#📙 നോവൽ - മുറ ചെറുക്കൻ..... 🔻 ഭാഗം _50 ✍️ രചന - Aysha akbar വൈകുന്നേരത്തിന്റെ സ്വർണ വെളിച്ചം പതിയേ മാഞ്ഞു തുടങ്ങുന്നുണ്ട്........ മരങ്ങൾ നിറഞ്ഞു നിൽക്കുന്ന ആ മുറ്റത്തൊരു തരം ഇരുട്ട് പോലെ....... മരങ്ങൾക്കിടയിലൂടെ വരുന്ന സ്വർണ രശ്മികൾ കാറിന്റെ ഗ്ലാസിൽ തട്ടി അവളുടെ മുഖത്തൊന്നുരസി.... അപ്പോഴും നന്ദ്യാർ വട്ട പ്പൂക്കൾ കൊഴിഞ്ഞു കൊണ്ടേയിരിക്കുന്നുണ്ട്..... പിന്നാമ്പുറത്തെ കൃഷ്ണ കിരീട പ്പൂക്കൾ അവളുടെ വരവറിഞ്ഞെന്ന വണ്ണം വിടർന്നു നിൽക്കുമ്പോൾ ഇതൊന്നുമറിയാതെ അവൾ മറ്റേതോ ലോകത്തായിരുന്നു... ഋതിന്റെ അലർച്ച കേട്ടതും പൂമുഖത്തെ ചാരു കസേരയിലിരുന്നിരുന്ന മുത്തശ്ശി എഴുന്നേറ്റു...... അടുക്കളയിൽ നിന്ന് തനൂജയും ശബ്ദം കേട്ടെന്ന വണ്ണം ഓടി വരുമ്പോൾ യൂണിഫോം പോലും മാറാതെ കഴിക്കാനിരുന്നിരുന്ന മീനു പാത്രവുമെടുത്ത് കൊണ്ട് തനൂജക്ക് പിറകെ യോടി.... അത്ര മേലാ ശബ്ദം അവിടെ കനത്തു നിന്നിരുന്നു...... ഒരു നിമിഷം പുറത്തേക്ക് വന്ന മൂന്ന് പേരും ഋതിനെ കണ്ടതും ഒന്ന് ഞെട്ടി.... കാരണം... അവനെ അവരാരും അവിടെ പ്രതീക്ഷിക്കുന്നില്ലായിരുന്നു...... മോനെ ഋതു..... നീയെന്താ അവിടെ തന്നെ നിന്ന് കളഞ്ഞത്.... അകത്തേക്ക് വാ..... അവന്റെ മുഖത്തെ ദേഷ്യം എന്തിനെന്ന് മനസ്സിലാവാതെ മുത്തശ്ശി യത് പറയുമ്പോൾ അവൻ അവരെ തറപ്പിച്ചോന്ന് നോക്കി...... ഞാൻ വന്നത് നിങ്ങളെ ആരെയും കാണാനില്ല...... അവനെ കാണാനാണ്..... ഋതിൻ വീണ്ടുമത് പറയുമ്പോഴും ആരെന്ന മട്ടിൽ മുത്തശ്ശിയും തനൂജയും പരസ്പരം നോക്കി.... ഈ വീട്ടിൽ ആരുമായും ഋതിന് യാതൊരു പരിചയവുമില്ലെന്ന വ്യക്തമായ ബോധം അവരിലുണ്ടായിരുന്നത് കൊണ്ട് തന്നെയായിരുന്നത്..... ഒരു വൈദ്യനുണ്ടല്ലോ ഇവിടെ.... അവനെ വിളിക്ക്... അവന് വേണ്ടിയൊരു രോഗിയെയും കൊണ്ടാണ് ഞാൻ വന്നിരിക്കുന്നതെന്ന് പറ..... അത്ര കൂടി പറഞ്ഞു നിർത്തുമ്പോൾ ഋതിന്റെ മുഖം ദേഷ്യം കൊണ്ട് ചുവന്നിരുന്നു.... മുത്തശ്ശിയും തനൂജയും ഒന്നും മനസ്സിലാക്കാതെ പരസ്പരം നോക്കി നിൽക്കുമ്പോൾ മീനു പതിയെ അവിടെ നിന്ന് ഉൾവലിഞ്ഞിരുന്നു..... മുകളിൽ കിടക്കുകയായിരുന്ന അവനെ തേടി അവളോടി..... ചെറിയൊരു പനി യുള്ളത് കൊണ്ട് ഇന്ന് ഉച്ചക്ക് ശേഷം കടയിൽ പോകാതെ കിടന്നതാണവൻ..... ഏട്ടാ.... വേഗം എഴുന്നേൽക്.....ഗായത്രി അപ്പച്ചീടെ മോൻ ഋതിൻ വന്നിട്ടുണ്ട്..... താഴെ നിന്ന് നല്ല ചീത്ത വിളിയാ....... മീനു ഒറ്റ ശ്വാസത്തിൽ അത്‌ പറഞ്ഞു നിർത്തുമ്പോൾ സച്ചു പെട്ടെന്നൊന്നു എഴുന്നേറ്റു...... ഗായത്രി അപ്പച്ചി എന്ന് കേട്ട പാടേ ഉള്ളിലേക്ക് വന്നത് ഇഷാനിയുടെ മുഖമാണ്....... തങ്ങളുടെ കൂടി ക്കാഴ്ച ആരെങ്കിലും കണ്ടുവോ എന്ന ചിന്തയാണ് വന്നത്... അങ്ങനെയെങ്കിൽ ഇഷാനി യുടെ അവസ്ഥ എന്തായിരിക്കും..... പേടിച്ചു കരഞ്ഞു വിളിച്ചിട്ടുണ്ടാകുമെന്ന് അവനറിയാമായിരുന്നു.. മീനു പറഞ്ഞ ആ വാക്കുകളിൽ നിന്ന് കണ്ണ് ചിമ്മി തുറക്കുന്ന വേഗത്തിൽ അവന്റെ ഹൃദയം എന്തെല്ലാമോ ചിന്തിച്ചു കൂട്ടിയിരുന്നു... കൂടെ മറ്റാരെങ്കിലുമുണ്ടോ..... ചുമരിലെ ആണിയിൽ തൂക്കി വെച്ച അവന്റെ ഷർട്ടെടുത് ഇടുന്നതിനിടയിലായിരുന്നു അവനത് ചോദിച്ചത്... ഇല്ലാ.... അവനൊറ്റക്കാണ്.... ഏട്ടനോന്ന് വേഗം വന്നേ..... മീനു അതും പറഞ്ഞു കൊണ്ട് താഴെക്കോടുമ്പോൾ സച്ചുവിന്റെ ഹൃദയ മിടിപ്പ് കൂടിയിരുന്നു..... കാരണം അവനീ മുറ്റത്ത് വന്നു കൊണ്ട് ശബ്ദമുയർത്തണമെങ്കിൽ തീർച്ചയായും എന്തെങ്കിലും ഉണ്ടായിരിക്കണം.... കള്ളത്തരം തന്നിലുള്ളത് കൊണ്ട് തന്നെ അവൻ ധൃതിയിൽ താഴെക്കിറങ്ങി...... മോനെ.... അവനിവിടെയുണ്ട്...... നീ അകത്തേക്ക് കയറ്....... മുത്തശ്ശി ഋതിനടുത്തേക്ക് വന്ന് അവനെ അനുനയിപ്പിക്കാൻ ശ്രമിക്കുമ്പോഴും അവന്റെ ദേഷ്യം കെട്ടടങ്ങിയിട്ടില്ലായിരുന്നു...... ഞാൻ കയറിയിരിക്കാൻ വന്നതല്ല..... എനിക്ക് കാണേണ്ടത് അവനെയാണ്..... ഋതിൻ വീണ്ടും അത്‌ പറഞ്ഞപ്പോഴേക്കും ഉടുത്തിരുന്ന മുണ്ടോന്ന് മടക്കി കുത്തി കൊണ്ട് സച്ചു പുറത്തേക്ക് വന്നിരുന്നു...... അത്ര നേരം അവനെ ആവശ്യപ്പെട്ടെങ്കിലും അവനെ കണ്ട മാത്രയിൽ ഋതിനൊരു നിമിഷം അവനെയൊന്ന് നോക്കി നിന്നു....... എനിക്കവനെ തന്നെ മതി യെന്ന അവളുടെ ഉറച്ച വാക്കായിരുന്നു അവന്റെ കാതുകളിൽ അലയടിച്ചത്...... ആ വാക്കുകളും അവനെയും ഹൃദയം ഒന്ന് ചേർത്ത് വെക്കുന്നത് പോലെ..... അത്ര വേദന ക്കിടയിലും അവൾ പൊരുതിയത് അവന് വേണ്ടി മാത്രമായിരുന്നു..... എന്താ..... എന്താ വേണ്ടത്.... എന്തോ പ്രശ്നമുണ്ടെന്ന തിരിച്ചറിവിൽ തന്നെ സച്ചുവത് ചോദിക്കുമ്പോൾ ആ ശബ്ദത്തിന് വല്ലാത്തൊരു ഗാഭീര്യമുണ്ടായിരുന്നു..... ഡാ.... നിനക്കെന്താടാ ഇഷാനിയുമായിട്ട്..... ഋതിൻ പെട്ടെന്ന് അവന്റെ കോളറിൽ കയറി പ്പിടിച്ചു കൊണ്ടത് ചോദിക്കുമ്പോൾ പ്രതീക്ഷിച്ചത് കൊണ്ട് തന്നെ സച്ചുവിന് പ്രത്യേകിച്ചൊന്നും തോന്നിയില്ല..... തനൂജയും മുത്തശ്ശിയും മീനുവും ഒരു നിമിഷം കാര്യമെന്തെന്നറിയാതെ പകച്ചു നിന്നു..... പേര കുട്ടികൾ തമ്മിൽ വഴക്കുണ്ടാക്കുന്നത് കണ്ട് മുത്തശ്ശി നെഞ്ചിലൊന്ന് കൈ വെച്ചു.... അപ്പോഴും കാര്യമെന്തെന്നറിയാത്തത് കൊണ്ട് തന്നെ അവർ നിശ്ചലയായിരിക്കുകയായിരുന്നു..... പറയെടാ..... നിന്നോടാ ചോദിച്ചത്....... നിനക്കെന്റെ പെങ്ങൾ ഇഷാനിയുമായി എന്താണ് ബന്ധമെന്ന്...... ഋതിൻ വീണ്ടും കടുപ്പിച്ചു കൊണ്ടത് ചോദിക്കുമ്പോൾ സച്ചുവിന്റെ കോളറിൽ പിടിച്ചിരുന്നോരാ പിടുത്തം ഒന്ന് കൂടി മുറുകിയിരുന്നു....... സച്ചു അവനെയൊന്ന് അമർത്തി നോക്കി..... എനിക്കവളെ ഇഷ്ടമാണ്.... അവൾ ക്കെന്നെയും..... ഇത് വരെ ഇല്ലാത്ത ബന്ധങ്ങളെല്ലാം ഉണ്ടാക്കാൻ പോകുന്നതേയുള്ളു...... എന്റെ ശരീരത്തിലൊരിത്തിരി ജീവൻ ബാക്കിയുണ്ടെങ്കിൽ അവളുടെ കഴുത്തിൽ താലി കെട്ടുന്നത് ഈ ഞാനായിരിക്കും..... ഋതിന്റെ കണ്ണുകളിൽ നോക്കി ഉറച്ച വാക്കുകളോടെ സച്ചുവത് പറയുമ്പോൾ ഋതിനേക്കാളേറെ ആ വീട്ടിലുള്ളവർ അമ്പരന്ന് പോയിരുന്നു.... ഋതിന് ഒരു നിമിഷം അവനെ നോക്കി നിന്നു..... പപ്പയോട് എതിർത്തു പറയാൻ മാത്രം അവൾക്ക് ധൈര്യം എവിടെ നിന്ന് കിട്ടിയെന്ന ചോദ്യത്തിനുള്ള ഉത്തരമാണ് തന്റെ മുമ്പിൽ നിൽക്കുന്നത്..... എന്ത് തന്നെ വന്നാലും പറഞ്ഞ വാക്കിൽ നിന്നപ്പുറമില്ലെന്ന വണ്ണം ധൈര്യത്തോടെ നിൽക്കുന്ന സച്ചുവിനെ ഋതി നൊന്ന് കൂടി നോക്കി.... സച്ചു അതേ ഗൗരവത്തോടെ തന്നെ കോളറിൽ പിടിച്ചിരുന്ന അവന്റെ കയ്യെടുത്തു മാറ്റിയതും അവനല്പം പിറകിലേക്ക് നീങ്ങി പ്പോയിരുന്നു...... നിന്റെ ശരീരത്തിൽ ജീവനുണ്ടാകും.... പക്ഷെ അവളുടെ ജീവനെ കുറിച് നീയോർത്തോ....... ഋതിനത് ചോദിക്കുമ്പോൾ ദേഷ്യമോ സങ്കടമോ എല്ലാം ആ വാക്കുകളിൽ നിഴലിച്ചു കണ്ടു...... ഒരു നിമിഷം സച്ചുവിന്റെ ഉള്ളൊന്നുലഞ്ഞു..... നിഷ്കളങ്കമായ ആ കണ്ണുകളും പതിഞ്ഞ ആ പുഞ്ചിരിയും അവന്റെ ഉള്ളിൽ കൊളുത്തി വലിച്ചത് പോലെ.... അവന്റെ വാക്കുകൾക്കുള്ളിൽ മറ്റെന്തെങ്കിലും ഒളിച്ചിരിപ്പുണ്ടോ യെന്ന് അവന് ഭയം തോന്നി.... കാരണം അവൾ പറഞ്ഞറിഞ്ഞിടത്തോളം എന്തും സംഭവിക്കാനുള്ള സാധ്യത ആ വീട്ടിലുണ്ട്..... എന്റെ പപ്പയറിഞ്ഞാൽ ഇതെന്താകുമെന്ന് നീയോർത്തിട്ടുണ്ടോ.......അതിനെ എങ്ങനെ തടയുമെന്ന് ചിന്തിച്ചിട്ടുണ്ടോ...... ഋതിൻ വീണ്ടും അവന് നേരെ നിന്നത് ചോദിക്കുമ്പോൾ കാര്യത്തിന്റെ ഗൗരവം മുത്തശ്ശിക്കും തനൂജക്കും വ്യക്തമായിരുന്നു..... സച്ചു ഒരു നിമിഷം ഋതി നെയൊന്ന് നോക്കി... അവൻ ചോദിക്കുന്ന ചോദ്യങ്ങൾ വ്യക്തമാണ്..... എന്റെ ജീവൻ കൊടുത്തും അവളെ ഞാൻ കൂടെ കൂട്ടും...... സച്ചു ഉറച്ച വാക്കുകളോടെ അത് കൂടി പറയുമ്പോൾ ഋതിന് പുച്ഛത്തോടെ യൊന്ന് ചിരിച്ചു..... എങ്കി കൊടുക്കെടാ നിന്റെ ജീവൻ....... നീ കാരണം തല്ലു കൊണ്ട് പാതി ജീവനെ ഇപ്പൊ ഇവൾക്കുള്ളു...... ഋതിൻ അതും പറഞ്ഞു കൊണ്ട് അപ്പുറത്തായി നിർത്തിയിരുന്ന കാറിന്റെ ഡോറോന്ന് തുറന്നതും കുറച്ചപ്പുറം മാറി നിൽക്കുന്നത് കൊണ്ട് തന്നെ അതിലൊരു പെൺ കുട്ടിയുടെ രൂപം മാത്രമേ സച്ചുവിന് കാണാനുണ്ടായിരുന്നുള്ളു ... അതവളാണെന്ന് ഓർക്കാൻ പോലും കഴിയാത്ത വിധം അവന്റെ ചങ്കിലെന്തോ ഒന്ന് തടഞ്ഞു നിന്നു....... ശ്വാസം പാടേ അടഞ്ഞത് പോലെ...... കാലുകൾ യാന്ത്രിമായി അങ്ങോട്ട് ചലിക്കുമ്പോൾ ശരീരം പാടേ തളർന്നു പോകുന്നുണ്ടായിരുന്നവന്......... കാറിനകത്തേക്ക് ഒന്നേ അവൻ നോക്കിയുള്ളു...... മുഖത്ത് നിറഞ്ഞു കണ്ട മുറി പ്പാടുകളും അവളുടെ കിടത്തവും കൂടി ഒന്ന് കൂടി കാണാൻ കഴിയില്ലെന്ന വണ്ണം അവൻ പെട്ടെന്ന് മുഖം തിരിച്ചു...... തൊണ്ട ക്കുഴിയിൽ എന്തോ വന്നു തടഞ്ഞു നോക്കുകയാണ്...... നിന്നേ തന്നെ മതിയെന്ന് പറഞ്ഞതിന് പപ്പാ കൊടുത്ത സമ്മാനമാണ്.... നിന്നേ വേണ്ടായെന്നൊരു വാക്കവൾ പറഞ്ഞിരുന്നെങ്കിൽ ഇത്രയും വേദനിക്കേണ്ടി വരില്ലായിരുന്നു...... നീയിവിടെ സുഗമായി കിടന്നുറങ്ങുമ്പോൾ അവളവിടെ നിനക്ക് വേണ്ടി തല്ല് കൊണ്ട് ചാവുകയായിരുന്നു..... മണ്ടി..... ഋതിനതും കൂടി പറഞ്ഞതും അവന് ശ്വാസം നിലച്ചത് പോലെ തോന്നിയവന്..... തുറന്ന് വെച്ച ഡോറിൽ കൈ വെച്ചു അതിന് മുകളിൽ അവനൊന്നു തല വെച്ചു കിടന്നു...... സ്വപ്നത്തിൽ പോലും വിചാരിച്ച ഒരു കാര്യമല്ലിത്..... അത്‌ കൊണ്ട് തന്നെ സംഭവിക്കുന്നതെന്തെന്ന് തലച്ചോറിന് സന്ദേശം നൽകാൻ ഹൃദയത്തിന് അല്പം സമയം വേണമായിരുന്നു..... അവന് എത്ര ശ്രമിച്ചിട്ടും യാഥാർഥ്യത്തോട് പൊരുത്തപ്പെടാൻ കഴിയാത്തത് പോലെ... അപ്പോഴേക്കും ഉമ്മറത്തു നിന്ന് തനൂജയും മുത്തശ്ശി യും മീനുവും ഓടി വന്നു..... എന്റീശ്വരാ.... എന്റെ കുഞ്..... മുത്തശ്ശി യും തനൂജയും അവളെ കണ്ട പാടേ അലമുറയിട്ട് കരയാൻ തുടങ്ങിയിരുന്നു... അത്ര മേൽ വികൃതമായിരുന്നു അവളുടെ മുഖം...... മുറിവുകൾ കൊണ്ട് അതാ പഴയ ഇഷാനിയാണെന്ന് ഓർക്കാൻ കൂടിയവർക്ക് കഴിഞ്ഞിരുന്നില്ല..... ഇത്ര നേരം അവളാ വന്ന കാറിലുണ്ടെന്ന് പോലും ആരും കരുതിയിട്ടില്ല...... മോളെ.... ഇഷാനി.... എഴുന്നേൽക്ക്..... മുത്തശ്ശി യും തനൂജയുമവളെ കുലുക്കി വിളിക്കുമ്പോഴും ഇരുവരുടെയും മിഴികൾ നിറയുന്നത് ഋതിൻ കണ്ടു.... അവനല്പം അതിശയം തോന്നി..... തങ്ങൾക്ക് അമ്മ വീടുമായി ഒട്ടും പരിചയമില്ലാത്തതാണ്.... എന്നിട്ടും.... അവൾക്ക് വേദനിചെന്നറിഞ്ഞപ്പോൾ എങ്ങനെയാവും അവർക്ക് കണ്ണ് നീർ വരുന്നത്...... ഋതിൻ അവരിൽ നിന്നല്പം മാറിയെന്ന പോലങ്ങനെ നിന്നു...... സച്ചു അപ്പോഴും അതേ നിൽപ്പാണ്..... അവന് തല ചുറ്റും പോലെ തോന്നിയിരുന്നു..... നിഷ്കളങ്ക മായ ആ കണ്ണുകളും ചിരിയും മനസ്സിൽ നിറഞ്ഞതും അവൻ തലയൊന്നുയർത്തി...... കണ്ണുകൾ ഒന്ന് ചിമ്മി തുറന്ന് തലയൊന്ന് കുലുക്കി.... അവന്റെ നീളൻ മുടിയിഴകൾ നെറ്റിയിലൊന്നുരസി..... അവളെ കുലുക്കി വിളിച്ചു കൊണ്ടിരിക്കുന്ന മുത്തശ്ശിയെയും തനൂജയെയും അവൻ കൈ കൊണ്ട് വകഞ്ഞു മാറ്റി....... സീറ്റിൽ കിടക്കുന്നവളെ ഇരു കൈകൾ കൊണ്ടും അവൻ കോരിയെടുക്കുമ്പോൾ അവളുടെ മുഖത്തേക്കവൻ നോക്കിയിരുന്നില്ല..... കാരണം അവളുടെ ഓരോ മുറിവും വന്നു തറക്കുന്നത് തന്റെ ഹൃദയത്തിലാണെന്ന് അവന് വ്യക്തമായ ബോധമുണ്ടായിരുന്നു.... കുറ്റ ബോധം കൊണ്ടവന്റെ ഉള്ള് ചുട്ടു പഴുത്തു..... അതേ.... ഋതിൻ പറഞ്ഞത് പോലെ അവൾ തനിക്ക് വേണ്ടി വേദനിക്കുംമ്പോൾ ഒന്നുമറിയാതെ ഇവിടെ ഞാൻ..... അവന് ശ്വാസമെടുക്കാൻ കഴിയാത്തത് പോലെ തോന്നി...... അവളെയും കൊണ്ടവൻ അവന്റെ ചികിത്സാ മുറിയിലേക് നടക്കുമ്പോൾ ആദ്യമായി അവളെ കണ്ട ദിവസവും തന്റെ നെഞ്ചിലേക്ക് ചേർത്ത് പിടിച്ചിത് പോലെ നടന്നതാണ് മനസ്സോർത്തത്.... പക്ഷെ...... ഇന്നീ മുറിവിന്റെ കാരണക്കാരൻ താനാണെന്നോർക്കുമ്പോൾ മനസ്സ് പിടി വിട്ട് പോകുകയായിരുന്നവന്റെ.... (തുടരും ) Aysha Akbar #📔 കഥ