BG (ISKCON) 4 ശ്ലോകം 12 ᴜɴᴅᴇʀꜱᴛᴀɴᴅ ᵗʰⁱˢ ɪʀʀᴇꜱᴩᴇᴄᴛɪᴠᴇ ᴏꜰ ʀᴇʟɪɢɪᴏɴ ᴄᴏᴜɴᴛʀy 𝚎𝚝𝚌 ᵗʰᵉ ᵐⁱⁿⁱᵐᵘᵐ ʳᵉˢᵘˡᵗ ˢʰᵒᵘˡᵈ ᵇᵉ ᴇʟᴇᴠᴀᴛɪᴏɴ ᴛᴏ ℍ𝕖𝕒𝕧𝕖𝕟𝕝𝕪 𝕻𝖑𝖆𝖓𝖊𝖙𝖘👍. ഈ ഭൗതികലോകത്തിലെ ദേവന്മാരെക്കുറിച്ച് നമുക്ക് വലിയൊരു തെറ്റിദ്ധാരണയുണ്ട്. മഹാവിദ്വാന്മാരെന്ന് കരുതപ്പെടുന്നവരെങ്കിലും ബുദ്ധി കുറഞ്ഞ അത്തരക്കാർ ദേവന്മാരെ ഭഗവാൻ കൃഷ്ണന്റെ വിവിധ രൂപങ്ങളായി കരുതുന്നു. വാസ്തവത്തിൽ ദേവന്മാർ ഭഗവാന്റെ വിവിധ രൂപങ്ങളല്ല. അവർ അദ്ദേഹത്തിന്റെ അംശങ്ങളാണ്. കാങ്ക്ഷന്തഃ കർമണാം സിദ്ധിം യജന്ത ഇഹ ദേവതാഃ ക്ഷിപ്രം ഹി മാനുഷേ ലോകേ സിദ്ധിർഭവതി കർമജാ ഇഹ - ഈ ലോകത്തിൽ; കർമണാം - കർമ്മഫലങ്ങളുടെ; സിദ്ധിം - പൂർണ്ണതയെ; കാങ്ക്ഷന്ത - കാംക്ഷിക്കുന്നവർ; ദേവതാ – ദേവതകളെ; യജന്തേ - യജ്ഞംകൊണ്ട് ആരാധിക്കുന്നു; ഹി - തീർച്ചയായും; മാനുഷേ ലോകേ - മനുഷ്യസമുദായത്തിൽ; കർമജാ - ഫലോദ്ദിഷ്ടകർമ്മങ്ങളിൽ നിന്നുള്ള; സിദ്ധി - വിജയം; ക്ഷിപ്രം - വേഗത്തിൽ; ഭവതി - ഉണ്ടാകുന്നു. ഈ ലോകത്തിൽ ജനങ്ങൾ കാമ്യകർമ്മങ്ങളിൽ വിജയം വരിക്കാൻ ആഗ്രഹിക്കുന്നതുമൂലം ദേവന്മാരെ ആരാധിക്കുന്നു. ഇവിടെ കർമ്മങ്ങൾക്ക് വേഗത്തിൽ ഫലം സിദ്ധിക്കാറുണ്ടല്ലോ. ഭാവാർത്ഥം: ഈ ഭൗതികലോകത്തിലെ ദേവന്മാരെക്കുറിച്ച് നമുക്ക് വലിയൊരു തെറ്റിദ്ധാരണയുണ്ട്. മഹാവിദ്വാന്മാരെന്ന് കരുതപ്പെടുന്നവരെങ്കിലും ബുദ്ധി കുറഞ്ഞ അത്തരക്കാർ ദേവന്മാരെ ഭഗവാൻ കൃഷ്ണന്റെ വിവിധ രൂപങ്ങളായി കരുതുന്നു. വാസ്തവത്തിൽ ദേവന്മാർ ഭഗവാന്റെ വിവിധ രൂപങ്ങളല്ല. അവർ അദ്ദേഹത്തിന്റെ അംശങ്ങളാണ്. ഈശ്വരൻ ഏകനാണ്; അംശങ്ങൾ അസംഖ്യവും. വേദോക്തമിതാണ്. നിത്യോ നിത്യോനാം (ഈശ്വരൻ ഏകൻ); ഈശ്വരഃ പരമഃ കൃഷ്ണ8 കൃഷ്ണൻ, ഒരാൾ മാത്രമാണ് സർവ്വേശ്വരൻ. ഭൗതികപ്രപഞ്ച ത്തിന്റെ ഭരണത്തിന് അദ്ദേഹത്താൽ നിയമിതരായവരാണ് ദേവന്മാർ. പല നിലവാരത്തിലുള്ള, ഭൗതികശക്തികളുള്ള ജീവാത്മാക്കളാണവർ. (നിത്യാനാം) നാരായണൻ, കൃഷ്ണൻ, വിഷ്ണു, എന്നിങ്ങനെ അറിയപ്പെടുന്ന സർവ്വേശ്വരന് തുല്യരല്ല ഈ ദേവന്മാർ. ദേവന്മാരേയും സർവ്വേശ്വരനേയും ഒരുപോലെ കാണുന്നവർ നാസ്തികരോ, പാഷണ്ഡികളോ ആണ്. ദേവോത്തമന്മാരായ ബഹ്മാവിനേയും ശിവനേയും കൂടി പരമപുരുഷനോടുപമിക്കാവുന്നതല്ല. വാസ്തവത്തിൽ ദേവന്മാരായ ശിവബ്രഹ്മാദികളും സർവ്വേശ്വരനെ ആരാധിക്കുന്നു. (ശിവ വിരിഞ്ചിനുതം). എന്നാൽ ആശ്ചര്യം തന്നെ; മൃഗദേവതാരാധന, മനുഷ്യാരാധന തുടങ്ങിയ തെറ്റായ ധാരണകൾക്ക് അടിമപ്പെട്ട് മനുഷ്യമുഖ്യരെ പൂജിക്കുന്നവരായിട്ട് ഇവിടെ പല മൂഢജനങ്ങളുമുണ്ട്; 'ഇഹദേവതാഃ' എന്ന പദം ഈ ഭൗതികലോകത്തിലെ പ്രഭാവശാലിയായ മനുഷ്യനേയോ ദേവനേയോ സൂചിപ്പിക്കുന്നു. ഭഗവാൻ നാരായണൻ അഥവാ കൃഷ്ണൻ, വിഷ്ണു ഈ ഭൗതികലോകത്തിൽപ്പെടുന്നില്ല. ഭൗതികസ്യഷ്ടിക്ക് അതീതനാണദ്ദേഹം. അവ്യക്തിഗതവാദികളുടെ ആചാര്യനായ ശ്രീപാദ ശങ്കരാചാര്യൻപോലും നാരായണൻ അഥവാ കൃഷ്ണൻ ഭൗതികസർഗ്ഗത്തിന്നതീതനാണെന്ന് സ്ഥാപിച്ചിട്ടുണ്ട്. എന്നിട്ടും മൂഢന്മാർ (ഹൃതജ്ഞാനർ) താമസംവിനാ ഫലം ലഭിക്കുന്നതിനായി ദേവന്മാരെ ആരാധിക്കുന്നു. ഫലം അവർക്ക് ലഭിക്കാറുമുണ്ട്. എന്നാൽ അങ്ങനെ കിട്ടിയ ഫലങ്ങൾ ക്ഷണികങ്ങളാണെന്നും ബുദ്ധി കുറഞ്ഞവർക്ക് വേണ്ടുന്നവയാണെന്നും അവർക്കറിഞ്ഞുകൂടാ. ബുദ്ധിശാലിക്ക് കൃഷ്ണാവബോധമുണ്ട്, താത്കാലികമായ നേട്ടത്തിനുവേണ്ടി നിസ്സാരന്മാരായ ദേവന്മാരെ ആശ്രയിക്കുകയുമില്ല. ഈ ഭൗതികലോകത്തിലെ ദേവന്മാരും അവരുടെ ആരാധകരും പ്രപഞ്ചാവസാനത്തിൽ നശിച്ചു പോകുന്നു. ഭൗതികവും നശ്വരവുമത്രേ ദേവന്മാരിൽ നിന്ന് കിട്ടുന്ന വരദാനങ്ങൾ. എല്ലാ ഭൗതികലോകങ്ങളും, ദേവന്മാരുൾ പ്പെടെ അവയിലെ നിവാസികളും സർഗ്ഗസമുദ്രത്തിലെ കുമിളകൾ മാത്രമാണ്. എന്നിരിക്കിലും ഇവിടെ മനുഷ്യസമുദായം ഭൂസ്വത്ത്, കുടുംബം, സുഖസൗകര്യങ്ങൾ എന്നീ ക്ഷണികങ്ങളായ ഭൗതികഭോഗ ങ്ങൾക്കായി പരക്കം പായുന്നു. ക്ഷണികങ്ങളായ അവ കൈവശപ്പെടുത്തുവാൻവേണ്ടി ദേവന്മാരേയും സമൂഹത്തിൽ സ്വാധീനശക്തി ചെലുത്തുന്ന മനുഷ്യരേയും ആരാധിക്കുകയും ചെയ്യുന്നു. ഒരു രാഷ്ട്രീയ നേതാവിനെ സേവിച്ച് ഒരു മന്ത്രിപദം നേടാൻ സാധിച്ചാൽ അത് വലിയ നേട്ടമായെന്നാണവർ കരുതുന്നത്. താത്കാലിക ഗുണങ്ങൾക്കുവേണ്ടി വമ്പന്മാരായ ജനനേതാക്കളെന്ന് വിളിക്ക പ്പെടുന്നവർക്കു മുന്നിൽ മുട്ടുകുത്തിക്കൊണ്ട് അവർ അഭീഷ്ടങ്ങൾ നേടുന്നുമുണ്ട്. ഭൗതികജീവിത ക്ലേശങ്ങൾക്ക് ശാശ്വതപരിഹാരം കാണാൻ കൃഷ്ണാവബോധത്തെ ആശ്രയിക്കണമെന്ന് ഈ മൂഢ ന്മാർക്ക് തോന്നാറില്ല. അവരെല്ലാം ഇന്ദ്രിയ സുഖങ്ങൾക്കു പിന്നിൽ പരക്കം പായുന്നു. ഇന്ദ്രിയസുഖങ്ങൾക്കുള്ള ചെറിയ ഒരവസരം ലഭിക്കുന്നതിനായി അവയുടെ ചുമതല വഹിക്കുന്ന ദേവന്മാരായ ജീവാത്മാക്കളെ അവർ പ്രീണിപ്പിക്കാൻ ആഗ്രഹിക്കുന്നു. പ്രായേണ മനുഷ്യർക്ക് കൃഷ്ണാവബോധത്തിൽ താത്പര്യമുദിക്കാറില്ലെന്നും മറിച്ച അവർ ഭൗതികസുഖാസക്തരാകയാൽ ശക്തരായ ജീവാത്മാക്കളെ ആരാധി ക്കുകയാണ് പതിവെന്നും ഈ ശ്ലോകം വ്യക്തമാക്കുന്നുണ്ട്. #🙏 ശ്രീകൃഷ്ണ ഭജനകൾ #Devotional #🆕 ലേറ്റസ്റ്റ് അപ്ഡേറ്റ് #💭 Best Quotes ##𝗔𝗗𝗩𝗢𝗖𝗔𝗧𝗘𝗠𝗔𝗡𝗢𝗝𝗚𝗨𝗥𝗨𝗩𝗔𝗬𝗨𝗥