BG 15 ശ്ലോകം 6 𝑻𝒉𝒆𝒔𝒆 𝒔𝒆𝒍𝒆𝒄𝒕𝒆𝒅 𝐁𝐇𝐀𝐆𝐀𝐕𝐀𝐓𝐇𝐆𝐈𝐓𝐀 𝒗𝒆𝒓𝒔𝒆𝒔 𝒂𝒓𝒆 𝒂𝒄𝒕𝒖𝒂𝒍𝒍𝒚 𝒘𝒂𝒚 𝒕𝒐 𝒓𝒆𝒂𝒍 𝒔𝒂𝒍𝒗𝒂𝒕𝒊𝒐𝒏 𝒂𝒌𝒂 𝒈𝒆𝒕𝒕𝒊𝒏𝒈 𝒐𝒖𝒕𝒔𝒊𝒅𝒆 𝒖𝒏𝒊𝒗𝒆𝒓𝒔𝒆𝒔 𝒕𝒐 𝒔𝒑𝒊𝒓𝒊𝒕𝒖𝒂𝒍 𝒑𝒍𝒂𝒏𝒆𝒕𝒔 𝒘𝒉𝒆𝒓𝒆 𝒘𝒆 𝒃𝒆𝒍𝒐𝒏𝒈 𝒊𝒓𝒓𝒆𝒔𝒑𝒆𝒄𝒕𝒊𝒗𝒆 𝒐𝒇 𝒓𝒆𝒍𝒊𝒈𝒊𝒐𝒏 𝒄𝒐𝒖𝒏𝒕𝒓𝒚 𝒆𝒕𝒄. 𝑼 𝒕𝒂𝒌𝒆 𝒊𝒕 𝒐𝒓 𝒍𝒆𝒂𝒗𝒆 𝒊𝒕.. 𝐈𝐭'𝐬 𝐥𝐞𝐟𝐭 𝐭𝐨 𝐲𝐨𝐮👍 ᴜɴᴅᴇʀꜱᴛᴀɴᴅ ᵗʰⁱˢ ɪʀʀᴇꜱᴩᴇᴄᴛɪᴠᴇ ᴏꜰ ʀᴇʟɪɢɪᴏɴ ᴄᴏᴜɴᴛʀy 𝚎𝚝𝚌 ᵗʰᵉ ᵐⁱⁿⁱᵐᵘᵐ ʳᵉˢᵘˡᵗ ˢʰᵒᵘˡᵈ ᵇᵉ ᴇʟᴇᴠᴀᴛɪᴏɴ ᴛᴏ ℍ𝕖𝕒𝕧𝕖𝕟𝕝𝕪 𝕻𝖑𝖆𝖓𝖊𝖙𝖘👍. പരമപുരുഷനായ ശ്രീകൃഷ്ണ ഭഗവാന്റെ വാസസ്ഥാനത്തെ - ഗോലോകവൃന്ദാവനമെന്ന കൃഷ്ണലോകത്തെ - ഇവിടെ വർണ്ണിക്കുന്നു. ഒരാൾക്ക് സത്യത്തിന്റെ തെറ്റായ പ്രതിഛായയിൽ നിന്ന് സ്വയം പുറത്തുകടന്ന് ശാശ്വതലോകം പ്രാപിക്കണമെന്ന് ആഗ്രഹമുണ്ടാവണം. ന തദ്ഭാസയതേ സൂര്യോ ന ശശാങ്കോ ന പാവകഃ യദ് ഗത്വാ ന നിവർതന്തേ തദ്ധാമ പരമം മമ തത് - അതിനെ (ആ പദത്തെ); സൂര്യ - സൂര്യൻ; ന ഭാസയതേ – പ്രകാശിപ്പിക്കുന്നില്ല; ശശാങ്ക - ശശാങ്കൻ : ന - പ്രകാശിപ്പിക്കുന്നില്ല; പാവക - പാവകനും (വൈദ്യുതി); ന - പ്രകാശിപ്പിക്കുന്നില്ല; യത് - യാതൊന്നിനെ; ഗത്വാ – ഗമിച്ചിട്ട്; ന നിവർത്തന്തേ -(സംസാരത്തിലേയ്ക്ക്) തിരിച്ചുവരുന്നില്ല; തത് - അത് ; മമ – എന്റെ; പരമം – പരമമായ; ധാമ - ധാമമാകുന്നു. പരമമായ എന്റെ ആവാസസ്ഥാനത്ത് സൂര്യചന്ദ്രന്മാരോ അഗ്നിയോ വൈദ്യുതിയോ വെളിച്ചം വീശുന്നില്ല. അവിടെ ചെന്നെത്തിയവർ ഒരിക്കലും ഭൗതികലോകത്തിലേയ്ക്ക് തിരിച്ചുവരില്ല. പരമപുരുഷനായ ശ്രീകൃഷ്ണ ഭഗവാന്റെ വാസസ്ഥാനത്തെ - ഗോലോകവൃന്ദാവനമെന്ന കൃഷ്ണലോകത്തെ - ഇവിടെ വർണ്ണിക്കുന്നു. പരവ്യോമത്തിൽ സൂര്യചന്ദ്രന്മാരോ അഗ്നിയോ വൈദ്യുതിയോ വെളിച്ചം പരത്തേണ്ട ആവശ്യമില്ല. അവിടെ എല്ലാ ഗ്രഹങ്ങളും സ്വയം പ്രകാശങ്ങളത്രേ. ഈ വിശ്വത്തിൽ സൂര്യനു മാത്രമേ സ്വയം പ്രകാശമുള്ളൂ. പരവ്യോമത്തിലെ എല്ലാ ഗ്രഹങ്ങളും സ്വയം പ്രകാശിതങ്ങളാണ്. വൈകുണ്ഠങ്ങളെന്നറിയപ്പെടുന്ന ഗ്രഹങ്ങളുടെ ഉജ്ജ്വല പ്രകാശമാണ് പരവ്യോമം. ഇത് ബ്രഹ്മജ്യോതിയെന്നറിയപ്പെടുന്നു. വാസ്തവത്തിൽ ഈ പ്രഭാപൂരം പൊഴിയുന്നത് കൃഷ്ണലോകമെന്ന ഗോലോകവൃന്ദാവനത്തിൽ നിന്നാണ്. ഈ പ്രഭാപൂരത്തിന്റെ ഒരു ഭാഗം മഹത്തത്ത്വമെന്ന ഭൗതികപ്രപഞ്ചത്താൽ ആവരണംചെയ്യപ്പെട്ടിരിക്കുകയാണ്. വെട്ടിത്തിളങ്ങുന്ന ഭൂരിഭാഗവും, വൈകുണ്ഠമെന്നറിയപ്പെടുന്ന ആദ്ധ്യാത്മികലോകങ്ങളാൽ നിറഞ്ഞിരിക്കുന്നു. ഇവയിൽ സുപ്രധാന മാണ് ഗോലോകവൃന്ദാവനം. ഇരുളടഞ്ഞ ഈ ഭൗതികലോകത്തിൽ ജീവസത്തയുടെ ജീവിതം ബദ്ധമാണ്. കീഴ്മേലായി നിൽക്കുന്ന ഈ മായാവൃക്ഷത്തെ ഛേദിച്ച് പ്രവ്യോമത്തിലെത്തിയാൽ അയാൾ മുക്തനായി. പിന്നെ തിരിച്ചുവരുന്ന പ്രശ്നമേയില്ല. ബന്ധനാവസ്ഥയിലായിരിക്കെ ഭൗതികപ്രപഞ്ചത്തിന്റെ ഉടമയെന്ന് അഭിമാനിച്ചാലും സ്വതന്ത്രാവസ്ഥയിൽ ആത്മാവ് ആദ്ധ്യാത്മിക സാമ്രാജ്യത്തിലെത്തി ഭഗവാന്റെ സഹചാരിയായിത്തീരുന്നു; ശാശ്വതാനന്ദവും, ശാശ്വതജീവിതവും പൂർണ്ണജ്ഞാനവും നേടുന്നു. ഈ അറിവുകൊണ്ട് നാം പ്രചോദിതരാവണം. ഇതറിഞ്ഞ ഒരാൾക്ക് സത്യത്തിന്റെ തെറ്റായ പ്രതിഛായയിൽ നിന്ന് സ്വയം പുറത്തുകടന്ന് ശാശ്വതലോകം പ്രാപിക്കണമെന്ന് ആഗ്രഹമുണ്ടാവണം. ഭൗതിക ലോകത്തോട് അതിയായ ആസക്തിയുണ്ടെങ്കിൽ അത്രവേഗം അതിനെ വിട്ടൊഴിയാനാവില്ല. കൃഷ്ണാവബോധപ്രവർത്തനംകൊണ്ട് ക്രമേണ വിരക്തി വരാനുള്ള സാദ്ധ്യതയുണ്ട്. കൃഷ്ണാവബോധമുള്ള ഭക്തന്മാരു മായി സഹവസിക്കുകയും അത്തരമൊരു സമൂഹത്തെ തേടി കണ്ടെത്തുകയും വേണം. അങ്ങനെ ഭക്തിയുതഭഗവത്സേവനം പരിശീലിക്കണം. എന്നാൽ ഭൗതികതയോടുള്ള ആസക്തി മുറിച്ചുനീക്കാൻ കഴിയും. കാവിയുടുത്തതുകൊണ്ട് മാത്രം ഭൗതികാകർഷണങ്ങളിൽ നിന്ന് വിട്ടൊഴിയാൻ സാദ്ധ്യമല്ല. ഭക്തിയുതഭഗവത് സേവനകർമ്മത്തിൽ ആസക്തിയുണ്ടാവണം. യഥാർത്ഥ വൃക്ഷത്തിന്റെ തെറ്റായ പ്രാതിനിധ്യമാകുന്ന ബന്ധനത്തിൽ നിന്നൊഴിയാൻ പ്രന്തണ്ടാമദ്ധ്യായത്തിൽ വിവരിച്ചതുപോലെയുള്ള ഭക്തിയുതസേവനം വളരെ ഗൗരവത്തോടെ സ്വീകരിക്കണം. ഭൗതികപ്രകൃതി എല്ലാ പ്രക്രിയകളേയും മലിനപ്പെടുത്തുന്നതെങ്ങനെയെന്ന് പതിനാലാമദ്ധ്യായത്തിൽ വിവരിച്ചിട്ടുണ്ട്. ഭക്തിപൂർവ്വമായ ഭഗവതിസേവനമൊന്നേ തികച്ചും അതീന്ദ്രിയമായുള്ള. പരമം മമ എന്ന വാക്കുകൾക്കിവിടെ പ്രാധാന്യമുണ്ട്. വാസ്തവത്തിൽ ഏതൊരു മുക്കും മൂലയും പരമപുരുഷന്റേതു തന്നെ. എങ്കിലും പരമം അതായത്, ആറ് ഐശ്വര്യങ്ങളും തികഞ്ഞത് ആദ്ധ്യാത്മികലോകമത്രേ. അവിടെ വെയിലോ നിലാവോ നക്ഷത്രങ്ങളോ ആവശ്യമില്ലെന്ന് കഠോപനിഷത്തും പറയുന്നുണ്ട് : ‘ന തത്ര സുര്യോഭാതി ന ചന്ദ്ര താരകം (2.2.15). പരവ്യോമം മുഴുവൻ ഭഗവാന്റെ അന്തരംഗശക്തികൊണ്ടുതന്നെ പ്രകാശമാനമാണ്. ആ പരമധാമം ആത്മസമർപ്പണത്താലല്ലാതെ മറ്റൊരു വഴിയിലൂടെയും ആർക്കും പ്രാപ്യമല്ല. #💭 Best Quotes #🆕 ലേറ്റസ്റ്റ് അപ്ഡേറ്റ് ##𝗔𝗗𝗩𝗢𝗖𝗔𝗧𝗘𝗠𝗔𝗡𝗢𝗝𝗚𝗨𝗥𝗨𝗩𝗔𝗬𝗨𝗥 #Devotional #🙏 ശ്രീകൃഷ്ണ ഭജനകൾ