⛳आजचे शिव'कालीन ऐतिहासिक दिनविशेष⛳ 📜 १८ डिसेंबर इ.स.१६६० छत्रपती शिवाजी महाराजांच्या पारिपत्यासाठी औरंगजेबाने त्याच्या दरबारातील सर्वात अमीर सरदार व आपला मामा जो दख्खनचाही सुभेदार होता त्या शाहिस्तेखानाची नेमणूक केली. ७७ हजार घोडदळ व इतर फौजफाटा शिवाय ३२ कोटींचा खजिना सोबत घेऊन खान २८ जानेवारी १६६० ला औरंगाबादहुन निघाला. पुण्यात प्रवेश करून त्याने चाकणच्या भुईकोटाला वेढा दिला. १५ ऑगस्ट १६६० ला चाकणचा किल्ला त्याने जिंकून घेतला. पावसाळा तिथेच काढून खान ऑक्टोबर महिन्यात चाकणहून पुण्याला परतला. पुण्यात त्याने महाराजांच्या लाल महालात मुक्काम करून महाराजांच्या विरोधातील आपल्या हालचाली सुरू ठेवल्या. शिवाजी महाराज यावेळी राजगडावर होते. शाहिस्तेखानाला शह देण्यासाठी त्यांनी यादरम्यान एक सरंजामी वटहुकूम काढला. त्यानुसार पुणे, इंदापूर, चाकण, सुपे, बारामती येथील वतनदारांची वतने अफजलखानाआधी जेणेप्रमाणे तसलमती ज्यास जे पावत असेल त्यास तेणेप्रमाणें देण्याची आज्ञा महाराजानी केली. त्या भागातील सर्वधर्मीय वतनदारांना शाहिस्तेखानाविरोधात उभे करण्यासाठी महाराजानी हे पाऊल उचलले होते. 🏇🚩🏇🚩🏇🚩🏇🚩🏇 https://www.instagram.com/the_great_maratha_warriors/ #🗿शिवकालीन पुराणवस्तू #🙏शिवदिनविशेष📜 #🚩छत्रपती संभाजी महाराज स्टेटस🙏 #🚩शिवराय #🙏शिवाजी महाराज वॉलपेपर https://wa.me/message/Y2WBK2HSVXL5I1 शिव दिनविशेष Video Link🔗 https://youtube.com/shorts/iIVesIHw7bM?si=brnRf0Eh4wjrI7yl 📜 १८ डिसेंबर इ.स.१६८४ शंभुराजेंचे सरदार दादाजी काकडे हे कर्नाटकातील मराठ्यांच्या मुलखातील मंतोरच्या किल्ल्यावर ३००० स्वार व २००० पायदळासह सज्ज होते. ही बातमी कळताच श्रीरंगपट्टणचा जमीनदार जगदेवराव याने आपला एक सरदार ७ हजार स्वार व १५ हजार पायदळ देऊन त्यांच्यावर पाठवला. जमिनदार व मुघलांच्या संयुक्त सैन्याशी मराठ्यांची मोठी लढाई झाली. या लढाईत मराठे मोठ्या शौर्याने लढले. पण दादाजी काकडे,त्यांचा मुलगा व भाऊ भिमाजी हे मुघलांच्या हाती जिवंत सापडले. तिमाजी हे जखमी झाले.या लढाईत मराठ्यांकडील १००० माणसे मारली गेली आणि बरीच जखमी झाली. मुघल आणि म्हैसूरकरांच्या हाती १००० घोडे,हत्यारे अशी बरीच लूट लागली. मंतोरचा किल्ला मुघलांनी जिंकला. 🏇🚩🏇🚩🏇🚩🏇🚩🏇 📜१८ डिसेंबर इ.स. १७२७ श्रीमंत बाजीराव पेशव्यांनी तुफानी घोडदौड करून वाशीम, माहूर, मंगळूरपीर तालुके धुळीस मिळवले. मग अचानक वायव्येस शिरले आणि चोपड्यानजीक तापी उतरून १८ डिसेंबर १७२७ रोजी पौष वद्य प्रतिपदेला कुकरमुंड्याजवळ कुसुंबी प्रांतात आले. तेथून निजामाच्या डोळ्यात धूळफेक करण्याच्या हेतूने छान ! फक्त बुऱ्हाणपूर जाळण्याची हूल उठवून दिली. 🏇🚩🏇🚩🏇🚩🏇🚩🏇 📜 १८ डिसेंबर इ.स. १७७६ रघुनाथराव आणि सुरतकर इंग्रजांमध्ये झालेला तह हा कलकत्तेकर इंग्रजांना अधिक सुरक्षित वाटत नव्हता. ईस्ट इंडिया कंपनीचा गव्हर्नर जनरल वॉरन हेस्टिंग्ज याने पुण्यात बारभाईंची भेट घेण्याकरता कर्नल मॉस्टिन याला वकील म्हणून पाठवले. परंतु नवे पेशवे पुरंदरगडावर होते म्हणून मॉस्टिन पुरंदरावर आला. इथेच इंग्रज आणि पेशव्यांत पुरंदरचा (दुसरा) तह झाला. या तहान्वये बारभाईंनी रघुनाथरावांच्या सुटकेबदल्याप्त साष्टी, वसई, ठाणे इ. प्रदेश आणि रघुनाथरावांपोटी इंग्रजांना आलेला खर्च देण्याचे कबूल केले. याला कारणही तसेच होते. पूर्वी माधवरावांच्या कारकीर्दीत अचानक आलेल्या सदाशिवरावभाऊंच्या तोतयाने पुन्हा डोके वर काढले. माधवरावांनी (थोरल्या) सुखलाल कनोजा नावाच्या या भाऊंच्या तोतयाला रत्नागिरीस कैदेत ठेवले होते. पुढे पुण्यातल्या या साऱ्या गडबडी पाहून रत्नागिरीच्या परांजपे मामलेदाराने सुखलालाला सोडून दिले. सुटल्यानंतर सुखलालाने कोकणातच आपण सदाशिवरावभाऊ असल्याचे सांगून थोडी फौज जमवली आणि पुण्यावर चालून आला. नाना फडणवीसांना अर्थात हा सदाशिवरावभाऊंचा तोतया आहे हे ठाऊक होते. त्यांनी इंग्रजांशी तातडीने तह करून या सुखलालाने इतर लोकांना फसवून फितवायच्या आत त्याला पकडले. पुन्हा एकदा साऱ्या पुणेकर लोकांसमोर नानांनी खास आपल्या पद्धतीने त्याला बोलतं केलं आणि त्याचं पितळ उघडं पाडलं. पुण्यास तोतयाची चौकशी रामशास्रींच्या पंचायतीपुढे सुरू झाली. पंचायतीत शास्रींबरोबर गोपिनाथ दीक्षित, हरिपंत फडके, बाबूजी नाईक बारामतीकर वगैर पंच होते.यांजसमोर त्याने आपण छत्रपुरचा कनोजा ब्राह्मण असल्याचे कबूल केले. सर्वानुमते तोतया खोटा ठरल्यावर त्याची धिंड काढून शहरात सर्व लोकास दाखवून नंतर मेखसूने डोके फोडून त्यास दिनांक १८ डिसेंबर १७७६ रोजी देहांत शासन देण्यात आले. यास जे सामील होते त्यांचे सरंजाम जप्त करून त्यांना प्रायश्चित देण्यात आले. कोणास कैद तर कोणास दंड अशा शिक्षा झाल्या आणि कोंकणात सर्वत्र अंमल बसविला. हा सारा प्रकार दि. १८ डिसेंबर १७७६ रोजी पुण्यात घडला. 🏇🚩🏇🚩🏇🚩🏇🚩🏇 YouTube चैनल वर हि video स्वरूपात शिवदिनविशेष पाहू शकता खालील लिंक वर👇 https://youtube.com/c/thegreatmarathawarriors . . . 👉अतिशय महत्त्वाचे : सर्व शिवप्रेमींना विनंती आहे या पोस्ट मध्ये कोणीही आपली स्वताची प्रसिध्दी करु नये. 🏇🚩🏇🚩🏇🚩🏇🚩🏇 ✍ लेखन / माहिती संकलन : राहूल बोरसे पाटील. शिवकालीन दिनविशेष व इतिहासावरील दर्जेदार माहिती https://www.facebook.com/TheGreatMarathaWarriorss/ 🏇🚩🏇🚩🏇🚩🏇 🚩🏇 ☀🚩⚔️|| हर हर महादेव, जय श्रीराम || || जय भवानी, जय शिवाजी.||⚔️🚩☀