരുന്നു. സ്ഥിരമായി വ്ലോഗുകളും മറ്റും ചെയ്തിരുന്ന ആര്യ വിവാഹവാർത്ത രഹസ്യമാക്കി വച്ചിരുന്നു.മോഹിനിയാട്ടം നർത്തകിയായ ആര്യ സീരിയലുകളിലും അഭിനയിച്ചിട്ടുണ്ട്. ആര്യമോഹനം എന്ന നൃത്തവിദ്യാലയവും ആര്യ നടത്തുന്നുണ്ട്. ഇരുപത്തിമൂന്നാം വയസിലാണ് ആര്യക്ക് അനിയത്തി ഉണ്ടാകുന്നത്. പാലു എന്ന് വിളിക്കുന്ന ആദ്യ പാർവതിയുടെ വിശേഷങ്ങളെല്ലാം ആര്യ സോഷ്യൽ മീഡിയയിൽ പങ്കുവയ്ക്കാറുണ്ട്. #🥰 മലയാള നടി ആര്യ വിവാഹിതയായി; വരൻ നടൻ ദിലീപ്!