శ్రీరాముడుండిన కాలము కృతయుగమునాటి వాడు హనుమంతుడు. పదపడి త్రేతా ద్వాపరయుగములు గడచినవి. ఇది కలియుగము. ఆనాటి నుండియు త్రిమూర్తులతో సామ్యముగ పూజలందుకొనుచున్న దైవతమూర్తి ఆ మహాకపి. ఆతడు చిరంజీవి. నేటికిని గంధమాదనమున తన యాశ్రమమందుండి భక్తులను రక్షించుచున్నాడు. నిజరూపమున ఆతడెచ్చట నున్నను ఆయన పవిత్ర విగ్రహము గ్రామగ్రామమున ప్రత్యక్షమే. భక్తుడెచ్చట స్మరించినను ఎట్లు స్మరించినను తేజో వంతము గంభీరము, మహోన్నతమైన హనుమద్దివ్య రూపము కనుల ముందుండును. ప్రజాహృదయములలో అంత ఆప్యాయముగ ముద్రితమైన రూపమది. హనుమంతుడు ప్రణవస్వరూపుడు మంత్రరూపుడు అది గాక, భక్తులు స్వేచ్చగ వారి వారి ఇష్టనామములతో చేయు పూజలు ప్రార్థనలు స్వీకరించు కరుణాళుడు. ఒకనికిగల భయములు చిక్కులు తొలగిపోవలెను అప్పుడతడు అభయోాంజనేయుడు. ఒకని యుత్నములు ఆటంకములు లేక సఫలముకావలెను. అప్పుడతడు విరాంజనేయుడు. ఒకనికి ఇహపరసౌఖ్యములు కావలెను. అతడు భద్రాంజనేయుడు, ఒకనికి నిశ్చలాత్మచింతన యోగ సిద్ధి సాధన కావలెను అతడు ధ్యానాంజనేయుడు. నిండు భక్తితో నొకడతనిని కీర్తించును. అతడు ప్రసన్నాంజనేయుడు; ఇట్లెన్నియో మార్గముల భక్తసులభుడైన ఆంజనేయుడు. హనువున్మూలమంత్రోపాసన వలన సిద్ధులగుచున్నవారున్నారు. #"భక్తి సమాచారం" #🙏భక్తి స్పెషల్ #🙏🏻భక్తి కోట్స్📝 #🙏ఆధ్యాత్మిక జీవితం😇 #🙆 Feel Good Status