#📙 നോവൽ - മുറ ചെറുക്കൻ....... 🔻 ഭാഗം _47 ✍️ രചന - Aysha akbar ഗായത്രി വല്ലാത്തൊരു ഞെട്ടലോടെ അവളെ നോക്കി.... ഇത്രയും വലിയൊരു കാര്യം പറയാൻ അവൾക്കുണ്ടായ ധൈര്യത്തെ യാണ് അവർ ഭയന്നത്....... അത്‌ വരെ മൂകമായിരുന്ന ഋതിന്റെ കണ്ണുകൾ ഒന്ന് തിളങ്ങി..... രവി അവളെയൊന്ന് നോക്കിയ ശേഷം കൈ ചുണ്ടോടോന്ന് ചേർത്ത് വെച്ചു... പെട്ടെന്നുള്ള അവളുടെയാ വാക്കുകളിൽ അയാളും ഒന്ന് പതറിയിരുന്നു...... എങ്കിലും അവളൊരു പരിധി വിട്ട് പറയുന്നതിനപ്പുറത്തേക്ക് പോകില്ലെന്ന വിശ്വാസം അപ്പോഴും അയാളിൽ ബാക്കിയായിരുന്നു..... അതെന്താ........ വൈശാഖ് നല്ല പയ്യനാണല്ലോ..... കാണാനും കൊള്ളാം.... നല്ല സ്റ്റാറ്റസും....... പിന്നെന്താ പ്രശ്നം....... രവി തല മാത്രം അല്പം ചെരിച്ചു കൊണ്ടത് ചോദിക്കുമ്പോൾ ഇഷാനിയുടെ ശ്വാസമിടിപ്പ് കൂടി...... സമ്മതമല്ലെന്ന് പറയാൻ തന്നെ താനോന്നാകെ വിറച്ചിട്ടുണ്ട്....... അവനെ നഷ്ടപ്പെടുമോ യെന്നൊരു തോന്നലിൽ നിന്നാണ് അത്രയെങ്കിലും ശബ്ദം പുറത്ത് വന്നത്..... നിന്നോടാ ചോദിച്ചത്...... ഈ അലയൻസിൽ താല്പര്യമില്ലെന്ന് പറയാൻ കാരണമെന്താണെന്ന്..... ഞാൻ നോക്കീട്ട് പ്രത്യേകിച്ചൊന്നും കാണുന്നില്ല...... രവി ഒരു സിഗററ്റെടുത് കത്തിച്ചു പുക ആഞ്ഞു വലിച്ചു കൊണ്ടത് പറയുമ്പോൾ അയാളുടെ ഉള്ളിലെ ഭാവം ആ കണ്ണുകളിൽ തെളിഞ്ഞു കണ്ടിരുന്നു.... അയാൾ അമിതമായി പ്രതികരിക്കാതെ സ്വയം പിടിച്ചു കെട്ടി നിൽക്കുകയാണെന്ന് അവൾക്ക് തോന്നി...... ഏത് നിമിഷവും ഒരു പൊട്ടി ത്തെറി പ്രതീക്ഷിച്ചെന്ന പോൽ അവൾ വിറച്ചു നിൽക്കുകയാണ്...... പറയെടി.....എന്താ ആ പയ്യന് കുഴപ്പം....... ഇനി കിട്ടുമോ ഇത്ര നല്ലൊരു ബന്ധം........ എല്ലാവരും മോഹിച്ചു നടക്കുവാ അവനെ....... അവനെന്താഡി ഒരു കുറവ്...... അഹങ്കാരി.... എനിക്ക് മറ്റൊരാളെ ഇഷ്ടമാണ്..... ഗായത്രി അവൾക്ക് നേരെ ദേഷ്യത്തോടെ അത്‌ ചോദിക്കുമ്പോൾ പെട്ടെന്നായിരുന്നു ഇഷാനിയത് പറഞ്ഞത്....... ഒരു നിമിഷം എല്ലാവരും സ്‌തബ്ധരായി പ്പോയി...... ഗായത്രിയുടെ കണ്ണുകൾ തുറിച്ചു വന്നു..... ഋതിനും ഞെട്ടലോടെ അവളെ നോക്കി..... രവി മാത്രം അതേയിരിപ്പാണ്...... അയാൾ അപ്പുറത്തായുള്ള ടീവി യൂണിറ്റിലേക്ക് നോക്കി കയ്യിലെ സിഗററ്റ് ഒന്ന് കൂടി ആഞ്ഞു വലിച്ചു....... ഇഷാനിയുടെ കാൽ മുട്ടുകൾ കൂട്ടി മുട്ടി..... അവൾക്ക് ആരുടേയും മുഖത്ത് നോക്കാൻ കഴിയുന്നുണ്ടായിരുന്നില്ല..... ഏ സി ക്ക് തണുപ്പില്ലെന്ന വണ്ണം ഉള്ളിലെ ചൂടിൽ അവൾ വിയർത്തു..... ഇനിയും താൻ ഇത് പറഞ്ഞില്ലെങ്കിൽ നഷ്ടപെടുന്നത് എന്തെന്ന ബോധ്യം അവൾക്കുണ്ടായിരുന്നു..... എൻകേജ്‌മെന്റിന്റെ ഡേറ്റ് ഫിക്സ് ചെയ്‌താൽ അതോടെ എല്ലാത്തിനും തീരുമാനമാവുമെന്ന് അവൾക്കറിയാമായിരുന്നു.... അത്‌ കൊണ്ട് തന്നെയാണ് മറ്റൊന്നും ചിന്തിക്കാതെ ഉള്ളിലുള്ളത് പുറത്ത് വന്നത്....... എടീ.....എന്താടി നീ പറഞ്ഞത്... ഗായത്രി........ ഗായത്രി ദേഷ്യത്തോടെ അതും പറഞ്ഞു കൊണ്ട് ഇഷാനിക്ക് നേരെ കയ്യുയർത്തുമ്പോൾ പെട്ടെന്നായിരുന്നു രവിയുടെ ശബ്ദം അവിടെ യുയർന്നത്...... ഗായത്രി യുടെ കൈകൾ തന്റെ നേർക്ക് വരുന്നത് കണ്ട് കണ്ണുകളൊന്ന് ചിമ്മിയിരുന്ന ഇഷാനി രവിയുടെ ശബ്ദം കേട്ടതും പതിയെ കണ്ണുകളൊന്ന് തുറന്നു...... രവി ഗായത്രിക്ക് നേരെ വേണ്ടെന്ന അർത്ഥത്തിൽ കയ്യുകളൊന്ന് ഉയർത്തി യിരിക്കുന്നത് അവൾ കണ്ടു...... അപ്പോഴും ആ കണ്ണുകൾ തന്നിലാണ്...... മുഖത്ത് അടക്കി പ്പിടിച്ച വികാരങ്ങൾ കണ്ണുകളിൽ തെളിഞ്ഞു കാണുന്നുണ്ട്..... ഇഷാനിക്ക് വല്ലാത്തൊരു ഭയം തോന്നി....... ആരാ..... കൂടെ പഠിക്കുന്ന പയ്യനാണോ...... രവി ഇരുന്നിടത്ത് നിന്നുമെഴുന്നേറ്റ് അവൾക്കടുത്തേക്ക് വന്നത് ചോദിക്കുമ്പോൾ അവൾക്ക് ശ്വാസം തൊണ്ട ക്കുഴിയിൽ കുരുങ്ങി നിന്നു..... ശബ്ധം പുറത്തേക്ക് വരുന്നില്ലെന്ന് തോന്നിയത് കൊണ്ട് തന്നെ അവൾ വായിലെ ഉമി നീരോന്നിറക്കി........ നിന്നോടാ ചോദിച്ചത്.... അതും ചോദിച്ചു കൊണ്ട് ആ ശബ്ദത്തിന് കനം കൂടുമ്പോൾ അവൾ പതിയെ അല്ലെന്ന അർത്ഥത്തിലൊന്ന് തലയാട്ടി...... ഗായത്രിയും ഋതിനും അവരെ തന്നെ ഉറ്റു നോക്കി നിൽക്കുകയാണ്..... അവളുടെ അല്ലെന്ന തല കുലുക്കൽ രവിയിൽ നിറച്ചൊരു സംശയം അയാളുടെ മുഖത്ത് തെളിഞ്ഞു കണ്ടു..... കോളേജിലുള്ള ഒരാളല്ലാതെ മറ്റാരോടും അവൾക്ക് അടുപ്പമുണ്ടെന്നത് തന്നെ സംബന്ധിച്ച് സാധ്യമായ ഒന്നല്ല...... എന്തെന്നാൽ..... അത്രയേറെ ഒതുക്കി പ്പിടിച്ചാണ് അവളെ വളർത്തിയത്....... പിന്നേ....... പിന്നേ ആരാ..... രവി വീണ്ടും കയ്യിലെ സിഗററ്റിൽ പുകയാഞ്ഞു വലിച്ചു കൊണ്ട് അത്‌ ചോദിക്കുമ്പോൾ അവനെ കുറിച് പറയാൻ മനസ്സ് പാകപ്പെടുത്തുമ്പോഴും ആലില പോലെ വിറക്കുന്നുണ്ടായിരുന്നവൾ....... അവനെ കുറിച് അറിയുന്ന ആ നിമിഷം എന്തും പ്രതീക്ഷിക്കണം....... അവളുടെ കണ്ണുകൾ ചുരുങ്ങി... അത്‌........ ഗോപി മാമന്റെ മകൻ സച്ചു വേട്ടനാണ്..... അവൾ പതിയെ ഗായത്രിയെ നോക്കിയാണത് പറഞ്ഞത്...... ഒരു നിമിഷം ഗായത്രി ഞെട്ടലോടെ അവളെ നോക്കി..... ഒരിക്കലും പ്രതീക്ഷിക്കാത്ത ഒരു മറുപടിയായത് കൊണ്ട് തന്നെ പെട്ടെന്ന് പ്രതികരിക്കാൻ ആർക്കും കഴിഞ്ഞില്ല..... എല്ലാവരിലും ഒരു തരം മരവിപ്പായിരുന്നു...... രവിയുടെ മുഖം ദേഷ്യം കൊണ്ടും അതിലേറെ പുച്ഛം കൊണ്ടും നിറഞ്ഞു...... ഋതിന്റെ ഉള്ളിൽ മാത്രം ഒരു വെളിച്ചം പരന്നു.... ആശ്വാസം അവനെ യാകേ വന്നു മൂടിയത് പോലെ...... എടീ അസത്തെ..... ഗായത്രി അതും പറഞ്ഞു ഇഷാനിക്ക് നേരെ കയ്യോങ്ങാൻ നിൽക്കുമ്പോഴേക്കും രവിയുടെ കൈ അവരുടെ കവിളിൽ വന്നു പതിച്ചത് പെട്ടെന്നായിരുന്നു....... ഇഷാനി ഒരു ഞെട്ടലോടെ അല്പം പിറകിലേക്ക് നീങ്ങി...... ഗായത്രി കവിളിൽ കൈ വെച്ചു കൊണ്ട് നിറ കണ്ണുകളോടെ രവിയെ നോക്കി....... നിന്നേ വിവാഹം ചെയ്തതാണ് എന്റെ ജീവിതത്തിൽ ഞാൻ ചെയ്ത ഏറ്റവും വലിയ തെറ്റ്....... അട്ടയെ പിടിച്ചു മെത്തയിൽ കിടത്തിയാൽ കിടക്കുമോ...... രവിയതും പറഞ്ഞു കൊണ്ട് ഗായത്രിയുടെ നേരെ അലറുമ്പോൾ ഗായത്രിയുടെ കണ്ണിൽ നിന്നും കണ്ണ് നീരുതിർന്നു വീണു....... ഗായത്രി തല കുനിച്ചു കൊണ്ട് അപമാനിതനായെന്ന വണ്ണം അങ്ങനെ നിൽക്കുകയാണ്........ ഇഷാനിക്ക് കണ്ടിട്ട് സഹിക്കാൻ കഴിയുന്നുണ്ടായിരുന്നില്ല.... താൻ ചെയ്ത തെറ്റിന് മമ്മ വേദനിക്കാൻ പാടില്ലായിരുന്നു..... വേണ്ട പപ്പാ....... രവി വീണ്ടും ദേഷ്യം അടങ്ങുന്നില്ലെന്ന വണ്ണം ഗായത്രിയുടെ നേർക്ക് കയ്യുയർത്തുമ്പോഴാണ് ഇഷാനി പെട്ടെന്നത് പറഞ്ഞത്........ രവി അതേ ദേഷ്യത്തിൽ ചുണ്ടിൽ പുകഞ്ഞു കൊണ്ടിരുന്ന സിഗററ്റെടുത്തു ഇഷാനിയുടെ കൈ തണ്ടയിലേക്ക് ചേർത്തതും ഒട്ടും പ്രതീക്ഷിക്കാത്തതായത് കൊണ്ട് തന്നെ അവൾ അലറി വിളിച്ചിരുന്നു...... ഋതിനും ഗായത്രിയും ഒരു നിമിഷം ഞെട്ടി പ്പോയി..... രവിയുടെ ചുണ്ടിൽ മാത്രം ഒരു പ്രത്യേക ചിരി വിരിഞ്ഞു........ ഗായത്രി ഭയത്തോടെ അയാളെ നോക്കി..... ഇഷാനി പൊള്ളിയ കൈ തണ്ടയിൽ അമർത്തി പ്പിടിച്ചു കൊണ്ട് രവിയെ നോക്കുമ്പോൾ അയാൾ ഇടത് കൈ കൊണ്ടവളുടെ കവിളിൽ ആഞ്ഞടിച്ചു..... അവൾ പെട്ടെന്ന് പിറകിലേക്ക് വീണു പോയി..... തല യുടെ പിറക് വശം ചുമരിലിടിച്ചതും അവൾക്കാകെ തല കറങ്ങുന്നത് പോലെ തോന്നിയിരുന്നു... ഗായത്രി പെട്ടെന്ന് അവളെ പിടിക്കാനെന്ന വണ്ണം ഒന്ന് മുന്നിലേക്ക് വന്നതും രവിയുടെ കൂർത്ത കണ്ണുകൾ അവരെ നിശ്ചലയാക്കിയിരുന്നു...... രവിയെന്തെന്ന് തന്നെക്കാൾ നന്നായി മറ്റാർക്കുമറിയില്ലെന്ന് അവർക്ക് വ്യക്തമായിരുന്നു........ തലയിൽ കൈ വെച്ചിരിക്കുന്ന ഇഷാനിക്ക് നേരെ അയാൾ പാഞ്ഞടുത്തു കൊണ്ടവളുടെ മുടിയിൽ പിടിച്ചു വലിച്ചു ചുമരിൽ തലയിടിക്കുമ്പോഴും ഒന്ന് തടയാൻ പോലും കഴിയാതെ ഗായത്രി അങ്ങനെ നിന്നു..... എപ്പോഴോ കല്ലാക്കി വെച്ചിരുന്ന അവരുടെ മാതൃ ഹൃദയം അലിഞ്ഞു തീർന്നു....... എന്താ രവിയേട്ടാ ഇത്..... ഉരുകിയോലി ക്കുന്ന ഹൃദയത്തെ തടുക്കാൻ കഴിയാത്തത് കൊണ്ട് തന്നെ അവർ അതും ചോദിച്ചു കൊണ്ട് രവിയെ പിടിച്ചു മാറ്റാൻ ചെല്ലുമ്പോൾ മറു കൈ കൊണ്ട് രവി ഗായത്രിയെ പിടിച്ചു തള്ളിയിരുന്നു...... അവർ പിറകിലേക്ക് വീണതും അത്‌ വരെ കാഴ്ച കണ്ടു നിന്നിരുന്ന ഋതിൻ വന്നു വേഗം ഗായത്രിയെ പിടിച്ചു..... ഒരു നിമിഷം അവനും ഒന്ന് ഭയന്നിരുന്നു..... ഇത് വരെ കാണാത്തത്ര ഭീകരനായ രവി അവനിലും ഭയത്തെ നൽകിയിരുന്നു..... രവിയുടെ ഭാവ പ്പകർച്ചയിൽ ആ വീടൊന്നാകേ നടുങ്ങിയിരുന്നു...... അടുക്കളയിലെ പെണ്ണുങ്ങൾ ശ്വാസം പോലും പുറത്തേക്ക് വരാതെയെന്ന വണ്ണം വാ പൊത്തി എല്ലാത്തിനും സാക്ഷിയായി നിന്നു..... അപ്പോഴും രവി അവളുടെ മുടി കുത്തി പിടിച്ച പിടി വിട്ടിട്ടില്ലായിരുന്നു..... ചുമരിലൂടെ രക്തം ഒലിച്ചിറങ്ങുമ്പോൾ കരയാൻ പോലും കഴിയാത്ത വിധം തളർന്നു പോയിരുന്നാ പെണ്ണ്..... അപ്പോഴും കണ്ണിൽ അവന്റെ മുഖം മാത്രം തെളിഞ്ഞു നിൽക്കുമ്പോഴെന്തോ വേദന തോന്നിയിരുന്നില്ലവൾക്ക്.... അവളുടെ മിനുസമുള്ള മുടിയിഴകൾ അഴിഞ്ഞുലഞ്ഞു... ഒന്ന് പിടിച്ചു മാറ്റടാ.... ഇരുന്നിടത്ത് നിന്നെഴുന്നേൽക്കാൻ കഴിയാതെ ഗായത്രി ഋതിനോടായത് പറയുമ്പോൾ എന്തൊക്കെ സംഭവിക്കുമെന്ന ആധി അവരിൽ നിറഞ്ഞു നിന്നിരുന്നു....... ഋതിൻ ഭയത്തോടെ തന്നെ പപ്പയുടെ അടുത്തേക്ക് നടക്കുമ്പോൾ രവി അവളെ പിടിച്ച അതേ പിടിയോടെ അടുത്തുള്ള മുറിയിലേക് നടക്കുമ്പോൾ ദേഷ്യം കൊണ്ടയാളുടെ കണ്ണുകൾ ചുവന്നിരുന്നു...... ഋതിൻ അടുത്തേക്കെത്തിയപ്പോഴേക്കും അവന്റെ മുമ്പിൽ ആ മുറിയുടെ വാതിൽ കൊട്ടിയടക്ക പ്പെട്ടിരുന്നു...... അവൻ നിറഞ്ഞൊരു ഭയത്തോടെ ഗായത്രിയെ നോക്കി....... ഗാത്രിയും എന്ത് ചെയ്യണമേന്നറിയാതെ ഉരുകിയിരിക്കുകയാണ്.... പറയെടി നിനക്കാ കാട്ടിൽ കിടക്കുന്നവനെയാണോ വേണ്ടത്...... ഈ രവി പിള്ളയുടെ മരുമകനായിട്ട് എഴുന്നള്ളിക്കേണ്ടത് അവനെയാണോടി...... അവൾക്ക് നേരെയുള്ള രവിയുടെ ശബ്ദത്തിലേക്ക് തലയുയർത്താൻ പോലും കഴിയാതെ നിലത്തേക്കൂർന്നിരിക്കുകയായിരുന്നവൾ.... പറയെടി.... അവനെ തന്നെ വേണോ നിനക്ക്.... അയാൾ അവളുടെ മുടി കുത്തിൽ പിടിച്ചു തന്നിലേക്ക് മുഖമുയർത്തി വീണ്ടും അയാളത് ചോദിക്കുമ്പോൾ രക്തം മൂക്കിൻ തുമ്പിലൂടെ ഒലിച്ചിറങ്ങുന്നുണ്ടായിരുന്നു..... പറയെടി..... ആ #%& മോനെ തന്നെ വേണോ നിനക്ക്........ ജീവിക്കുകയാണെങ്കിൽ ഞാൻ പറഞ്ഞവന്റെ കൂടെ... അല്ലെങ്കി നീ ഇവിടെ കിടന്നു ചാവും..... രവി വീണ്ടും അലറി കൊണ്ടത് പറയുമ്പോൾ അവളുടെ ഉള്ളോന്ന് പിടച്ചു..... അവനെ വെണ്ടൊന്നൊരു വാക്ക് പറഞ്ഞാൽ തീരുമായിരിക്കുമത്.... പക്ഷെ.... അതിന് തനിക്കെങ്ങനെ കഴിയും.... എനിക്ക്.... എനിക്ക് സച്ചുവേട്ടനെ ഇഷ്ട്ടമാണ്.... അവനല്ലാതെ മറ്റൊരാളുടെ കൂടെ ജീവിക്കുന്നതിലും ഭേദം ഞാൻ മരിക്കുന്നത് തന്നെയാ..... അവൾ അയാൾക്ക് നേരെ മുഖമുയർത്തി അത്‌ പറയുമ്പോൾ തളർന്ന കണ്ണുകളിൽ ഒരു അഗ്നി കുണ്ഡം ആളി കത്തുന്നത് അയാൾക്ക് കാണുന്നുണ്ടായിരുന്നു...... (തുടരും) Aysha Akbar #📔 കഥ