*_అయ్యా.. ఇంతకీ ఇది మీకు తెలుసా?_* *నాకు ఇప్పుడే తెలిసింది*
*శ్రీరామచంద్రుడు బ్రాహ్మణుడట!" - గౌతమ్ కశ్యప్*
*శ్రీరాముడి గురించి కొందరు ఇతర మతస్థులు, మరి కొందరు మహా మేధో నాస్తికులు ఆయనను బ్రాహ్మణుడు అని చెప్పి అందుకే బ్రాహ్మణులు రాముణ్ణి నెత్తిన పెట్టుకుంటున్నారు అంటున్నారు*.
*కానీ, అయ్యా శ్రీరాముడు సూర్యవంశపు "క్షత్రియుడు".* *భారతదేశంలోనే కాక మలేషియా, నేపాల్, భూటాన్, బర్మా వంటి అనేక దేశాల్లో అడుగడుగునా ఉన్న బ్రాహ్మణులతో పాటు ప్రతి కులం వారు రాముడిని ఆరాధిస్తున్నారు*.
*వారంతా క్షత్రియులు కాకపోయినా, రాముడిని తమ ఆరాధ్య దైవంగా భావిస్తారు*.
*ఎందుకంటే రాముడు కులాలకు అతీతుడు.*
*రామకథను మనకు అందించిన మహర్షి వాల్మీకి*
*ఒకప్పుడు "బోయవాడు".*
*రామునికి లోకజ్ఞానం నేర్పిన మంత్రి సుమంతడు, తన అర్హతలతో తానే స్వయంగా ఎదిగిన వాడు*.
*రాముని గురుపత్ని అరుంధతీ మాత నేటి కుల భాషలో చెప్పాలంటే "మాదిగ వనిత" అని పురాణాలు చెబుతున్నాయి*.
*శ్రీ రాముని నది దాటించిన ప్రాణమిత్రుడు గుహుడు ఒక "జాలరి"! తన ఆకలి తీర్చిన శబరి మాత "కోయ జాతి" (గిరిజన) స్త్రీ.*
*ఆమె ఎంగిలి చేసిన పండ్లను రాముడు అమృతప్రాయంగా స్వీకరించాడు.*
*అక్కడ ఆ పళ్ళలో ఆయన చూసింది భక్తిని, ప్రేమను మాత్రమే.. కులాన్ని కాదు.*
*ఒక పక్షి (జటాయువు) సీతమ్మను రక్షించే క్రమంలో ప్రాణాలు విడిస్తే, దానికి పుత్రుడి స్థానంలో ఉండి సకల కర్మకాండలు నిర్వహించిన మహనీయుడు రాముడు*.
*వనచరులనే (గిరిజనులు) తన సహచరులుగా చేసుకుని ధర్మ పరిరక్షణ చేశాడు.*
*వారధి నిర్మాణంలో సలహాలిచ్చిన నలుడు, నీలుడు నేటి భాషలో వడ్డెర కులస్తులు.*
*యుద్ధంలో లక్ష్మణుడికి ప్రాణదానం చేసిన వైద్యుడు సుషేణుడు ఒక గిరిజనుడు*.
*నీతి తప్పిన బ్రాహ్మణుడైన రావణుడిపై యుద్ధ తంత్రం రచించడంలో సహకరించినది రాముని* *గురుతుల్యుడైన ఆది జాంబవంతుడు (ఎస్.సి.).*
*రావణుడిని సంహరించడానికి రాముడికి మద్దతుగా నిలిచిన రాజగురువులంతా బ్రాహ్మణులే!*
*ఎందుకంటే అది ధర్మానికి, అధర్మానికి మధ్య జరిగిన సమరం. రాముడు తమ కులం వాడు కాకపోయినా, ఎటువంటి వివక్ష లేకుండా ఆ రామాయణాన్ని నిత్యం పారాయణ చేస్తూ లోకానికి చాటిచెప్తున్నది బ్రాహ్మణులే.!!*
*రాముడు క్షత్రియుడైనా ధర్మం వైపు నిలబడ్డాడు, రావణుడు బ్రాహ్మణుడైనా అధర్మం వైపు నిలబడ్డాడు. అందుకే లోకం రాముడిని దేవుడిగా పూజిస్తోంది*
*అవతార పురుషులకు కులం అంటగట్టడం పరమ మూర్ఖత్వం.*
*ధర్మ సూక్ష్మాన్ని రామునికి గుర్తు చేసింది ఒక మామూలు చాకలి వ్యక్తి. పట్టాభిషేకానికి బంగారు సీతను తయారు చేసినది విశ్వకర్మలు (కంసాలి వారు).*
*గొప్ప కవి గుర్రం జాషువా గారు, క్రీస్తు చరిత్ర రాసినా.. రాముడిని మనసారా పూజించి పద్యకావ్యాలు రాశారు*.
*అందుకు ఆయనను క్రైస్తవ మిషనరీలు బహిష్కరించినా ఆయన తన ధర్మాన్ని వీడలేదు*.
*కవులకు ఋషులకు ప్రవక్తలకు కులం, మతం ఉండదు*.
*వారు నిత్య సత్యాన్వేషణలో, నిస్వార్థ చింతనలో పుట్టిన అమృత ఫలాలు.*
*హిందూ ధర్మంలో కొన్ని లోపాలు ఉండవచ్చు, అవి ఏ మతంలో లేవు?*
*ఎదుటి మతాలను విమర్శించే ముందు మనల్ని మనం సంస్కరించుకోవాలి.*
*కుల మతాలకు అతీతంగా రాముడిలోని ధర్మాన్ని చూద్దాం, మనుషుల్లా జీవిద్దాం*.
*గమనిక: అయ్యా.. ఈ వ్యాసంలో కూడా ఏవైనా లోపాలు ఉంటే సక్రమమైన భాషలో తెలియజేయండి, తప్పకుండా సరిదిద్దుకుంటాను. జై హింద్!*
*ఎన్ని ప్రశ్నలయినా వెయ్యండి. తెలిస్తే చెబుతాను తెలియకపోతె తెలుసుకోవడానికి ప్రయత్నిస్తాను*.
*ఈ మధ్య నోరు జారడం ప్రతి దానికీ బూతులు మాట్లాడడం ఎక్కువై చివరికి అలవాటై పోతోంది.*
*అసలు చదువుకున్నారా వీళ్ళు అని అనిపించేస్తాయిలో ఆ మాటలు ఉంటున్నాయి.* #మన సంప్రదాయాలు సమాచారం
