క్యాన్సర్ వంటి ప్రాణాంతకర వ్యాధి పని పడుతున్న ఏఐ,రోబోటిక్ సర్జరీలు! లేదా టార్గెటెడ్ థెరపీ,నానో మెడిసిన్,ప్రోటాన్ భీమ్ థెరపీలు క్యాన్సర్ కణాలను నిర్ములించడం అనేది ఓ పెను సంచలనం,అసాధారణ,అపూర్వ ఘట్టం! ఇదివరకు క్యాన్సర్ వంటి ప్రాణాంతకరమైన వ్యాధిని పూర్తి స్థాయిలో నియంత్రించడం అనేది దాదాపు గగన కుసుమంగా పరిణమించింది.అయితే ఇప్పుడు వస్తూన్న ఆదునాతన శస్త్రచికిత్స విధానాలు క్యాన్సర్ ను సైతం నివారించే స్థాయిలో అభివృద్ధి సాధించాయి అనే మాట అక్షర సత్యం.అందులో భాగంగా ఇదివరకు అయితే క్యాన్సర్ కణాలకు కీమో థెరపీ,రేడియో థెరపీల ద్వారా చికిత్స అందించేవారు.ఇలాంటి చికిత్స మూలాన క్యాన్సర్ సోకిన భాగాలకు చుట్టూ పక్కల ఉన్న ఆరోగ్యకరమైన కణాలు కూడా దెబ్బతింటాయి. పైగా ఈ చికిత్స విధానాల ద్వారా రోగులకు నొప్పులు, బాధలు ఎక్కువగా ఉంటాయి.ఈ అత్యంత సంక్లిష్ట పరిస్థితిని అరికట్టెందుకు శాస్రవేత్తలు ఇప్పుడు ' టార్గెటెడ్ థెరపీ' ని అభివృద్ధి చేశారు.ఈ టార్గెటెడ్ థెరపీలో వాడే ఔషదాలు నేరుగా క్యాన్సర్ కణాల వ్యాప్తిని మాత్రమే నిరోదిస్తాయి,చుట్టూ పక్కల ఉండే ఆరోగ్యకరమైన కణాలకు కూడా ఇవి హాని చేయవు. టార్గెటెడ్ థెరపీలో బ్రెస్ట్ క్యాన్సర్,లంగ్ క్యాన్సర్ సహా కొన్ని రకాల క్యాన్సర్ లను విజయవంతంగా నయం చేయడం సాధ్యమవుతుంది.ఇక క్యాన్సర్ రోగులకు సురక్షితమైన చికిత్సను అందించడంలో నానో మెడిసిన్స్ సైతం మంచి ఆశాజనకమైన ఫలితాలను ఇస్తున్నది.ఇటీవల కాలంలో అందుబాటులోకి వచ్చిన నానో మెడిసిన్స్ ను మరింతగా అభివృద్ధి చేసేందుకు శాస్రవేత్తలు కృషి చేస్తున్నారు.ముఖ్యంగా నానో మేఫీసిన్స్ లో 1- 100 నానో మీటర్ల పరిమాణం గల ఔషదాలు నేరుగా క్యాన్సర్ కణాలనే లక్ష్యంగా చేసుకొని పనిచేస్తాయి.అంతేకాదు ఈ ఏడాది నానో మెడిసిన్ రంగం మరింతగా అభివృద్ధి సాధించే అవకాశాలు ఉన్నాయని అంతర్జాతీయ వైద్య నిపుణులు అంచనా వేస్తున్న నేపథ్యంలో నానో కీమోథెరపీ,నానో మెడిసిన్ బేస్డ్ ఇమ్యూనోథెరపీ,జీన్ థెరపీలో నానో సాంకేతికత వినియోగం మరింతగా పెరిగే అవకాశాలు సైతం ఉండటం ఎంతైనా ఆహ్వానించదగ్గ పరిణామమే. అదేమాదిరి రేడియేషన్ చికిత్సలో ఆధునాతన పద్దతి ప్రోటాన్ భీమ్ థెరపీ సర్వ సాధారణంగా రేడియేషన్ థెరపీలో క్యాన్సర్ సోకిన కణాలపైకి ఎక్స్ - రే రేడియేషన్ కిరణాలను ప్రసరింపజేస్తాయి.దీనిని ప్రోటాన్ థెరపీ అంటారు.ఈ కిరణాలు ఆరోగ్యకరమైన కణాలు ఉన్న శరీర భాగాల నుంచి దూసుకుపోతాయి. ఫలితంగా ఆరోగ్యకరమైన ఫలితాలు కూడా దెబ్బతింటాయి.అదే ప్రోటాన్ భీమ్ థెరపీలో ప్రోటాన్ కిరణాలు అత్యంత ఖచ్చితంగా క్యాన్సర్ కణితి మీదకు ప్రసరించి అక్కడ ఆగిపోతాయి.ఫలితంగా ఆరోగ్యకరమైన కణాలకు ఎలాంటి హానీ జరగదు. ప్రోటాన్ థెరపీలో ప్రోటాన్ కిరణాల తీవ్రతను,లోతును నియంత్రించడానికి అవకాశం ఉండటం మరో సానుకూలత.దీనివల్ల ఆరోగ్యకరమైన కణాలకు నష్టం లేకుండా విడతలు విడతలుగా క్యాన్సర్ కణితిని పూర్తిగా నిర్ములించడం సాధ్యమవుతుంది. మెదడు,వెన్నెముక,కన్ను,ప్రోస్టేట్,రొమ్ము తదితర భాగాల్లో ఏర్పడే క్యాన్సర్ కణితులను తొలగించడానికి ప్రోటాన్ భీమ్ థెరపీ అద్భుతంగా పనిచేస్తుంది. ఏదిఏమైన ఇది ఇలా ఉంటే అన్నింటికి మించి క్యాన్సర్ కణితులను శస్రచికిత్స ద్వారా తొలగించడంలో రోబోటిక్ సర్జరీ అత్యంత ఖచ్చితత్వం సాధిస్తోంది.హైడెఫినిషన్ త్రీడీ కెమెరాల ద్వారా క్యాన్సర్ కణితులను గుర్తించి తొలగించడంలో రోబో చేతులు మనుషులకు మించిన నైపుణ్యంతో పని చేయగలుగుతున్నాయి.తక్కువ కోత లేదా చిన్న రంధ్రం చేయడం ద్వారా ఆరోగ్యకరమైన కణ జాలానికి నష్టం లేకుండా క్యాన్సర్ కణితులను తొలగించగలుగుతున్నాయి అనే మాట అక్షర సత్యం.దీనివల్ల రోగులకు తక్కువ నొప్పి,తక్కువ రక్తస్రావంతో శస్రచికిత్సలు చేయడం సాధ్యమవుతుంది.ఏమైనా ప్రోస్టేట్,కిడ్నీ, లివర్,పేగులు,తల,మెడ,రొమ్ము,ఊపిరితిత్తులు,గర్భా శయం,అండాశయం తదితర భాగాల్లో ఏర్పడే క్యాన్సర్ కణితులను తొలగించడంలో రోబోటిక్ సర్జరీ సత్ఫలితాలను సాధిస్తుండటం ఎంతైనా ఓక గొప్ప శుభ పరిణామం.అదేమాదిరి క్యాన్సర్ ప్రాణాంతకర వ్యాధి స్థాయి నుంచి దీర్ఘకాలిక వ్యాధి స్థాయికి చేరుకునే రోజులు దగ్గర్లోనే ఉన్నాయని అంతర్జాతీయ వైద్య నిపుణులు ఓక అంచనాకు వచ్చిన నేపథ్యంలో డయాబెటీస్,బీపీ మాదిరిగానే క్యాన్సర్ లో కూడా దీర్ఘకాలిక మనుగడ సాగించవచ్చు అనే యదార్థం, సత్యం పక్కాగా నిరూపణ అయ్యింది అనడంలో ఎలాంటి సందేహానికి తావులేదు.' ఆరోగ్యమే మహాభాగ్యం,ఆరోగ్యాన్ని మించిన సంపద మరొకటి లేదు ' అనే చేదు వాస్తవాన్ని, నగ్న సత్యాన్ని మనమంతా ఎల్లవేళలా గుర్తుపెట్టుకొని నిత్యం మంచి ప్రోటీన్స్ తో కూడిన ఆహారాన్ని తీసుకుంటూ మన శరీరాన్ని మనం రోగగ్రస్త మయం కాకుండా,క్యాన్సర్ వంటి ప్రాణాంత కరమైన వ్యాధుల బారిన మనం ఎలాంటి పరిస్థితుల్లో పడకుండా తగు జాగ్రత్తలు తీసుకుందాం.💊💊💊💉💉💉📝📝📝🏥🏥🏥 - బుగ్గన మధుసూదనరెడ్డి,సామాజిక విశ్లేషకుడు, బేతంచెర్ల,నంద్యాల జిల్లా! #ఆరోగ్యమే - ఆనందం