चाकूरच्या साई शिवालयात महाशिवरात्री निमित्ताने भविकांची मोठी गर्दी चाकूरः- शिवपिंडिच्या आकारातील जगातील एकमेव मोठे मंदिर असलेल्या साईंनंदनवनम् चाकूर जि.लातूर येथील साई शिवालयात महाशिवरात्री निमित्ताने भाविक भक्तांनी दर्शनासाठी मोठी गर्दी केली. जगप्रसिद्ध साईंशिवालय मंदिर येथे रात्री बारा वाजता शिवलिंगास मंत्रोच्चारात अभिषेक करण्यात आला.श्रीकृष्ण सत्यसाईं संस्थानचे सचिव विशालभैया जाधव यांनी पहाटे साडेपाच वाजता रूद्राभिषेक केला तर सकाळी आठ वाजता महाआरती करण्यात आली. यावेळी भाविक मोठ्या संख्येने उपस्थित होते. दुपारी एक ते तीन या वेळात लातूर येथील महिला भजनी मंडळींनी भावगीते, भक्तिगीते यासोबतच भजनाच्या कार्यक्रमाचे सादरीकरण केले. येणाऱ्या भक्तासाठी प्रसादाचे आयोजन करण्यात आले होते. सायंकाळी सहा वाजता संस्थानचे अध्यक्ष श्री उत्तमराव जाधव पाटील यांनी कुटुंबीयांसह महाआरती केली. यावेळी अमोलभैया जाधव, तात्याराव शिंदे, दिलीप भदाडे, अमोल पवार यांच्यासह चाकूर पंचक्रोशीतील भाविक मोठ्या उपस्थित होते. अतिशय उत्साहाच्या वातावरणात मोठ्या भक्तिभावाने साईंनंदनवनम् चाकूर जि. लातूर येथील साई शिवालयात महाशिवरात्री साजरी करण्यात आली. #📝मराठवाडा अपडेट्स