सिंदखेडराजाचे प्राचीन नाव सिधपुर असलेला शिलालेख...🚩 राजमाता जिजाऊसाहेब यांचे नांव माहीत नाही असा मराठा मिळणे महाराष्ट्रात तरी अशक्य. ह्याच जिजाऊचें माहेर ह सिंदखेड होय...! आपल्या पूर्वजांचे वैभव, पराक्रम व कीर्ति याची प्रत्यक्ष स्मारकेच वाटावीत अशीं जीं थोडी ऐतिहासिक व पुण्यवान स्थळे महाराष्ट्राच्या वाटणीस आली त्यांत लखुजीराजे जाधवरावांच्या सिंदखेडचा प्रामुख्याने समावेश होतो. छत्रपति शिवाजी महाराजासारख्या असामान्य राजपुरुषाचा इतिहास हि सिंदखेडच्या इतिहासावाचून अपुरा रहावा इतके अपूर्व ऐतिहासिक महत्व सिंदखेडा प्राप्त झाले आहे.. हा पूर्वीचा महत्वाचा परगणा खरा पण आज त्याची लहान खेड्यांत गणना होते. अकबरच्या वेळेस व त्यानंतर बरीच वर्षे सिंदखेड मेहेकर सरकाराखाली होते... सिंदखेडचे प्राचीन नांव आलापूर होते. ते बदलून सिंदखेड नांव कां पडले याची खालील तीन कारणे सांगण्यांत येतात... १).सिंधुरम राजाने वसविल्यामुळे त्याला सिंदखेड म्हणतात असा सार्वत्रिक समज आहे. बखरकारहि "कदीम बस्ती आलापूर नंतर सिंदुराजा गौळी याने अलिकडे सिंध- खेड बस्ती केली" असे स्पष्ट लिहितो.. २). दुसरें कारण असे की ह्या गांवी अनेक संत, योगी व सिद्धपुरुष होऊन गेले असल्यामुळे या गांवचे नांव 'सिद्धपूर व पुढे अपभ्रंशाने सिंदखेड झाले असावें. सिंदखेड येथील बरचसे जुने कागदपत्र आमच्या पहाण्यांत आले असून त्यांत सिंदखेडचा उल्लेख 'सिद्धक्षेत्र' 'सिद्धपूर' ह्या नांवांनी केला आहे यांत शंका नाही.. या शिवाय शके १५०९ मध्ये येथील निळकंठेश्वराच्या देवळांत कारलेल्या शिला लेखांत 'परगणे शीधपूर' असा स्पष्ट उल्लेख आहे. त्याच प्रमाणे सिंदखेडचे सुप्रसिद्ध संतकवि गोसावी नंदन यांचा चरित्रकारहि "सिंदखेड स्थळ । सिध्दांचे केवळ ।। देखोनी तात्काळ । वास केला ।। असे या गांवचे वर्णन करतो.. ॥ ३). सिंदीच्या झाडावरून या गांवाला सिंदखेड म्हणत असावे असाहि लोकांचा समज आहे. पण ह्या गांवी सिंदीची झाडे कर्धीहि कोणी पाहिल्याचे सांगत नाहीं. या व्यतिरिक्त सिंदखेडचा प्राचीन इतिहास अद्यापि उपलब्ध नाही... #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त