🍃🍃🌼🍃🍃 બાળ ચરીત્ર....           વળી કોઇક દિવસે ઘનશ્યામ મહારાજના વિયોગથી છપૈયાપુરને વિષે રહેલા પોતાના સખા વેણી, માધવ અને પ્રાગ તથા સુખનંદન આદિક બીજા કેટલાક બાળમિત્રો વિચાર કરતા સતા, અયોધ્યાપુરીમાં ઘનશ્યામ મહારાજને મળવા સારૂ છાનામાના ઘેરથી નીકળીને મીનસાગર ઉપર મોટા પીપળાના વૃક્ષ નીચે ભેગા થયા. પછી સર્વે આવી રહ્યા જાણીને ત્યાંથી ચાલ્યા તે રસ્તે જતાં વચ્ચે મનોરમા નદીએ આવ્યા. અને ત્યાં નદીમાં પાણી બહુ દેખીને પરસ્પર બોલવા લાગ્યા જે, અહો ભાઈઓ ! હવે આપણે આ નદી શી રીતે ઉતરવી ? એમ કહેતા સતા તે નદીના કાંઠે ઉદાસ થઈને ઊભા રહ્યા. તેટલામાં તો શ્રીહરિ પોતાના સખાઓ મળવા આવે છે એમ જાણીને, બ્રાહ્મણના વેષે તેમની પાસે આવીને કહ્યું જે, હે ભાઈઓ ! આવડાં નાનાં બાળકો તમો કયાં જાઓ છો ? ત્યારે તેમણે વિસ્તાર પૂર્વક તે બ્રાહ્મણને કહ્યું. ત્યારે બોલ્યા જે, ચાલો તમો મારી સાથે, કોઇ વાતની ફીકર રાખશો નહિં. અમારે પણ અયોધ્યાપુરી જવું છે. એમ કહેતા સતા સર્વેને સાથે લઇને નદી ઉતરીને ચાલ્યા. ત્યારે કોઈની પાસે ખાવાનું પણ નહિં. અને ભૂખ લાગેલી તેથી સર્વે સખા એક આંબાના વૃક્ષ નીચે બેઠા અને બોલ્યા જે, હે ભાઇ ! તમારે જવું હોય તો જાઓ અમોને તો ભૂખ લાગી છે. કોઇની પાસે ભાતુ પણ નથી. માટે ધીરે ધીરે આવીશું. ત્યારે તે બ્રાહ્મણ બોલ્યો જે, અરે ભાઈઓ ! તમો ભૂખ્યા છો ત્યારે કયારના કેમ કહેતા નથી ? આવો લ્યો, આપણે સર્વે ભેગા બેસીને જમીએ. મારી પાસે ભાતુ વધારે છે. ત્યારે તે બોલ્યા જે, હું પણ બ્રાહ્મણ છું. ચાલો શરમાશો નહિં. એમ કહીને તે સર્વે સાથે બેસીને સાથવો અને મીઠું જમીને ચાલ્યા તે સરયૂ નદીમાં ગયા. ત્યારે તે બ્રાહ્મણ બોલ્યો જે, હે ભાઈઓ ! તમારી પાસે વહાણમાં બેસવાના પૈસા છે કે નથી? ન હોય તો ચાલો, મારી પાસેથી આપીને વહાણમાં બેસારૂં. એમ કહીને તે વહાણમાં બેસારીને સામે કિનારે રામ ઘાટે લઇ જઈને કહ્યું જે, હે ભાઇઓ ! હવે તમો ગામમાં જઈ શકશો ? ત્યારે બોલ્યા જે, હા તમારે જવું હોય તો જાઓ. એમ કહ્યું કે, તુરત તે બ્રાહ્મણ ચાલ્યો ગયો. ત્યાર પછી તે સર્વે સખા થોડેક દુર જઈને વિચાર કરવા લાગ્યા જે, હે ભાઈઓ ! હવે આ મોટા શહેરમાં તેમના ઘરનો પત્તો કયાંથી લાગશે? જો બ્રાહ્મણને રાખ્યા હોત તો બહુ સારું થાત. એમ કહીને ચિંતા કરવા લાગ્યા. એટલામાં તો ઘનશ્યામ મહારાજ વળી અન્તર્યામીપણે પોતાના સખાઓને પાસે આવીને કહ્યું જે, અહો ભાઈ વેણીરામ ! તમો અહિં ક્યારે આવ્યા છો ? એમ કહીને અતિ સ્નેહથી સર્વે મળીને કુશળ સમાચાર પૂછીને આગળ થયા. ત્યારે માર્ગમાં ઘનશ્યામ મળ્યા તેથી સખા બહુ રાજી થયા અને પરસ્પર વાતો કરતા સતા સખાઓને સાથે લઇને ઘરે આવ્યા અને કહ્યું જે, તમો સર્વે ઘરની ઓસરીમાં જાઓ અને હું નોકરને બોલાવતો આવું. એમ કહીને પાછા વળીને થોડેક દુર જઈને અદ્રશ્ય થયા. ત્યારે સર્વે સખા ઓસરીમાં ગયા.ત્યાં તો વળી ઘનશ્યામ બેઠેલા હતા તે ઊભા થઇને મળવા આવ્યા અને કહ્યું જે, ભાઈઓ ! તમો સર્વે આવડા નાના બાળ અત્રે કેવી રીતે આવી શક્યા ? ત્યારે વેણીરામ આદિક સર્વે સખાએ તે સર્વે વૃતાંતની વાર્તા કહી. ત્યાર પછી પોતાના ચાકર સુરજબલી ભોઇ પાસે કૂવામાંથી જળનો ઘડો ભરી મંગાવીને, પ્રથમ તેમના હાથ પગ ધોવરાવીને અબખોરા ભરીને જળપાન કરાવવા લાગ્યા. ત્યારે રામપ્રતાપભાઈ બોલ્યા જે, હે ઘનશ્યામ ! આપણા ઘરમાં સાકર છે તે નાખીને રસ કરીને પીવડાવો. ત્યારે બોલ્યા જે, હે ભાઈ! તમો જુઓ, આ તો કૂવામાં સાકર ભરેલી છે તેમાંથી રસ કાઢીને પાઇએ છીએ, એમ કહેતા સતા સર્વેને પાઈને પોતાનાં માતાપિતા ભાઈ વિગેરેને પાતા હતા. તે પીને મહા વિસ્મય પામી ગયા. અને બોલ્યા જે, આ શું આશ્ચર્ય ? બધા કૂવાનું પાણી સાકરના રસ જેવું મીઠું થઈ ગયું. ત્યારે બોલ્યા જે, હે ભાઈ ! આ અમારા સખાઓને વાસ્તે અમો જે ધારીએ તે થાય, એમ કહેતા સતા સુવાસિનીબાઈ પાસે રસોઈ કરાવીને સર્વે સખાઓને પાસે બેસારીને જમાડતા હતા. પછી જમતા સતા બોલ્યા જે, હે મિત્રો ! તમોને જેઓએ મનોરમા નદી ઉતાર્યા અને ટીંમણ આપ્યું અને વહાણમાં બેસાડીને લાવ્યા તે અમે હતા. ત્યારે સખાઓ બહુ આનંદ પામતા સતા કહેતા હતા. જે તમારા વિના બીજો કોણ ખબર લે ? એમ કહે છે એટલામાં તો છપૈયાપુરથી તેમની ખબર કાઢવા માટે મોતી તરવાડી પહેલવાનને સાથે લઈને આવ્યા. તેમને જમાડીને પાંચ દિવસ રાખીને પછી સખાએ સહિત વિદાય કરતા હતા.                            🍃🍃🌼🍃🍃 623 #🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗 #અનાદિમુક્તરાજ શ્રી અબજીબાપા ##જય સ્વામિનારાયણ #✋ જય સ્વામીનારાયણ #🙏 સ્વામિનારાયણ મંદિર