#🙏श्री गुरुदेव दत्त💐 #🙏 प्रेरणादायक बॅनर #🙏श्री स्वामी समर्थ📿 #🙏प्रेरणादायक / सुविचार #✍️सुविचार असे काही नाही....* *ज्याला जे आवडते, ते आपण केले तर, त्याला गोड लागते. भगवंताला प्रेमाशिवाय दुसऱ्या कशाचीच गरज नसते,* भगवंताचे प्रेम यायला त्याच्याशी आपलेपणा लावून ठेवावा. भगवंत जोडल्याशिवाय, हे शक्य नाही असे ठरवावे, साधु संत मार्ग दाखवायला सतत तयार असतात, मात्र आपण आपली देह बुद्धी बाजूला ठेवून त्यांना शरण जावे. *सर्व जग जर भगवंताचे आहे तर मग काळजीचे कारण काय ?* करता करविता तोच असल्याने मनात कोणताही हेतू न धरता परमेश्वरावर श्रद्धा ठेवून वागावे, मन परमेश्वराला अर्पण करावे, मी भगवंताचा आहे ही जाणीव ठेवावी, *तुला द्यावयाला देवा माझे असे काही नाही* *देहदारी जीव माझा तोही अरे माझा नाही* *तुझ्या मालकीच्या घरी* *मीच आहे भाडेकरी* *आजवर भाडे तुझे चुकविले नाही* *देवाच्या या देव्हार्‍याला* *अत्तराचा फाया केला* *रंग लाल झालो तोही मला कळले नाही* *हव्यासच होता सारा* *वाढविले घरदारा* *असा पसारा तर देव कधी नाही जागविला* *कशी करु पूजा तुझी* *सामुग्री ही सारी तुझी* *मालकीची पापे काय ठेव तुझ्या पायी* मी एक पामर आहे, देवा तुला देण्या एवढा मी काही मोठा नाही, हे सर्व तुझेच असल्याने, तुझेच तुला मी काय देऊ ? तू दिलेल्या या देह रुपी देव्हाऱ्यात भाडेकरू म्हणून मी राहत आहे, त्याचे भाडेही मी देऊ शकत नाही, नुसता हव्याशी पणाने मी जगत आलो, प्रपंचात इतका रंगून लाल झालो, की तुझी एक किंचित आठवण आली नाही. ह्यात फक्त माझ्या हव्यास होता, हे माझे ते माझे, सारे तुझेच असूनही साधी तुझी पूजाही केली नाही कारण पूजेची सामग्री ही तुझीच, माझ्या मालकीचा, माझा स्वार्थ तुझ्या पायी कसा ठेवू ? माझा प्रपंच व्हायचा असेल तसा होवो, पण तुझा विसर पडू देऊ नको, खरे सांगायचे म्हणजे आपल्या प्रपंचात येणारी संकटे म्हणजे, ही आपल्या कर्माचीच फळे असतात. संकटामध्ये भगवंताच्या अस्तित्वाची जाणीव राहिली तर, ते आपल्याला समाधान देते. *असमाधान हा रोग सर्वांचा एकच आहे, आणि भगवंताचे स्मरण हे औषधही सर्वांना एकच आहे. असे ब्रह्मचैतन्य गोंदवलेकर महाराज आपल्या नित्य प्रवचनातून सांगतात* 🪷🪷🪷🪷🪷🪷🪷🪷