இந்திய கிரிக்கெட் வீரர் ரவீந்திர ஜடேஜா குஜராத்தை சேர்ந்தவர். இவரது மனைவி பெயர் ரிவபா ஜடேஜா. இவர் குஜராத் மாநிலத்தில் உள்ள ஜாம்நகர் வடக்கு தொகுதியின் பாஜக எம்எல்ஏவாக உள்ளார். அதுமட்டுமின்றி குஜராத்தில் கல்வித்துறை அமைச்சராகவும் செயல்பட்டு வருகிறார். இந்நிலையில் தான் ரிவபா ஜடேஜா தனது கணவர் ரவீந்திர ஜடேஜாவுக்கு கெட்டப்பழக்கம் எதுவும் இல்லை என்று கூறியுள்ளதோடு, பிற இந்திய கிரிக்கெட் வீரர்கள் பற்றி கூறிய கருத்து சர்ச்சையை கிளப்பி உள்ளது. அதாவது இணையதளங்களில் தற்போது ரவீந்திர ஜடேஜாவின் மனைவி ரிவபா ஜடேஜா பேசும் வீடியோ வெளியாகி வேகமாக பரவி வருகிறது. அதில் ரிபவா ஜேடேஜா, ''என் கணவர் (ரவீந்திர ஜடேஜா) லண்டன், துபாய், ஆஸ்திரேலியா என்று பல்வேறு நாடுகளில் விளையாடுகிறார். ஆனால் அவருக்கு எந்த வகையான கெட்ட பழக்கமும் இல்லை. ஏனென்றால் ஜடேஜாவுக்கு அவரது புரோபஷன் பற்றிய நல்ல விழிப்புணர்வு உள்ளதோடு, அதற்கான பொறுப்பும் உள்ளது. ஆனால் சில இந்திய வீரர்கள் வெளிநாடுகளில் தவறான பழக்கத்தை கடைப்பிடிக்கின்றனர்'' என்று கூறினார். இந்த வீடியோ தற்போது இணையதளங்களில் வெளியாகி வேகமாக பரவி வருகிறது. ரிவபா ஜடேஜா இந்திய வீரர்கள் யாருடைய பெயரையும் கூறவில்லை. இருப்பினும் அவர் சில வீரர்கள் என்று கூறியிருப்பது விவாதத்தை கிளப்பி உள்ளது. மேலும் இந்திய வீரர்கள் யாருக்காவது வேறு கெட்ட பழக்கம் உள்ளதா? வெளிநாடுகளில் விளையாட செல்லும்போது அவர்கள் அங்கு அந்த கெட்ட பழக்கத்தை கடைப்பிடிக்கின்றனரா? என்ற கேள்வி எழுந்துள்ளது. இதனால் ரவீந்திர ஜடேஜாவின் மனைவி ரிவபாவின் பேச்சு இந்திய வீரர்கள் மீதான தவறான கண்ணோட்டத்தை ஏற்படுத்தி உள்ளது. தற்போது இணையதளத்தில் பரவும் வீடியோவுக்கு பலரும் எதிர்ப்பு தெரிவித்து வருகின்றனர். குறிப்பாக ரிவாபாவை கடுமையாக விமர்சனம் செய்து வருகின்றனர். இந்திய அணி வீரர்கள் பற்றி தவறான அதேவேளையில் ஆதாரமற்ற குற்றச்சாட்டை தெரிவிக்க வேண்டாம் என்று பலரும் கூறி வருகின்றனர். மேலும் சிலரோ ரவீந்திர ஜடேஜா தொடர்பான பழைய போட்டோக்களை பதிவிட்டு அவரது மனைவி ரிவபா ஜடேஜாவிடம் கேள்வி எழுப்பி வருகின்றனர். சில ஆண்டுகளுக்கு முன்பு ரவீந்திர ஜடேஜா புகையிலை பொருள் பயன்படுத்தும் போட்டோவை சமூக வலைதளத்தில் பதிவிட்டு, ''என் சிறுவயது வாழ்க்கை இருளாக கடந்தது. என் இளமை பருவம் குறும்பு தனத்தில் கழிந்தது'' என்று கூறியிருந்தார். அந்த போட்டோவை பதிவிட்டு வருகின்றனர். அதேபோல் கடந்த 2022ம் ஆண்டில் தனது கையில் பிடி வைத்து கொண்டு நடிகர் அல்லு அர்ஜூன் நடிப்பில் வெளியான புஷ்பா படத்தின் வரும் போஸ் கொடுத்து, 'புகைப்பழக்கம் உடல்நலத்துக்கு கேடு. நான் புகைப்பழக்கத்தை ஊக்குவிக்கவில்லை. இது கிராபிக்ஸ் முறையில் உருவாக்கப்பட்ட போட்டோ' என்று பதிவிட்டு இருந்தார். அந்த போட்டோவை பகிர்ந்து பலரும் கேள்வி எழுப்பி வருகின்றனர். #📺டிசம்பர் 12 முக்கிய தகவல் 📢 #ரவீந்திர ஜடேஜா🏏⚾✨