#🙏शिवदिनविशेष📜 🚩 #आजचे_ऐतिहासिक_दिनविशेष #२३_मार्च_१६६० संकटाची मालिका...! स्वराज्याचा फास आवळत चालला होता आदिलशाहीने सर्व देशमुख, वतनदारांना केदारजी खोपड्याच्या मदतीने कौलनामे पाठवून मदत करण्याची विनंती पत्रे लिहली. मोघलांकडून शाहिस्तेखान फास आवळत चालला होता. छत्रपती शिवाजी महाराज पन्हाळगडाच्या वेढ्यात अडकले असताना लोभाने आपलेच लोक फुटून शिवरायांना साथ न देता यावनाना जाऊन मिळत होते. राजमाता जिजाऊ साहेब स्वतः स्वराज्याचा डोलारा सांभाळत होत्या, यातून सुटनेही अवघड होऊन बसले. 🚩🏇🚩 #२३_मार्च_१६७४ आनंदराव काकांचे बेहलोलला सडेतोड उत्तर! सरनौबत प्रतापराव गुजर काका आणि ६ शूर मावळे शिवरायांच्या शब्दाखातर स्वराज्यासाठी प्राण गमावून बसले. ही बातमी आनंदरावांनी महाराजांना कळवली आणि दिलासा दिला की " सेनापती पडले तरी राग न धरणे, त्यांच्या जागी मी आहे " महाराजांना आता प्रश्न पडला की, सरनौबत कोण करावा? आलेल्या पत्रांस महाराजांनी आनंदरावांना उत्तर दिले की, " आपण तूर्त त्यांच्या वेतनावर काम करावे. मात्र शत्रूची याद राखावी " महाराजांच्या आज्ञेने आनंदराव काकांची हुरूप वाढली. हेरांकरवी माहिती काढत काकांनी गनिमी कावा वापरून बेहलोलच्या मुलखात घुसून त्राही माजवली. आनंदराव काका सरळ कानडी मुलखात घुसले. बांकापूरपासून २५ मैलांवर पेंच गाव खणत्या लावून लुटले. त्यानंतर संपगावची संपन्न पेठही लुटली. ३००० बैल लागले ही लूट स्वराज्यात आणायला. 🚩🏇🚩 #२३_मार्च_१६७८ ऑक्टोबर १६७६ मध्ये महाराजांनी दक्षिण स्वारीसाठी प्रस्थान केले. महाराजांनी छत्रपती शंभूराजांवर प्रभावळीचा कारभार सोपवला. आजच्या दिवशी शंभूराजांनी स्वत:स शृंगारपुर येथे कलशाभिषेक करवून घेतला. एवढे मोठे पाऊल उचलताना कवी कलश हे शंभूराजांसोबत होते. 🚩🏇🏻🚩 #२३_मार्च_१६८२ औरंगजेबासोबत त्याचे ३ पुत्र, नातू व सर्व मोठे सेनाध्यक्ष दक्षिणेत गोळा झाले होते, बुर्हाणपुरास त्यांची पुढची व्यवस्था करून २३ मार्च रोजी औरंगजेब (औरंगाबादेत) सध्याच्या छत्रपती संभाजीनगर येथे पोहोचला. 🚩🏇🏻🚩 #२३_मार्च_१९३१ भगतसिंग , राजगुरु , सुखदेव लाहोरच्या तुरुंगात हसत हसत फासावर गेले . 🙏🇮🇳 तरुण वयात देशाकारिता फांसावर लटकुन या वीरांनी देशातील तरुणांच्या हृदयात क्रांतीज्योती पेटविली, भारताला स्वातंत्र्य मिळावे म्हणून हौतात्म्य पत्करले. भगतसिंग_राजगुरु_सुखदेव या विरांना विनम्र अभिवादन . 🙇🇮🇳 🚩🏇🚩🏇🚩🏇🚩🏇🚩