#🧟 പ്രേതകഥകൾ! #📙 നോവൽ #✍ തുടർക്കഥ #✍️ വട്ടെഴുത്തുകൾ #💥💤🌟 സ്‌പെഷ്യൽ മീറ്റ് സാൻഡ്‌വിച്ച് ( Sequel Of Deadly Cake കഥയും കഥാപാത്രങ്ങളും സാങ്കല്പികം. മരിച്ചവരോ മരിക്കാൻ പോകുന്നവരോ ആയി സാമ്യം തോന്നിയാൽ യാദൃശ്ചികം മാത്രം) …………………………………………… എഴുത്തുകാരൻ സജിത് ഗോൺസാലസിന്റെ ജീവിതത്തിലെ ഏറ്റവും വലിയ ഡെഡ്‌ലൈൻ അതായിരുന്നു. പക്ഷേ, അത് അയാളുടെ പുതിയ നോവലിന്റെ പ്രകാശനത്തിനുള്ളതായിരുന്നില്ല, സ്വന്തം ജീവന്റെ അവസാന ശ്വാസം അളക്കാനുള്ളതായിരുന്നു. സാമുവൽസ് പാരഡൈസ് ബേക്കറിയുടെ ഭൂഗർഭ അറയിൽ, അഴുകിയ മാംസത്തിന്റെയും പഴയ പുസ്തകങ്ങളുടെയും മണം കലർന്ന ആ മുറിയിൽ സജിത് കെട്ടിയിടപ്പെട്ടു. "സാമുവൽ... പ്ലീസ് എന്നെ വിടൂ! ഞാൻ ഇതിലും നല്ലൊരു ക്ലൈമാക്സ് പറഞ്ഞുതരാം! നായകനും വില്ലനും ചേർന്ന് ഒരു റെസ്റ്റോറന്റ് നടത്തുന്ന ടൈപ്പ് കഥ... എങ്ങനെയുണ്ട്?" സജിത് ശ്വാസം കിട്ടാതെ പിടഞ്ഞു. സാമുവൽ തന്റെ അപ്രോൺ ശരിയാക്കി. അയാളുടെ കയ്യിലെ വലിയ കശാപ്പുകത്തിയുടെ വായ്ത്തലയിൽ ഒരു ഈച്ച വന്നിരുന്നു. അയാൾ അതിനെ സാവധാനം ഓടിച്ചു. "സജിത്, നിന്റെ കഥകളിലെ വില്ലന്മാർക്ക് എപ്പോഴും ക്ലാസ്സില്ല. അവർ വെറുതെ വെടിവെച്ചു കൊല്ലും, അല്ലെങ്കിൽ വിഷം കൊടുക്കും. അതൊക്കെ ബോറാണ്. യഥാർത്ഥ വില്ലൻ ഒരു ക്രിയേറ്റീവ് എഡിറ്ററായിരിക്കണം. ബൈ ദി ബൈ നീ മരിക്കില്ല മോനേ... നീ എന്റെ ബേക്കറിയിലെ ഏറ്റവും ഡിമാൻഡുള്ള ഒരു 'റെസിപ്പി' ആയി മാറാൻ പോവുകയാണ് ഹ ഹ ഹ. ഇതിനെയാണ് സാഹിത്യത്തിൽ 'അനശ്വരത' എന്ന് വിളിക്കുന്നത്. നിന്റെ വായനക്കാർ നിന്നെ ഇത്രയധികം ആസ്വദിച്ച മറ്റൊരു നിമിഷം ചരിത്രത്തിലുണ്ടാകില്ല ഹ ഹ ഹ ഹ" സാമൂവൽ പൊട്ടി ചിരിച്ചു സജിത് എന്തോ നിലവിളിക്കാൻ ശ്രമിച്ചപ്പോഴേക്കും സാമുവൽ അവന്റെ വായ സജിത്തിന്റെ ബാഗിൽ നിന്നും കിട്ടിയ ഒരു പഴയ കട്ടിപ്പേപ്പർ കൊണ്ട് കുത്തി നിറച്ചു അത് സജിത് കഴിഞ്ഞ മാസം എഴുതി തള്ളിയ ഒരു കഥയുടെ ഡ്രാഫ്റ്റ് ആയിരുന്നു. "സ്വന്തം വാക്കുകൾ തന്നെ വിഴുങ്ങുന്നത് ഒരു എഴുത്തുകാരനെ സംബന്ധിച്ച് വലിയ കാര്യമാണല്ലോ, അല്ലെ" സാമുവൽ പരിഹാസത്തോടെ ചിരിച്ചു. സാമുവൽ വളരെ കൃത്യതയോടെ സജിത്തിന്റെ കഴുത്തിന് താഴെ കത്തി അമർത്തി. ചോര ചീറ്റിയപ്പോൾ സാമുവൽ ദേഷ്യപ്പെട്ടു "ഛീ! നിന്റെ ഈ രക്തം നോക്ക്, ഇതിൽ ഒട്ടും 'ഫ്രഷ്നസ്' ഇല്ല. എല്ലാം ആ ഉറക്കഗുളികകളുടെയും സിഗരറ്റിന്റെയും ആൽക്കഹോളിന്റെയും കെമിക്കലുകളാണ്. ഒരു ക്വാളിറ്റി ഇല്ല. സാരമില്ല, സാൻഡ്‌വിച്ചിന് നമുക്ക് മാംസം മാത്രം മതി, രക്തം ഞാൻ ഓവുചാലിലേക്ക് ഒഴുക്കിക്കളയാം. നിന്റെ ബ്ലഡി പ്രോസ് ആർക്കും വേണ്ട സജിത്." പിടയുന്ന സജിത്തിനെ നോക്കി സാമൂവൽ പറഞ്ഞു ……….. അടുത്ത അഞ്ച് മണിക്കൂർ സാമുവൽ ഒരു കണിശക്കാരനായ ചീഫ് എഡിറ്ററെപ്പോലെ പ്രവർത്തിച്ചു. സജിത്തിന്റെ ശരീരം അയാൾ ചെറിയ ചെറിയ അധ്യായങ്ങളായി വിഭജിച്ചു. "സജിത്, നിന്റെ ഈ കൈകൾ..." ഒരു വിരൽ അന്തരീക്ഷത്തിൽ ഉയർത്തിപ്പിടിച്ചു കൊണ്ട് സാമുവൽ പറഞ്ഞു. "ഇവനാണ് ആ ബോറൻ പ്രണയകഥകൾ ടൈപ്പ് ചെയ്തത്. കീബോർഡിൽ തട്ടി തട്ടി വിരലുകൾക്ക് നല്ല കട്ടിയുണ്ട്. ഇതിനെ നമുക്ക് നല്ലവണ്ണം ഫ്രൈ ചെയ്ത് ഫിംഗർ ചിപ്സ്ആക്കാം. നിന്റെ വായനക്കാർക്ക് നിന്റെ ഓരോ വിരലും കടിച്ചു തിന്നുമ്പോൾ നിന്റെ എഴുത്തിലെ ആ തൊട്ടുതലോടൽ ശരിക്കും അനുഭവപ്പെടും. റൈറ്റേഴ്സ് ടച്ച്‌ എന്ന് നമുക്ക് ഇതിന് പേരിടാം." സജിത്തിന്റെ ഹൃദയം പുറത്തെടുക്കുമ്പോൾ സാമുവൽ ഒന്ന് ദീർഘശ്വാസം വിട്ടു. "ഇതാണല്ലേ ആ വിഖ്യാതമായ എഴുത്തുകാരന്റെ ഹൃദയം'? ഇതിന് ഇത്രയും കയ്പ്പ് വരാൻ കാരണം ആ പഴയ കാമുകി ഇട്ടേച്ചു പോയതാണോ അതോ പട്ടിണിയാണോ? എന്തായാലും ഇതിൽ കുറച്ച് പഞ്ചസാരയും വാനില എസൻസും ചേർക്കേണ്ടി വരും. അല്ലെങ്കിൽ ഇതിലെ വിഷാദം കഴിച്ച് ആളുകൾക്ക് ഫുഡ് പോയിസണിംഗ് ഉണ്ടാകും." അയാൾ സജിത്തിന്റെ കരൾ എടുത്തു നോക്കി. "ഹോ! ഈ കരളിലെ തഴമ്പ് കണ്ടോ? ലോക്കൽ മദ്യത്തിന്റെ ഗുണമാണ്. ഇതിനെ നമുക്ക് ലിവർ പാറ്റേ ആക്കാം. സജിത്, നീ നിന്റെ കരളുരുകി എഴുതും എന്ന് പറയാറില്ലേ? ദാ, ഇപ്പോൾ നിന്റെ കരൾ വെണ്ണയിൽ കിടന്നു ഉരുകുന്നത് കണ്ടോ?" അയാൾ സജിത്തിന്റെ മാംസം ചെറിയ കഷ്ണങ്ങളാക്കി വെണ്ണയിലും കുരുമുളകിലും വഴറ്റിയെടുത്തു. അടുക്കളയിൽ വാനിലയുടെ സുഗന്ധത്തിനൊപ്പം ഇപ്പോൾ പുതിയൊരു മണം പടർന്നുമനുഷ്യമാംസം വെന്തുരുകുന്ന, വന്യമായ മണം. സാമുവൽ ഒരു കഷ്ണം മാംസം എടുത്ത് രുചിച്ചു നോക്കി. "ഉം.. കുറച്ചു മുളക് പൊടി കൂടി ചേർക്കാം." ………. അന്ന് വൈകുന്നേരം പോത്തുകൽ സുരേശൻ സാമുവൽസ് പാരഡൈസിലേക്ക് കിതച്ചു കൊണ്ട് കടന്നുവന്നു. സജിത് മുൻപ് കൊടുത്തുവിട്ട ആറെഡ് വെൽ വെറ്റ് കേക്കിന്റെ രുചി അയാളുടെ നാവിലെ രസമുകുളങ്ങളെ ഭ്രാന്ത് പിടിപ്പിച്ചിരുന്നു. "സാമുവൽ, സജിത്തിന് കൊടുത്ത ആ കേക്ക്... അത്ഭുതം തന്നെ! എന്റെ പബ്ലിഷിംഗ് ഹൗസിലെ എല്ലാവരും അത് കഴിച്ചുഎന്താ ഒരു ടേസ്റ്റ്. എനിക്ക് അതുപോലെ രണ്ടെണ്ണം കൂടി വേണംഒന്ന് എനിക്കും മറ്റൊന്ന് എന്റെ ഒരു ഫ്രണ്ടിനും! പിന്നെ ആ സജിത്തിനെ വിളിച്ചിട്ട് കിട്ടുന്നില്ല, അവന്റെ നോവലിന്റെ ബാക്കി ഭാഗം എവിടെ എന്ന് അറിയില്ല? ആ മടിയൻ എവിടെപ്പോയി ഒളിച്ചു?" സുരേശൻ അക്ഷമയോടെ ചോദിച്ചു. സാമുവൽ ശാന്തനായി ഒരു പ്ലേറ്റ് സാൻഡ്‌വിച്ച് സുരേശന്റെ മുന്നിലേക്ക് നീട്ടി. "സജിത് തിരക്കിലാണ് സാർ. അവൻ തന്റെ ശരീരവും മനസ്സും ഒരു പുതിയ പരീക്ഷണത്തിന് വിട്ടുകൊടുത്തിരിക്കുകയാണ്. അത് പൂർത്തിയാക്കാൻ കുറച്ച് സമയമെടുക്കും. അതുവരെ ഈ 'സ്പെഷ്യൽ മീറ്റ് സാൻഡ്‌വിച്ച്' കഴിക്കൂ. ഇന്ന് മുതൽ നമ്മൾ തുടങ്ങിയ പുതിയ എഡിഷനാണ്. സാറിന് ഫ്രീ ആണ്" സുരേശൻ വേഗം വാങ്ങി ആർത്തിയോടെ ഒരു കഷ്ണം സാൻഡ്‌വിച്ച് കടിച്ചു. "ഉം... വൗ! ഇതെന്തൊരു ടേസ്റ്റാണ് സാമുവൽ! ഇതിൽ എന്തോ ഒരു വല്ലാത്ത ഇഴയടുപ്പമുണ്ടല്ലോ. ഭയങ്കര അട്രാക്ഷൻ !" "അത് സജിത്തിന്റെ കരളാണ് സാർ. കരളുരുകി ഉണ്ടാക്കിയതാണ്," സാമുവൽ വിനയത്തോടെ പറഞ്ഞു. സുരേശൻ പൊട്ടിച്ചിരിച്ചു. "ഹ ഹ ഹ തമാശ നിർത്തൂ സാമുവൽ! നീ ഒരു കവി കൂടിയാണല്ലേ? മദ്യത്തിൽ മാരി നേറ്റ് ചെയ്ത മട്ടൻ ആണല്ലേ? അതോ പോത്തോ?" "അല്ല സാർ," സാമുവൽ കൗണ്ടറിന് പിന്നിൽ നിന്ന് സജിത്തിന്റെ ചോര പുരണ്ട കണ്ണടയും അവന്റെ ഐഡന്റിറ്റി കാർഡും എടുത്ത് മേശപ്പുറത്ത് വെച്ചു. “ ഇത് “ സുരേശൻ സംശയത്തോടെ നോക്കി "സജിത്തിന്റെ അവസാന ആഗ്രഹമായിരുന്നു സാറിന് ഏറ്റവും നല്ലൊരു വിരുന്ന് നൽകണമെന്ന്. അവനെ നിങ്ങൾ ഒരുപാട് ചൂഷണം ചെയ്തില്ലേ? അവന്റെ അധ്വാനത്തിന്റെ ഫലം നിങ്ങൾ കുറെ തിന്നു. ഇപ്പോൾ അവന്റെ മാംസവും കൂടി തിന്നോളൂ. ആ മോതിരം ഒന്ന് നോക്കൂ..." “ എന്താ… ന്ന്” സുരേശൻ ഞെട്ടിപ്പോയി. സാൻഡ്‌വിച്ചിന്റെ ഉള്ളിൽ നിന്ന് അയാൾക്ക് ഒരു ചെറിയ സ്വർണ്ണ മോതിരം കിട്ടി. അതിൽ 'S.G' എന്ന് കൊത്തിവെച്ചിരുന്നു. സുരേശന്റെ മുഖത്തെ നിറം മാറി. അയാൾ ഓക്കാനിക്കാൻ ശ്രമിച്ചു. “നോ.. ഗ്വാ” "അയ്യോ സാർ, തുപ്പിക്കളയരുത്! അത് വെയ്സ്റ്റ് ആകും. സജിത്തിന് അത് ഇഷ്ടപ്പെടില്ല, അത് പോലെ സാറും കൂട്ടുകാരും കഴിച്ച റെഡ് വെൽ വെറ്റ് ബിസിനസ്‌ മാൻ വേണു പിള്ളയുടെ ബ്ലഡ്‌ വെൽവെറ്റ് ആണ് സാർ " സാമുവൽ ശാന്തനായി പറഞ്ഞു. “ അ…യ്യോ താ..ൻ അ…യ്യാളെയും “ സുരേശൻ ഭയന്നു വിറച്ചു "സാറിന് ഈ രുചി ഇഷ്ടപ്പെട്ട സ്ഥിതിക്കും, എല്ലാം അറിഞ്ഞ സ്ഥിതിക്കും ഇനി സാറിനെ എനിക്ക് വെയ്സ്റ്റ് ആക്കാൻ കഴിയില്ല. സാറിന്റെ ശരീരത്തിൽ നല്ല കൊഴുപ്പുണ്ട്. നല്ല ക്വാളിറ്റി പ്രീമിയം മീറ്റ്. അടുത്ത ആഴ്ചത്തെ സ്പെഷ്യൽ ബർഗർ സാറിന്റെ മാംസം കൊണ്ട് ഉണ്ടാക്കാം എന്ന് ഞാൻ പ്ലാൻ ചെയ്യുന്നു. ഇത് പോലുള്ള മാംസത്തിന് എപ്പോഴും വിപണിയിൽ നല്ല ഡിമാൻഡാണ്." “ ഈശ്വരാ ഈ കിളവന് ഭ്രാന്താണ് “ സുരേശൻ ഓടി രക്ഷപ്പെടാൻ ശ്രമിച്ചെങ്കിലും ബേക്കറിയുടെ ഓട്ടോമാറ്റിക് ഷട്ടറുകൾ സാമുവൽ നേരത്തെ തന്നെ ലോക്ക് ചെയ്തിരുന്നു. "സാർ, എങ്ങോട്ടാണ്? നമ്മൾ പുതിയൊരു ബിസിനസ് ഡീൽ തുടങ്ങുകയല്ലേ? സജിത്തിന്റെ നോവൽ പബ്ലിഷ് ചെയ്യാൻ പറ്റിയില്ലെങ്കിലും അവന്റെ ശരീരംപബ്ലിഷ് ചെയ്യാൻ എനിക്ക് കഴിഞ്ഞു. ഇനി സാറിന്റെ ഊഴമാണ്. സാറിനെ എനിക്ക് ഹാർഡ് കവർ ആയി മാറ്റണം." സാമുവൽ തന്റെ കയ്യിലിരുന്ന വലിയ കത്തിയുമായി പ്രത്യേക താളത്തിൽ ചലിച്ചു കൊണ്ട് കൗണ്ടറിന് പുറത്തേക്ക് വന്നു. ബേക്കറിയുടെ പുറത്ത് നിയോൺ ലൈറ്റുകൾ മിന്നിത്തിളങ്ങുന്നുണ്ടായിരുന്നു. വഴിപോക്കർ ബേക്കറിയുടെ ഗ്ലാസിലൂടെ ഉള്ളിലേക്ക് നോക്കുന്നുണ്ടെങ്കിലും ഒന്നും കാണാൻ കഴിഞ്ഞില്ല. മുകളിൽ തൂക്കിയിട്ട വലിയ ബോർഡ് കാറ്റിൽ ആടി [Special Meat Sandwich - Now with 100% Original Content! ] …… ബേക്കറിക്കുള്ളിൽ നിന്ന് ഒരു ദയനീയമായ നിലവിളി ഉയർന്നു. പക്ഷേ, സാമുവൽ ഉടനെ തന്നെ വലിയ ശബ്ദത്തിൽ മ്യൂസിക് ഓൺ ചെയ്തു. $“ഊത്തപ്പം വേണോ പെണ്ണേ ബോണ്ട വേണോ... ഇത്താപ്പു ചേട്ടന്‍ തന്ന പുട്ടുവേണോ .. ഊത്തപ്പം വേണോ പെണ്ണേ ബോണ്ട വേണോ... ഇത്താപ്പു ചേട്ടന്‍ തന്ന പുട്ടുവേണോ .. കദളിപ്പഴവും ചേര്‍ത്ത് കടലപ്പരിപ്പും ചേര്‍ത്ത് നല്‍കീടാം പാല്‍പായസ്സം .. തിന്ന് പെണ്ണേ ആ വേണേല്‍ തിന്ന് എടി വാടി പെണ്ണേ ആ ..വേണ്ടേല്‍ വേണ്ട”$ ……….. നഗരത്തിലെ ജനങ്ങൾ അടുത്ത ദിവസത്തെ സ്പെഷ്യൽ ഐറ്റത്തിനായി വിശപ്പോടെ കാത്തിരിക്കുകയായിരുന്നു. സാമുവൽ സുരേശന്റെ അടുത്തേക്ക് കുനിഞ്ഞു കൊണ്ട് രഹസ്യമായി പറഞ്ഞു: "സജിത്തിന്റെ ഹൃദയത്തിൽ പഞ്ചസാര ചേർത്തപ്പോൾ നല്ല ടേസ്റ്റ് ഉണ്ടായിരുന്നു സാർ. സാറിന്റെ ഹൃദയത്തിൽ എന്ത് ചേർക്കണം? കുറച്ച് ഉപ്പ് കൂടുതൽ വേണ്ടിവരും എന്ന് തോന്നുന്നു, കാരണം നിങ്ങൾ ഒരു ക്രൂരനായ ബിസിനസ്സുകാരൻ ആണല്ലോ!" “ അയ്യോ എന്നെ കൊല്ലല്ലേ “ സുരേഷൻ ദുർബലമായി മോങ്ങി കൊണ്ടിരുന്നു ബേക്കറിയിലെ ഓവൻ ചൂടാകാൻ തുടങ്ങി. പുതിയൊരു ഗന്ധം കൂടി വായുവിൽ കലരാൻ തയ്യാറെടുക്കുകയായിരുന്നു. …… ഇതേ സമയം സുരേശൻ കേക്ക് വാങ്ങി വരുന്നതും നോക്കി ക്ഷമ കെട്ടു ഇരിക്കുകയായിരുന്നു കൂട്ടുകാരൻ ആദർശ് “ സമയം 10 കഴിഞ്ഞല്ലോ. പോയ പോക്കിൽ ആ തെണ്ടി വല്ല ബാറിലും കേറി അടിച്ചു ഓഫായി കാണും വിളിച്ചിട്ട് എടുക്കുന്നുമില്ല നാശം “ ആദർശ് പിറുപിറുത്തു എന്തായാലും നാളെ ആ ബേക്കറി യിൽ പോയി ഒരു കേക്ക് വാങ്ങി വീട്ടിൽ കൊടുക്കണം എന്ന് അയ്യാൾ ഉറപ്പിച്ചു …….. End .