#😱સ્કૂલ વાનનો ભયાનક અકસ્માત🚐 ,અમદાવાદમાં બેફામ સ્પીડે વાહનો ચલાવી અકસ્માત બનવાની ઘટના સામે આવી છે. શહેરના ખોડીયારનગર બ્રિજ પાસે દિવાન બલ્લુભાઈ સ્કૂલ વાન BRTS રેલિંગને અથડાઈ હતી. સ્કૂલ વાનમાં વિદ્યાર્થીઓ સવાર હતા. જોકે સદનસીબે કોઈપણ વિદ્યાર્થીને ઈજા થઈ નથી. વાન અથડાવવાના કારણે અકસ્માત સર્જાયો જેમાં રેલિંગને નુકસાન થયું હતું. નવા વાડજ વિસ્તારમાં પણ નેશનલ હેન્ડલુમ પાસે અકસ્માત સર્જાયો હતો જેમાં એક કાર પલટી ગઈ હતી. જેમાં કારચાલકને ઇજા થઈ હતી. બંને અકસ્માત મામલે ટ્રાફિક પોલીસ દ્વારા કાર્યવાહી કરવામાં આવી છે.સ્કૂલ વાનમાં કોમર્શિયલ નંબર પ્લેટ નહોતી શહેરના દિવાન બલ્લુભાઈ સ્કૂલની સ્કૂલ વાનનો ખોડીયારનગર બ્રિજ પાસે અકસ્માત થયો હતો. સ્કૂલ વાનમાં 10 વિદ્યાર્થીઓ સવાર હતા. બેફામ રીતે વાહન ચલાવવાના કારણે વાન BRTS રેલિંગ સાથે અથડાતા આગળના ભાગે કાચ તૂટી ગયો હતો. જોકે વિદ્યાર્થીઓને ઇજા થઈ નથી. સ્કૂલ વાન નિયમ મુજબ ન દોડતી હોવાનું સામે આવ્યું છે. વાનમાં સફેદ કલરની નંબર પ્લેટ હતી. સ્કૂલ વાન કોમર્શિયલ વાહન હોવું ફરજિયાત છે, પરંતુ વાનમાં કોમર્શિયલ નંબર પ્લેટ નહોતી. #અમદાવાદ #🗞️ ગુજરાત અપડેટ્સ #📽 લેટેસ્ટ અપડેટ વીડિયો #🔥 બિગ અપડેટ્સ