🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: దేవుని నివాసము యొక్క మర్మములు Thursday, February 12 *''మీరు వారియొద్ద తీసికొనవలసిన అర్పణ లేవనగా బంగారు, వెండి, ఇత్తడి'' (నిర్గమ 25:3).* బంగారు, వెండి, ఇత్తడి యొక్క ఆత్మీయ అర్థము ఏమిటి? బంగారు దైవ స్వభావమును గూర్చి మాట్లాడును. మనకందరికి దైవిక జ్ఞానము, తెలివి, బలము అవసరము. వీటన్నిటిని దేవుడు తన కుమారునిలో సిద్ధపరచెను (1కొరింథీ 1:31). యేసుక్రీస్తు ప్రభువు యొక్క దైవిక ఏర్పాటు ననుసరించి మనము కార్యములను జరిగించినప్పుడు ఆయన మందిరము కొరకైన బంగారమును సిద్ధపరచువారముగా నుందుము. వెండి విమోచనను గూర్చి మాట్లాడును. మన ప్రభువు బానిసగా మనకొరకు ముప్పది వెండినాణెములకు అమ్మబడెను. కాని మనలను రక్షించుటకు ఆయన స్వంత ప్రాణాధారమైన రక్తమును ధారపోసెను. ప్రత్యక్షపు గుడారములోని వెండి మనలను రక్షించుటకై మన ప్రభువు చెల్లించిన క్రయమును గూర్చి మాట్లాడును. మనము తిరిగి జన్మించినప్పుడు ఆయనచే విలువపెట్టి కొనబడిన వారమగుదుము (1కొరింథీ 6:20). ఇక మీదట ఇవి మా చేతులు, మా పాదములు, మా కన్నులు అని చెప్పజాలము. ఆయన స్వరక్తము చేత మనలను కొనెను. గనుక అవన్నియు యేసుక్రీస్తునకే సంబంధించినవి (1పేతురు 1:18,19). మన శరీరములు పరిశుద్ధాత్మకు ఆలయములై యున్నవి (1కొరింథీ 6:19). కనుక మన వస్త్రధారణ, అలవాట్లు, మాటల ద్వారా దేవుని మహిమ పరచవలెను (1థెస్సలోని. 4:4,5; 1తిమోతి 2:9,10). ఇదియే స్వచ్ఛమైన వెండి. మనము ప్రభువుచేత కొనబడిన సొత్తు గనుక మునుపు ధరించిన రీతిని వస్త్రములను ధరించలేము. లోక సంబంధమైన సంగతుల కొరకు మన ద్రవ్యమును వ్యర్థపరచలేము. ప్రభువు చేత విమోచించబడిన వారముగా మహిమార్థమే మనము జీవించవలెను. ఇత్తడి తీర్పును గూర్చి మాట్లాడును. అరణ్యములోని ఇత్తడి సర్పమును గూర్చి మన ప్రభువు నీకొదేముతో చెప్పెను (యోహాను 3:14; సంఖ్యా 21:9). ఇశ్రాయేలీయులు అరణ్యములో సణుగుట వలన వారిని శిక్షించుటకై తాపకరమైన సర్పములు పంపబడెను. వారు పశ్చాత్తాపపడినప్పుడు ఇత్తడి సర్పము నొకదానిని చేయుమని దేవుడు మోషేతో చెప్పెను. ఇత్తడి సర్పమును నిదానించి చూచిన వారందరును బ్రతికిరి (సంఖ్యా 21:5-9). ఇదే విధముగా యేసుక్రీస్తు మన పాపము తీర్పు నిమిత్తము సిలువమీద మరణించెను. ఎందరాయన యందు విశ్వాసముంచెదరో వారందరును నిత్యతీర్పు నుండి తప్పించబడెదరు. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com