*_అమృతవ్యాఖ్య_* *తనపై గురి చూసి రాయిని విసిరేవారికి.. ప్రేమతో పండును ప్రసాదించే వృక్షం క్షమాపణకు నిలువెత్తు సాక్ష్యం. ‘మన్నించే మనసే సామరస్యతకు సోపానం’ అన్న సత్యం తెలిస్తే... ద్వేషానికి తావులేని సుఖమయ సమాజ నిర్మాణం సాధ్యమవుతుంది* *బంధువులైనా,జీవిత భాగస్వాములైనా స్నేహితులైనా.. సొంత సంతానమైనా సహోదరులైనా..* *మరింత సన్నిహితులైనా అందరి మధ్య అనురాగాన్ని పండించే గుణం ప్రేమ అయితే.. దానిని ఎప్పటికీ నిలిపి ఉంచే లక్షణం క్షమాగుణం..!* *క్షమాపణ చెప్పడం ద్వారా మానసిక ప్రశాంతత పెరుగుతుంది. క్షమాపణ చెప్పేవారిని మానసిక పరిపక్వత చెందిన వారిగా భావించొచ్చు. క్షమాపణతో అవతలి వారిలో అపరాథ భావం తొలగిపోతోంది*. *తద్వారా ఆందోళన పోయి మానసిక ప్రశాంతత కలుగుతుంది*. *ఒత్తిడికి దివ్య ఔషధం క్షమాపణ! మానసిక ఒత్తిడికి దివ్య ఔషధంలా పనిచేస్తుంది.* *క్షమాగుణం కలిగిన వ్యక్తి జీవితంలో ఉన్నత శిఖరాలను అధిరోహిస్తారు. వీరికి శత్రువులు సైతం తక్కువగా ఉంటారు*. *ఇటువంటి వ్యక్తులను మహోన్నతి వ్యక్తులగా చెప్పొచ్చు*. *క్షమాపణతో మనస్పర్థలు తొలగి పోతాయి.* *స్నేహితులు, బంధువులు, ప్రేమికులు, తోబుట్టువుల మధ్య చిన్నచిన్న తగాదాలు ఏర్పడతాయి. కొన్ని వెంటనే సమసిపోతే మరికొంతమంది మాత్రం కొన్నేళ్లపాటు మొహం చాటేస్తారు*. *వారి మధ్య మనస్పర్థలు ఒకరంటే ఒకరికి గిట్టని స్థాయికి చేరుకుంటాయి. ప్రతి ఒక్కరూ క్షమాపణ చెప్పేందుకు ముందుకు వస్తే సమస్యలు తొలగి పోతాయి*. *అందరూ క్షమా గుణాన్ని అలవరచుకుంటే మంచిది.* *క్షమించమన్నారుగా అని నీతి మాలిన దారుణాలకు, అకృత్యాలకు పాల్పడిన వారిని క్షమించి వదిలేయమని కాదు* #మన సంప్రదాయాలు సమాచారం