🤔தெரிந்து கொள்வோம் Images • 💘💞Par Tha💞💘 (@par

💘💞Par Tha💞💘 - Author on ShareChat: Funny, Romantic, Videos, Shayari, Quotes

முதல் புள்ளியும் முற்று புள்ளியும்! சத்யவதி இருள் நடுவே அமர்ந்திருந்தாள். அரண்மனையின் அகல்விளக்குகள் காற்றில் அலைந்து அங்கும் இங்குமாக வெளிச்சத்தை அள்ளிவீசி கொண்டிருந்தன. அந்த அரைகுறை வெளிச்சத்தில் யாரோ நடந்துவரும் ஓசை கேட்டது. "யாரது?" அவளின் குரல் சுவரில் பட்டு எதிரொலித்தது. " நான்தான் பெரிய அத்தை" என்றது பழக்கப்பட்ட மென்மையான குரல். " வந்திருப்பது கிருஷ்ணனா?" "ஆம். நானேதான்!" அவன் வெளிச்சத்திற்கு வந்தான். "நலமா அத்தை?" "நலம் விசாரிக்கும் நேரமா இது? என் வம்சம் முற்றிலுமாக அழிந்துவிட்டது. கௌரவர் தரப்பில் திருதராஷ்டிரனுக்கு கொள்ளி போட ஒரே ஒரு கவுரவன் மட்டும் எஞ்சியிருக்கிறான்.அவனும் வேலைக்காரிக்கு பிறந்தவன்." "அவன்தான் நாளை அஸ்தினாபுரியின் அரசன்.துரியனின் நாட்டை ஆளப்போகும் வாரிசு." "பாண்டவர் தரப்பில் யாரும் இல்லை.அஸ்வத்தாமன் பாண்டவர் வாரிசான உபபாண்டவர் உட்பட அனைவரையும் கொன்றுவிட்டான். உத்திரையின் வயிற்றில் உள்ள கரு மட்டுமே வாரிசாக எஞ்சியிருக்கிறது. அதுவும் ஆணா பெண்ணா என்று தெரியாது" "அது நாளைய கவலை. எதுவாக பிறப்பினும் அதுவே வாரிசு" "நான் என்ன பாவம் செய்தேன்? என் வம்சத்திற்கு மட்டும் ஏன் இப்படி நடக்கிறது?" "எனக்கு காரணம் தெரியும். அதை சொன்னால் உன் மனம் புண்படும்" " இதற்கு மேல் புண்பட என்ன இருக்கிறது?" "அப்படியானால் நான் அறிந்த உண்மையை சொல்கிறேன். அதை ஏற்பதும் ஏற்காததும் உன் இஷ்டம்" "இங்கே எல்லாமே உன் இஷ்டம்போல்தானே நடக்கிறது. அடுக்கு உன் காரணங்களை " "நான் சொல்வதை கேட்டு கோபப்படாதே அத்தை. இந்த அழிவிற்கு பிள்ளையார்சுழி போட்டது நீ தான்" "நானா?" "ஆம். நீ தான். நீ ஒரு பரதவப் பெண்ணாக பிறந்தாய். மேனியில் மீன் வாடையடிக்கும் உனக்கு மச்சகந்தி என்று பெயர். பராசரன். முற்றும் அறிந்த முனிவன்.நல்ல நேரத்தில் அறிவுள்ள குழந்தை பிறக்க வேண்டும் என்பதற்காக அவசரமாக உன்னுடன் கூடி வியாசனை பெற்றான். உன் கன்னிதன்மையை திரும்ப தந்ததுடன் மேனியில் சௌந்தர்யமணதினையும் எழுச் செய்தான். தற்செயலாக உன்னை சந்தித்த அஸ்தினாபுரியின் மன்னன் சாந்தனு அந்த வாசனையால் கவரப்பட்டு உன்னை மணக்க விரும்பினான்.அவனது முதல் மனைவி கங்கை. அவளுக்கு பீஷ்மன் என்ற மகன் இருந்தான்.அவனே அடுத்த அரசன்.எனக்கு பிறக்கும் பிள்ளைகள் தான் அரசாள வேண்டும் என்றதால் பீஷ்மன் பிரம்மசரிய விரதம் ஏற்றான்." " இது எல்லோரும் அறிந்தது தானே?" "ஆம். ஆனால் அனைவரும் கர்மத்தை அறிவதில்லையே? உன் ஆசை உன் பிள்ளைகள் அரசாள வேண்டும் என்பது. உனக்கு பிறந்தவர்கள் இருவர். ஒருவன் விசித்திரவீரியன் இன்னொருவன் சித்ராங்கதன்.அவர்களுக்கு பெண் தேடிச்சென்ற பீஷ்மன் காசிநாட்டின் மூன்று இளவரசிகளை தூக்கி வந்தான்.அம்பாவை திருமணம் செய்ய மறுத்ததன் மூலம் அவனே அவன் உயிருக்கு ஆபத்தை தேடிகொண்டான்.அம்பிகாவையும் அம்பாலிகாவையும் திருமணம் செய்துகொண்ட இரு சகோதரர்களுக்கும் குழந்தை பிறக்கவேயில்லை. நீ நியோக முறையில் வாரிசை உருவாக்க நினைத்தாய். நீ நினைத்திருந்தால் பீஷ்மனை அம்பாவை திருமணம் செய்ய சொல்லி உன் சத்தியத்தை திரும்ப பெற்றிருக்கலாம். நாளை வாரிசு போட்டி வந்துவிடுமோ என்று மவுனமானாய். இப்போது வாரிசு இல்லாத நிலையில் நீ பீஷ்மனிடம் நியோக முறையில் வாரிசை பெற உதவி கேட்டிருக்கலாம். மூத்தகுடியின் மகன் என்பதால் அவனை நிராகரித்தாய். நியோகத்தை நடத்த வியாசன் வந்தான்.அவனுடன் கூட விருப்பமில்லாத உன் மருமகள்களை நீ கூடச் சொல்லி நிர்பந்தித்தாய். ஒரு பெண்ணிற்கு இன்னொரு பெண்ணே எதிரியானது இப்போதுதான் அத்தை. அவர்களின் மனதை நீசுக்குநூறாக உடைத்தாய்.வியாசனுக்கு பிறந்த திருதராஷ்டிரன் கண்பார்வையற்று பிறந்தான். பாண்டு பலவீனமாக பிறந்தான். இருவருக்கும் பிறந்த உன் பேரப்பிள்ளைகள் தான் உன் வம்சத்தை அழித்து கொண்டிருக்கிறார்கள். உன் குலம் தழைக்க ஒருவனது வாழ்வை நீ அழித்தாய். தன் தாயிற்காக தியாகம் செய்த பீஷ்மனின் வாழ்வு வீணாயிற்று. நல்ல நோக்கத்திற்காக அவன் செய்த தியாகம் தவறாகிவிட்டது. நீ செய்த கர்மா சில தலைமுறைகள் கடந்து வேலை செய்கிறது. நீ உறங்கலாம். உன் கர்மா உறங்காது. தர்மம் என்பது எல்லோருக்கும் நன்மை செய்வது. ஒருவனின் வாழ்வை அழிப்பதல்ல! நீ செய்த பாவங்களுக்கான தண்டனை உடனே கிடைத்துவிடாது. தலைமுறைகள் தாண்டிவரும் அந்த புதிர் கணக்கு. உன் வம்சம் மட்டுமே ஆளவேண்டும் என்று நினைத்தாய்..உன் மகன்களின் அழிவை கண்ணால்பார்த்தாய். இப்போது பேரன்களின் அழிவை அதே கண்களால் பார்க்கிறாய். வம்சத்தை காப்பாற்ற நினைத்த நீயே வம்ச அழிவுக்கு காரணமானாய்." "ஆம். நான்தான் எல்லாவற்றிற்கும் காரணம். எனக்கு ஏன் மரணம் வரவில்லை?" "நாம் நீண்டநாள் வாழ்ந்து எப்போதோ செய்த தவறுகள் நம் முன்வந்து நின்று நியாயம் கேட்கும்வரை ஒரு மனிதனுக்கு மரணம் வராது அத்தை. குரு வம்சத்தின் முதல் புள்ளியையும் நீயே வைத்தாய். முற்றுபுள்ளியையும் நீயே வைக்கிறாய்.நீண்ட ஆயுளே ஒரு சாபம்தான் அத்தை, நான் வந்த வேலை முடிந்துவிட்டது. நான் வருகிறேன்" அவன் வெளிச்சத்திலிருந்து இருட்டில் இறங்கினான். அரண்மனைக்கு வெளியேயும் இருள் கவிய தொடங்கியது. #🤔தெரிந்து கொள்வோம்

🤔தெரிந்து கொள்வோம் - உலகின் மிக நீண்ட இதிகாசங்களுள் ஒன்று மகாபாரதம் உலகின் மிக நீண்ட இதிகாசங்களுள் ஒன்று மகாபாரதம் - ShareChat