തെന്നിന്ത്യ ആഘോഷിച്ച താര വിവാഹമായിരുന്നു രശ്മിക മന്ദാനയുടെയും വിജയ് ദേവരകൊണ്ടയുടെയും. വിവാഹ വേദിയില്‍ മാധ്യമങ്ങള്‍ക്ക് വിലക്കുണ്ടായിരുന്നെങ്കിലും കഴിഞ്ഞ കുറച്ചു ദിവസങ്ങളായി ന്യൂസ് ചാനലുകളിലും സോഷ്യല്‍ മീഡിയയിലും ഇരുവരുടെയും വിവാഹ വിശേഷങ്ങള്‍ നിറഞ്ഞു നില്‍ക്കുകയാണ്. അടുത്ത ബന്ധുക്കളും സുഹൃത്തുക്കളും പങ്കെടുത്ത വിവാഹം വളരെ രാജകീയമായി തന്നെയാണ് നടന്നത്. ഇപ്പോഴിതാ ഇരുവരും വിവാഹത്തിന് ധരിച്ച ആഭരങ്ങളുടെ വിലയാണ് ആരാധകരെ അമ്പരപ്പിക്കുന്നത്. ഏകദേശം മൂന്നു കിലോഗ്രാം ഭാരമുള്ള ആഭരണങ്ങളാണ് ഇരുവരും വിവാഹത്തിന് ധരിച്ചതെന്നാണ് റിപ്പോർട്ടുകൾ. തെലങ്കാനയിലെ കോകാപേട്ടിലുള്ള പ്രശസ്തമായ ശ്രീ ജ്വല്ലേഴ്സാണ് ഈ അപൂർവ ആഭരണശേഖരം രൂപകൽപ്പന ചെയ്തത്. എൻ.ഡി.ടി.വി റിപ്പോർട്ട് പ്രകാരം ഏകദേശം പത്തു മാസത്തോളം സമയമെടുത്താണ് അതിസൂക്ഷ്മമായ കൊത്തുപണികളോടു കൂടിയ ഈ ആഭരണങ്ങൾ നിർമ്മിച്ചെടുത്തത്. നാല് കോടി മുതല്‍ ഏഴ് കോടി വരെയാണ് ആഭരണത്തിന് ചെലവായ തുക എന്നാണ് റിപ്പോട്ടുകളിൽ പറയുന്നത്. സാധാരണ വിവാഹങ്ങളിൽ വധുവിനാണ് ആഭരണങ്ങൾക്ക് പ്രാധാന്യം നൽകാറുള്ളതെങ്കിലും, ഇവിടെ വിജയ് ദേവരകൊണ്ടയുടെ വേഷവിധാനം ഏറെ ശ്രദ്ധ നേടിയിരുന്നു. ഒരുപക്ഷെ രശ്‌മികയെക്കാൾ ആരാധകർ കണ്ണുവെച്ചത് വിജയ് ദേവരകൊണ്ടയുടെ കോസ്റ്റ്യുമിൽ ആകാം. സ്ത്രീകള്‍ക്ക് മാത്രമേ കല്യാണത്തിന് ആഭരണം വേണ്ടൂ എന്ന ധാരണ തിരുത്തിച്ചതായിരുന്നു വിജയ് ദേവരകൊണ്ടയുടെ ആഭരണങ്ങളും വസ്ത്രയും. ക്രിക്കറ്റ് താരം വിരാട് കോലിയുടെ പേരിലുണ്ടായിരുന്ന ഒരു റെക്കോർഡ് ഈ താരജോഡികൾ തിരുത്തിയിട്ടുണ്ട്. ഒരു ഇന്ത്യൻ അക്കൗണ്ടിൽ നിന്നുള്ള ഏറ്റവും കൂടുതൽ ലൈക്കുകൾ ലഭിച്ച പോസ്റ്റ് എന്ന റെക്കോർഡ് ആണ് ഇവർ സ്വന്തമാക്കിയിരിക്കുന്നത്. 2024-ലെ ടി20 ലോകകപ്പ് വിജയത്തിന് ശേഷം കോലി പങ്കുവെച്ച ചിത്രത്തിന് ലഭിച്ച 22.8 മില്യൺ ലൈക്കുകളെയാണ് രശ്മികയുടെ വിവാഹ പോസ്റ്റ് മറികടന്നത്. വെറും 48 മണിക്കൂറിനുള്ളിൽ 24 മില്യണിലധികം ലൈക്കുകൾ ഈ ചിത്രങ്ങൾക്ക് ലഭിച്ചു. ഇന്ത്യയിൽ നിന്നുള്ള ഏറ്റവും കൂടുതൽ ലൈക്ക് ചെയ്യപ്പെട്ട രണ്ടാമത്തെ ഇൻസ്റ്റാഗ്രാം പോസ്റ്റായും താരവിവാഹചിത്രങ്ങൾ മാറി. അതേസമയം, ഏഴ് വര്‍ഷം നീണ്ട പ്രണയത്തിനു ശേഷമാണ് രശ്മികയും വിജയിയും വിവാഹിതരായത്. 2018ല്‍ പുറത്തിറങ്ങിയ ഗീതം ഗോവിന്ദം എന്ന ചിത്രത്തിലാണ് ഇരുവരും ആദ്യമായി അഭിനയിക്കുന്നത്. ചിത്രം വന്‍ വിജയമായതോടെ ഇരുവരും പ്രേക്ഷകരുടെയും ഇഷ്ട ജോഡികളായി. ഇരുവരും തങ്ങളുടെ പ്രണയം രഹസ്യമാക്കി വച്ചെങ്കിലും സോഷ്യല്‍ മീഡിയയിലൂടെയും മറ്റും ഇരുവരെയും കുറിച്ചുള്ള ഗോസിപ്പുകള്‍ പരക്കുന്നുണ്ടായിരുന്നു. ഉദയ്പൂരില്‍ വച്ച് തെലുങ്ക് ബ്രാഹ്‌മണ സമ്പ്രദായ പ്രകാരമായിരുന്നു വിവാഹം. രാജസ്ഥാനിലെ ഉദയ്പൂരിലുള്ള മെമെന്റോസ് ബൈ ഐടിസി, ഇകായ ഉദയ്പൂര്‍ എന്നീ പഞ്ചനക്ഷത്ര ഹോട്ടലുകളിലായിരുന്നു വിവാഹ ചടങ്ങുകള്‍ നടന്നത്. എന്റെ ഏറ്റവും അടുത്ത സുഹൃത്ത് ഇനി എന്റെ ഭാര്യ എന്ന കുറിപ്പോടെയാണ് വിജയ് സോഷ്യല്‍ മീഡിയയില്‍ ചിത്രങ്ങള്‍ പങ്കുവച്ചത്. നിരവധി ആളുകളാണ് ഇരുവരുടെയും ചിത്രങ്ങള്‍ക്കു താഴെ ആശംസകളുമായി എത്തിയത്. #😲 3 കിലോ സ്വർണം, കോടികൾ വില; രശ്മികയും വിജയ്‌യും ധരിച്ച ആഭരണങ്ങളുടെ പ്രത്യേക

വിജയ്-സംഗീത ദമ്പതികള്‍ പിരിയുന്നുവെന്ന വാര്‍ത്ത തമിഴ് സിനിമാലോകത്തെന്നത് പോലെ രാഷ്ട്രീയത്തിലും വലിയ ചര്‍ച്ചയായി മാറുകയാണ്. തെരെഞ്ഞടുപ്പ് അടുക്കവെ വിജയ്‌യുടെ രാഷ്ട്രീയ നീക്കങ്ങള്‍ക്ക് വലിയ തിരിച്ചടിയാകും വിവാഹ മോചനെന്നാണ് കരുതപ്പെടുന്നത്. വിജയ്ക്ക് ഒരു നടിയുമായുള്ള ബന്ധമാണ് വിവാഹ മോചനത്തിനുള്ള കാരണമായി സംഗീത ചൂണ്ടിക്കാണിക്കുന്നത്. ഇതിനിടെ നടന്‍ വിജയ്‌യെ സോഷ്യല്‍ മീഡിയില്‍ അണ്‍ഫോളോ ചെയ്തിരിക്കുകയാണ് നടി തൃഷ. വിജയ്‌യുമായി അടുപ്പമുണ്ടെന്ന് സംഗീത ആരോപിച്ച നടി തൃഷയാണെന്ന തരത്തില്‍ സോഷ്യല്‍ മീഡിയയില്‍ ചര്‍ച്ച പുരോഗമിക്കവെയാണ് നടി നടനെ അണ്‍ഫോളോ ചെയ്തുവെന്ന വാര്‍ത്തകളും പുറത്ത് വരുന്നത്. അതേസമയം ഭര്‍ത്താവുമായി ബന്ധമുള്ള നടിയുടെ പേര് സംഗീത വെളിപ്പെടുത്തിയിട്ടില്ല. വളരെ അടുത്ത സുഹൃത്തുക്കളാണ് വിജയും തൃഷയും. വിജയ്‌ക്കൊപ്പമുള്ള ചിത്രങ്ങള്‍ പലപ്പോഴായി തൃഷ സോഷ്യല്‍ മീഡിയയിലൂടെ പങ്കുവച്ചിട്ടുണ്ട്. വിജയ്‌യും തൃഷയും അടുപ്പത്തിലാണെന്ന വാര്‍ത്തകള്‍ നേരത്തെ സോഷ്യല്‍ മീഡിയയില്‍ ചര്‍ച്ചയായിരുന്നു. സംഗീതയുടെ ആരോപണത്തിന്റെ പശ്ചാത്തലത്തില്‍ ആ റിപ്പോര്‍ട്ടുകളുമായി ചേര്‍ത്തുവച്ചാണ് വിജയ്-തൃഷ ബന്ധത്തിലേക്ക് സോഷ്യല്‍ മീഡിയയെത്തുന്നത്. വിവാദങ്ങളുടെ പശ്ചാത്തലത്തിലാണ് തൃഷ നടനെ അണ്‍ഫോളോ ചെയ്തതെന്നാണ് കരുതപ്പെടുന്നത്. നേരത്തെ വിജയ്-സംഗീത ദമ്പതികളുടെ മകന്‍ ജെയ്‌സണ്‍ സഞ്ജയ് വിജയ്‌യെ സോഷ്യല്‍ മീഡിയയില്‍ അണ്‍ഫോളോ ചെയ്തിരുന്നു. ഇതിന് പിന്നാലെയാണ് തൃഷയുടെ നീക്കം. അതേസമയം വിവാഹ മോചന വാര്‍ത്തകള്‍ക്ക് പിന്നാലെ സോഷ്യല്‍ മീഡിയിയല്‍ നിന്നും കടുത്ത ആക്രമണം തൃഷയ്ക്ക് നേരിടേണ്ടി വന്നിരുന്നു. വാര്‍ത്തകളോടും സൈബര്‍ ആക്രമണത്തോടും തൃഷ ഇതുവരേയും പ്രതികരിച്ചിട്ടില്ല. #💔 വിജയ്‌യെ അണ്‍ഫോളോ ചെയ്ത് തൃഷ; സൈബര്‍ ആക്രമണം താങ്ങാനാകാതെ നടി

കഞ്ചാവ് കൈവശംവെച്ച കേസിൽ തന്റെ മകൻ ആദം ഷെം അറസ്റ്റിലായ സംഭവത്തിൽ പ്രതികരണവുമായി നടൻ ടിനി ടോം. ആദമിന് പിന്തുണയർപ്പിച്ചുകൊണ്ട് ടിനി ടോം ഫെയ്സ്ബുക്കിൽ കുറിപ്പ് പങ്കുവെച്ചു. കാലം എല്ലാം തെളിയിക്കുമെന്ന് അദ്ദേഹം എഴുതി. ആദമിന് മഹാത്മാ ഗാന്ധി സർവകലാശാല യുവജനോത്സവത്തിൽ ലഭിച്ച സർട്ടിഫിക്കറ്റിന്റെയും ഫലകത്തിന്റെയും ചിത്രവും ടിനി ടോം കുറിപ്പിനൊപ്പം പോസ്റ്റ് ചെയ്തു. കഴിഞ്ഞദിവസമാണ് കഞ്ചാവ് കൈവശംവെച്ച കേസിൽ നടൻ ടിനി ടോമിന്റെ മകൻ ആദം ഷെം ഉൾപ്പെടെ മൂന്നുയുവാക്കളെ തൃപ്പൂണിത്തുറ ഹിൽ പാലസ് പോലീസ് അറസ്റ്റ് ചെയ്തത്. ആദം ഷെമ്മിന് പുറമേ കാർത്തിക് (20), അമിത് ജോർജ് (21) എന്നിവരും പിടിയിലായി. മൂന്നുപേർക്കുമെതിരേ എൻഡിപിഎസ് ആക്ട് പ്രകാരം കേസെടുത്തു. നാലുഗ്രാം കഞ്ചാവ് ഇവരുടെ കൈയിൽനിന്ന് കണ്ടെടുത്തു. തിരുവാങ്കുളം ഇരുമ്പനംകരയിൽ മകളിയം ക്ഷേത്രത്തിന് സമീപത്തുനിന്നാണ് മൂന്നുപേരേയും പിടികൂടിയത്. കൂട്ടത്തിൽ കാർത്തിക് എന്നയാളുടെ പാന്റിന്റെ പോക്കറ്റിൽനിന്നാണ് സിപ് ലോക്ക് കവറിലായി നാലുഗ്രാം കഞ്ചാവ് കണ്ടെത്തിയത്. മൂവരേയും സ്‌റ്റേഷൻ ജാമ്യത്തിൽ വിട്ടയച്ചു. ലഹരിയെ പേടിച്ച് മകന് സിനിമയിൽ ലഭിച്ച അവസരം വേണ്ടെന്നുവെച്ചുവെന്ന ടിനി ടോമിന്റെ രണ്ടുവർഷം മുമ്പുള്ള പ്രസംഗം വലിയ ചർച്ചയായിരുന്നു. കേരള സർവകലാശാല യുവജനോത്സവം ഉദ്ഘാടനവേദിയിലായിരുന്നു ടിനി ടോമിന്റെ തുറന്നുപറച്ചിൽ. ലഹരിക്കെതിരായ പോലീസിന്റെ 'യോദ്ധാവ്' ബോധവത്കരണ പരിപാടിയുടെ അംബാസഡർ ആയിരുന്നു ടിനി ടോം. #😱 മലയാള നടന്റെ മകൻ കഞ്ചാവുമായി പിടിയിൽ; മകനെ പിന്തുണച്ച് നടൻ

ലോകമേ കാണുക, പുതിയ പുഞ്ചിരിമട്ടത്തിന്റെ ഹൃദയത്തുടിപ്പ്‌. കണ്ണ‍ീർ മുത്തുകൾക്കുമേൽ കേരളം പടുത്തുയർത്തിയ അതിജീവനനഗരം. ഉയിർത്തെഴുന്നേറ്റ്‌ വെള്ളരിമലയുടെ താഴ്‌വാരത്തെ മുണ്ടക്കൈയും ചൂരൽമലയും. ഉരുളൊഴുക്കിൽ ചിതറിയ ജീവിതം ഒത്തുചേർന്ന്‌ വിടരുന്നു. അവിടെ ഇനി സ്‌നേഹവും പുഞ്ചിരികളും പൂക്കും. ഒരുമിച്ച്‌ നെയ്‌ത സ്വപ്‌നങ്ങൾ യാഥാർഥ്യമാകും. കരുത്തിന്റെ, കരുതലിന്റെ ലോകമാതൃകയായി കൽപ്പറ്റയിൽ തലയുയർത്തി നിൽക്കുകയാണ്‌ ട‍ൗൺഷിപ്പ്‌. ഒരു സർക്കാരിന്റെ ‘മനഃസാക്ഷിയിലെ മനുഷ്യത്വം.’ കൽപ്പറ്റയിൽ സർക്കാർ ഒരുക്കിയ ട‍ൗൺഷിപ്പിന്റെ ആദ്യഘട്ടം ഞായർ പകൽ 11ന്‌ മുഖ്യമന്ത്രി പിണറായി വിജയൻ ഉദ്‌ഘാടനംചെയ്യും. മന്ത്രി കെ രാജൻ അധ്യക്ഷനാകും. ഉരുൾപൊട്ടലിൽ വീടും സ്ഥലവും പൂർണമായി നഷ്‌ടപ്പെട്ട ഒന്നാംഘട്ട പട്ടികയിലെ 178 കുടുംബങ്ങൾക്ക്‌ വീട്‌ കൈമാറും. ആയിരം ചതുരശ്രയടിയാണ്‌ വിസ്‌തീർണം. ഏഴ്‌ സെന്റിന്റെ പട്ടയം നൽകും. നിർമാണം തുടങ്ങി 320–ാം ദിനമാണ്‌ ആദ്യഘട്ടം പൂർത്തിയായത്‌. 2024 ജൂലൈ 29ന്‌ രാത്രി പുഞ്ചിരിമട്ടം പൊട്ടി ഒരു ജനതയാണ്‌ ഒലിച്ചുപോയത്‌. വീണ്ടും ഒരുമിച്ച്‌ ജീവിക്കണം എന്നതായിരുന്നു സർവവും നഷ്‌ടപ്പെട്ടവരുടെ ആഗ്രഹം. അതിനൊപ്പം സർക്കാർ നിന്നു. അസാധ്യത്തെ സാധ്യമാക്കുന്ന ഇച്ഛാശക്തിയിലൂടെ അത്‌ നേടി. ചുറ്റുമതിൽ, ഗേറ്റ്, 11.42 കിലോമീറ്റർ റോഡ്‌, ഭൂഗർഭ വൈദ്യുത, ജലവിതരണ ശൃംഖല, കുടിവെള്ള സംഭരണി, സീവേജ്‌ ട്രീറ്റ്‌മെന്റ്‌ പ്ലാന്റുകൾ, സോളാർ പാനൽ, ഗ്രീൻ സ്‌പെയ്‌സ്‌... എല്ലാം സജ്ജം. 64.47 ഹെക്‌ടറിൽ 410 വീടാണ്‌ നിർമിക്കുന്നത്‌. 304 വീടിന്റെ വാർപ്പ്‌ പൂർത്തിയായി. ഏപ്രിലോടെ എല്ലാ വീടും കൈമാറും.ആരോഗ്യകേന്ദ്രം, അങ്കണവാടി, കമ്യൂണിറ്റി സെന്റർ, പൊതുമാർക്കറ്റ്‌, ഉരുൾ സ്‌മാരകം, ഓപ്പൺ തിയറ്റർ, മൾട്ടിപർപ്പസ്‌ ഹാൾ, ലൈബ്രറി, കളിയിടങ്ങൾ, വൈദ്യുതി സബ്‌സ്റ്റേഷൻ തുടങ്ങിയവയും നിർമിക്കും. ഉ‍ൗരാളുങ്കൽ ലേബർ കോൺട്രാക്‌ട്‌ സൊസൈറ്റിയുമായുള്ള ഇപിസി (എൻജിനിയറിങ് പ്രൊക്യുയർമെന്റ്‌ ആൻഡ്‌ കൺസ്‌ട്രക്‌ഷൻ) കരാറിലൂടെ 299 കോടി രൂപയാണ്‌ വിനിയോഗിക്കുന്നത്‌. #😇 ഇനി അവർ ചിരിക്കും; അതിജീവിതർക്ക് ഇന്ന് സ്വപ്നസാക്ഷാത്കാരം