#👩‍🍳 പാചകലോകം #🍨 ഈ ചൂടിനൊരു തണുത്ത ഐസ്ക്രീം +------+------+------+-------+ *🌶️ ഇന്നത്തെ പാചകം 🍳* *കാരറ്റ് മിൽക്ക് ഷേക്ക്* +------+------+------+-------+ ```പോഷകങ്ങളുടെ കാര്യത്തിൽ കാരറ്റ് കേമനാണ്. ധാരാളം നാരുകളും, വിറ്റാമിനുകളും ധാതുക്കളും കാരറ്റിൽ അടങ്ങിയിട്ടുണ്ട്. കണ്ണിൻ്റെ ആരോഗ്യത്തിനും, ദഹനം വർധിപ്പിക്കാനും, ചർമ്മ സംരക്ഷണത്തിനുമൊക്കെ കാരറ്റ് ഗുണം ചെയ്യും. ആരോഗ്യത്തിന് ഏറ്റവും മികച്ച ആഹാരം തന്നെയാണ് ഇത്. കാരറ്റ് പാകം ചെയ്തും ചെയ്യാതെയും കഴിക്കാം. മാത്രമല്ല ശരീരത്തെ കൂളാക്കാൻ കിടിലൻ മിൽക്ക് ഷേക്കും തയ്യാറാക്കാം. ``` ________________________ *ചേരുവകൾ* ________________________ _കാരറ്റ് - വലുത് ഒരെണ്ണം_ _ബദാം - പന്ത്രണ്ട് എണ്ണം_ _അണ്ടിപരിപ്പ് - പത്ത് എണ്ണം_ _പാൽ - അര ലിറ്റർ_ _ശർക്കര അല്ലെങ്കിൽ പഞ്ചസാര - ഒന്നര ടേബിൾ സ്പൂൺ_ _ഏലക്കാപ്പൊടി - അര ടീസ്പൂൺ_ ________________________ *തയ്യാറാക്കുന്ന വിധം* _______________________ ```ഒരു വലിയ കാരറ്റ് ഗ്രേറ്റ് ചെയ്തെടുക്കാം. അത് അരച്ചെടുക്കുക. അതിലേക്ക് വെള്ളത്തിൽ കുതിർത്തുവെച്ച പന്ത്രണ്ട് ബദാമും പത്ത് അണ്ടിപരിപ്പും ഇട്ട് കുറച്ച് പാല് കൂടി ഒഴിച്ചു കൊടുക്കുക. തുടർന്ന് പേസ്റ്റ് രൂപത്തിൽ അരക്കാം. ശേഷം ആ മിക്സിലേക്ക് ആവശ്യത്തിന് മധുരം ചേർക്കുക. മധുരത്തിനായി പഞ്ചസാരയോ ശർക്കരയോ ഉപയോഗിക്കാവുന്നതാണ്. അര ടീസ്പൂൺ ഏലക്കാപൊടിച്ചതും ചേർത്ത് കുറച്ച് പാലും ഒഴിച്ച് ഒരിക്കൽ കൂടി ബ്ലെൻ്റ് ചെയ്യുക. സ്മൂത്ത് ആൻ്റ് ക്രീമി ടെക്സ്ചറിൽ ബ്ലെൻ്റ് ചെയ്ത് എടുത്ത കാരറ്റ് മിൽക്ക് ഷേക്ക് ഗ്ലാസിലേയ്ക്ക് പകർന്ന് തണുപ്പിച്ചോ അല്ലാതെയോ സേർവ് ചെയ്യാം. ``` +------+------+------+-------+