सेनापती संताजी-धनाजींचा बेळगाव-धारवाड प्रदेशात धुमाकूळ...🚩 या सुमारास मराठ्यांचे सेनानी संताजी आणि धनाजी बेळगाव-धारवाड या कर्नाटक प्रदेशाच्या सीमेवर धुमाकूळ घालीत होते. (सप्टें. ऑक्टबर, १६९२).. प्रथम त्यांनी बेळगावच्या परिसरातील किल्ले व ठाणी जिंकून घेतली. उभ्या पिकांत लष्कराची घोडी घालून त्यांची नासधूस केली. एवढेच नव्हे तर खुद्द बेळगावच्या किल्ल्यासही त्यांनी वेढा दिला. लवकरच हा वेढा उठवून संताजी जिंजीच्या दिशेने गेले पण लगेच विचार बदलून ते बेळगावकडे आले. तिथे काही दिवस संचार पुन्हा करून तो व धनाजी धारवाडकडे गेले आणि धारवाडच्या किल्ल्यास त्यांनी वेढा दिला.. सेनानी संताजी आणि धनाजी यांच्या या कर्नाटक प्रदेशातील हालचालींची माहिती आपणास केवळ औरंगजेबाच्या दरबारातील अखबारांतून मिळते. हे अखबार म्हणजे दरबारातून नियमितपणे प्रसिद्ध होणारी बातमीपत्रेच होती. मराठ्यांच्या इतिहासाच्या अभ्यासास ही बातमीपत्रे बहुमोल मदत करतात. त्यांच्या साहाय्यानेच मराठ्यांच्या स्वातंत्र्य युद्धातील त्यांच्या शेकडो लढाया व हालचाली यांच्याविषयी महत्त्वाची माहिती मिळते.. ● २७ ऑक्टोबर १६९२ चे बातमीपत्र म्हणते..., “हरकाऱ्यांच्या तोंडून बातमी आली की; धनाजी जाधव व संताजी हे आजमनगर बेळगाव भागातून बाहेर पडले ते धारवाडला पोहोचले असून, त्यांनी धारवाडच्या किल्ल्याला वेढा दिला आहे...” पण लवकरच धारवाडचाही वेढा उठवून मराठे नरगुंदकडे निघून गेले. नोव्हेंबरच्या मध्यावर ते कर्नाटकातील गोविंदगडाजवळ होते आणि त्यांच्या मागावर विजापुरी कर्नाटकाचा मोगल फौजदार कासिमखान हा होता.. ● २१ नोव्हेंबर १६९२ चे बातमीपत्र म्हणते..., "बादशहांनी सियादत खानास म्हटले, 'मीर हुसामुद्दीन गुर्जबर्दार (दंडधारी) याला कासिमखानाकडे पाठविले होते तो परत आला आहे. त्याला विचारा की, गनिमांच्या काय हालचाली आहेत..? त्यांचा पाठलाग करीत कासिमखान कुठे पोहोचला आहे..?' सियादतखानने चौकशी करून कळविले, 'कासिमखान हा मराठ्यांचा पाठलाग करीत मौजे सिल्ही येथे पोहोचला आहे. संताजी व धनाजी जाधव वगैरे गोविंदगड किल्ल्याच्या कासिमखान व मराठे यांच्यात दहा कोसांचे अंतर आहे. गदग प्रांतातील जमीनदार कासिमखानास भेटले आहेत...” #🙏शिवदिनविशेष📜 #📜इतिहास शिवरायांचा #🚩मी शिवबा भक्त #😇आमचे प्रेरणास्थान: छत्रपती🙏 #🚩शिवरायांचे भक्त