एखाद्या पाश्चात्य मनुष्याने आपली किंवा आपल्या राष्ट्राची स्तुती केली तर त्याला एक विशेष वलय प्राप्त होते... जगाच्या पूर्वभागात मराठ्यांइतके बलिष्ठ राष्ट्र कोणतेही नाही. इंग्रज अधिकारी कॅप्टन मॅकफर्सनने त्याचा अधिकारी मित्र कर्नल चॅम्पियनला लिहिलेल्या पत्रात. (पत्राची तारीख आहे ७ मार्च १७७६)... महाराष्ट्रात इतिहास म्हणजे ‘छत्रपती शिवाजी महाराज’ हे समीकरण आहे. शिवाजी महाराजांची कीर्ती सांगणारा कोणीही व्यक्ती आज महाराष्ट्रात आदरयुक्त मानला जातो, परंतु त्यांच्या कर्तृत्वाची दखल जगाने सतराव्या शतकातच घ्यायला सुरुवात केली होती. महाराजांच्या काळात अनेक युरोपियन लोक भारतात येऊन गेले त्यामध्ये मुख्यतः पोर्तुगीज, फ्रेंच, इंग्रज, डच आणि इटालियन लोक होते. या मध्ये काही अधिकारी होते, काही खासगी व्यापारी, काही धर्मप्रचारक तर काही प्रवासी होते. अशा अनेक लोकांनी तत्कालीन भारताचे वर्णन, राजकीय इतिहास, संस्कृती याबद्दल विस्तृतपणे लिहीले आहे. महाभारतात इतिहासाची अतिशय सोपी आणि सुंदर व्याख्या आली आहे... इतिहासप्रदिपेन मोहावरणघातीना । लोकागर्भ गृहंकृस्न यथावत संप्रकाशितम ।। अर्थ : इतिहास ही राष्ट्राची ज्योत आहे, तिच्या प्रकाशात अंध:काराचा नाश होतो आणि आपल्या पूर्वजांच्या वास्तूचे आणि व्यवहाराचे यथार्थ दर्शन घडते... परकीयांच्या नजरेतून छत्रपती शिवाजी महाराज : सुरेंदनाथ सेन. #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त