🙏शिवदिनविशेष📜 Images • 🆔Official_Sagar 💞💤👑 (@21sachin) on ShareChat

🆔Official_Sagar 💞💤👑 - Author on ShareChat: Funny, Romantic, Videos, Shayari, Quotes

नागपूरकर भोसले घराण्यातील एक शूर व मुत्सद्दी व्यक्ती. इतिहासात हे पहिले नावाने प्रसिद्ध आहे. पुणे प्रांतातील हिंगणीचे. तलवारीच्या पातीवर त्यांनी केलेला पराक्रम एवढा मोठा होता कि, त्यांच्या अधिपत्याखाली असलेलं बंगाल आजही त्यांची आठवण काढतच असतो, असे “नागपूरकर सरदार रघुजी भोसले”...🚩 सरदार रघुजी भोसले मराठा साम्राज्य विस्तार करण्यात फार महत्त्वाची कामगिरी केलेले हे एक सरदार असून ते 'सेनासाहेब सुभा' या पदाने प्रसिद्ध आहेत. परसोजी भोसले यांनी शाहू महाराजांना मोठी मदत केली होती. हे परसोजी स्वतःला 'हिंगणीकर भोसले' असे म्हणवीत असत. आणि नागपूरकर भोसल्यांच्या सर्व वंशजास हिंगणीकर असे अनेक बखरीत म्हटले आहे. त्यावरून ही दोन्ही घराणी एकच आहेत असे म्हणण्यास दिक्कत नाही. परसोजींनी छत्रपती शिवाजी महाराज, छत्रपती संभाजी महाराज, छत्रपती राजाराम महाराज व छत्रपती शाहू महाराज या चारही छत्रपतींची सेवा केली होती... छत्रपती राजाराम महाराजांनी ती सेवा विचारात घेऊन त्यांना 'सेनासाहेब सुभा' हे पद दिले होते. परसोजीनंतर त्यांचा मुलगा कान्होजी यानेही शाहू महाराजांची सेवा केली. त्याने या रघुजींचा मुलाप्रमाणे सांभाळ केला होता. पण पुढे काही कारणांनी दुरावा निर्माण झाला आणि रघुजी छत्रपती शाहू महाराजांकडे दाखल झाले. आपल्या गुणांच्या व कर्तृत्वाच्या जोरावर ते महाराजांची मर्जी मिळवित गेले. रघुजी भोसले खऱ्या अर्थाने नागपूर राज्याचे संस्थापक मानले जातात. १३ ऑक्टोबर १७३७ रोजी शाहू महाराजांनी रघुजीकडे बेरार सुभ्याचा अंमल सोपविला आणि त्यांनी तो विश्वास सार्थ ठरवित केवळ दोन वर्षांत त्या प्रदेशात महाराजांचे वर्चस्व प्रस्थापित केले. महाराजांच्या आदेशानुसार फत्तेसिंग भोसले सोबत दक्षिणेच्या मोहिमा यशस्वी केल्या. बंगालवर आक्रमण केले. हे त्यांचे कार्य पुढे दक्षिण व उत्तरेतील साम्राज्य विस्तारांतर्गत दिले जाईल. शाहू महाराजांच्या दरबारात मोठा सन्मान असलेले सरदार रघुजी शाहू महाराजांचे घनिष्ठ नातेवाईक (साडू) होते... ● पूर्वेकडील साम्राज्यविस्तार : पूर्व हिंदुस्थानातील मराठा साम्राज्य विस्तार म्हणजे प्रामुख्याने रघुजी भोसले या सरदाराचे कार्य व क्षेत्र होय. १७३८ साली शाहू महाराजांनी रघुजींला लखनौ, मुर्शिदाबाद, बुंदेलखंड, अलाहाबाद, पाटणा, ढाका, बिहार असा पूर्वेकडील प्रदेश चौथाई, सरदेशमुखी वसुलीसाठी कार्यक्षेत्र म्हणून दिला होता... #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त