Bengol Tigress.. ईडी विरुद्ध बंगालची वाघीण पश्चिम बंगालने आज भीतीच्या दडपशाहीच्या राजकारणाचा बुरखा फाडला निवडणुका जवळ आल्या की देशात एक ठरलेलं नाट्य रंगतं. पोस्टर आधी लागत नाहीत. भाषणं आधी होत नाहीत. सर्वांत आधी मैदानात उतरतात तपास यंत्रणा. ईडी, सिबीआय, इन्कम टॅक्स यंत्रणा यांचे छापे हे छापे चौकशीसाठी नसतात, ते भीतीचा बागुलबुवा दाखवण्यासाठी असतात. सत्तेला प्रश्न विचाराल, तर दारावर ईडी तपास यंत्रणा उभी राहील.. हाच तो भीती दाखवण्याचा प्रयत्न.. पण आज बंगालमध्ये हा खेळ फसलाय.. . जेव्हा ईडी I-PAC चे संचालक प्रतीक जैन यांच्या घरी पोहोचली. तेव्हा देशाने दोन वेगळी राजकारणं एकाच वेळी पाहिली. एक दिल्लीचं, जे फाईल्स, नोटिसा आणि भीतीच्या दाखवत चालतं. दुसरं.. पश्चिम बंगालचं, जे थेट रस्त्यावर उतरून प्रतिकार करते कोणताही प्रवक्ता नाही. कोणतंही ट्वीट नाही. “कायदा आपलं काम करतोय” असा पळवाटा भरलेला वाक्यप्रचार नाही. ममता बनर्जी स्वतः तिथे उभ्या राहिल्या. हीच खरी राजकारणाची ओळख जे नेते ईडी, सीबीआय, आयकर खात्यांच्या धाक दाखवून निवडणूक लढवतात, ते जनतेसमोर उभं राहायला घाबरतात. ईतकेच काय ट्रंपसमोर हे शेळी होतात.. आणि जे नेते जनतेत उभे राहतात, त्यांना कोणत्याही एजन्सीची भीती वाटत नाही. ममता बनर्जी यांनी स्पष्ट शब्दांत सांगितलं "हा छापा भ्रष्टाचार शोधण्यासाठी नव्हता. हा छापा उमेदवारांची यादी, निवडणूक रणनीती, आणि गोपनीय कागदपत्रं मिळवण्यासाठी होता" जर हे खरं असेल.. आणि आजचं चित्र तसंच सांगतं.. तर हा केवळ राजकीय दबाव नाही, हा लोकशाहीवरचा थेट हल्ला आहे. तपास की दडपशाही? गेल्या दहा वर्षांत एक ठराविक नमुना स्पष्ट दिसतो विरोधी पक्षातला नेता → छापा निवडणूक जाहीर → एजन्सी सक्रिय सत्ताधारी → निर्दोष आकडे सांगतात, ईडीच्या 90 टक्क्यांहून अधिक कारवाया विरोधकांविरोधात झाल्या. शिक्षा? जवळजवळ शून्य. मग प्रश्न उरतो ही चौकशी आहे, की भीती निर्माण करण्याचं हत्यार? ईडीने सापाच्या बिळात हात घातला… कुणीतरी म्हटलं होतं.. ९०च्या दशकात जेव्हा नशा काम करत नव्हता, तेव्हा लोक सापाच्या बिळात हात घालत होते, कदाचित विष तरी चढेल म्हणून. आज ईडीनेही तेच केलं. त्यांनी बंगालमध्ये हात घातला. पण या वेळी समोर साधा साप नव्हता. तो किंग कोब्रा निघाला. ममता बनर्जी यांनी ना हिंसेचा आदेश दिला, ना कायदा मोडायला सांगितलं. त्या एवढंच म्हणाल्या! “माझ्या घरात चोरी कराल, तर प्रतिकार होणारच.” हा प्रतिकार गोंधळाचा नाही. तो लोकशाहीचा आहे. दिल्ली भीती दाखवते, बंगाल भीतीसमोर ताठ उभा राहतो दिल्लीचं राजकारण भीतीवर दडपशाही वर उभं आहे फाईल्स, नोटिसा, तपास. बंगालचं राजकारण लोकांवर उभं आहे आंदोलन, रस्ते, धैर्य. म्हणूनच बंगालमध्ये मतदानाने नव्हे, तर व्यवस्थापनाने निवडणूक जिंकायचा प्रयत्न होतो.. उमेदवारांना घाबरवा ईडी एजन्सी पाठवा मतदार यादीत खेळ करा यंत्रांवर भरोसा ठेवा आणि मग सांगा... “जनतेने कौल दिला.” ममता बनर्जी म्हणजे फक्त एक मुख्यमंत्री नाही आज ममता बनर्जी फक्त पश्चिम बंगालच्या मुख्यमंत्री नाहीत. त्या सत्तेच्या भीतीविरुद्ध उभी असलेली एक जिवंत राजकीय आव्हान आहेत. त्या आठवण करून देतात.. लोकशाहीत खरी ताकद एजन्सीत नसते, ती जनतेत असते. उद्या I-PAC छाप्याविरोधात पश्चिम बंगाल मधे मोठी रॅली निघणार आहे. ती फक्त रॅली नसेल.. तो दिल्लीला इशारा असेल. बंगाल दडपशाहीला घाबरत नाही. एजन्सींच्या जोरावर निवडणूक जिंकता येईल. पण जनतेच्या विरोधात सत्ता टिकत नाही. आणि जो नेता भीतीच्या आड लपतो, तो जनतेसमोर उभा राहण्यास लायक नसतो. बंगालने आज ठणकावून सांगितलं.. प्रत्येक वेळी भीती, धाकदडपशाही जिंकत नाही. कधी कधी भीतीसमोर ममता बॅनर्जी सारखी वाघीण उभी राहते. #🏛️राजकारण #🔴आजचे ताजे अपडेट्स📰 #👌प्रेरणादायी स्टेट्स #🔎लेटेस्ट आंतरराष्ट्रीय अपडेट्स✌ #🤪राजकारण जोक्स🤪