घरात दुःखद घटना घडली तर घरातील स्त्रीयांनी काय करायचे असते? पार्थीवाजवळ बसून रहायचे, तोंडाला पदर लावून रडायचे, अंत्यसंस्कारासाठी लागणारे घरगुती साहित्य शांततेत द्यायचे,पार्थीवाच्या पाया पडायचे, पदराने वारा घालायचा आणि अंत्यसंस्कारावरून आलेल्या पै-पाहुण्यांना कोरा चहा पाजायचा. यापेक्षा वेगळं काही अपेक्षीत नसलेल्यांना काल अजितदादांच्या अंत्यविधीदरम्यान सुप्रियाताईंचा वावर आवडला नाही. त्यांच्या मते अशा दुःखद प्रसंगी सुप्रियाताई एवढ्या सहजपणे पुढाकार घेऊन अंत्यसंस्कार विधीचे नियोजन कसे करु शकतात.अर्थात त्यांची अपेक्षा आहे की, ताईंचा भाऊ गेला आहे मग त्यांनी पार्थीवाजवळ बसून राहीले पाहीजे, रडले-पडले पाहीजे आणि जे चालु आहे ते डोळे भरून बघून घरी गेले पाहीजे. तुमच्या-आमच्या घरातल्या स्त्रीया यापेक्षा वेगळ काय करतात?हाच पवारांच्या आणि आपल्या घरातला फरक आहे.पवारांच्या घरच्या लेकी-सुना पदराआड रडत बसण्यापेक्षा पदर खोचून परीस्थीतीसमोर उभ्या राहतात.त्या स्वावलंबी,स्वयंपुर्ण आणि आत्मविश्वासाने खंबीर आहेत.या कुंटुंबाचे परस्पर सामंजस्य खुप चांगले आहे.अजितदादांच्या अंत्यविधीला केंद्रापासून राज्यापर्यंत अतिमहत्वाच्या व्यक्ती सहभागी होणार होत्या.त्याहीपेक्षा लाखोंच्या संख्येने भावनावश झालेला अजितदादांचा चाहतावर्ग राज्याच्या कानाकोपर्‍यामधून बारामतीत आला होता.त्यासर्वांना दादांचे अंत्यदर्शन व्हावे, कुंटुंबीय,पाहुणेमंडळींचा अंत्यविधीत हात लागावा यासाठी जबाबदारीने समन्वय साधण्याची आवश्यकता होती.व्हिआयपी प्रोटोकाॅल्स,गर्दीचे नियमन आणि वेळेत कार्यक्रम उरकण्यासाठी कुणीतरी पुढाकार घेण्याची गरज होती.तो पुढाकार सुप्रियाताईंनी घेतला.पण एक स्त्री एवढ्या धीरोक्तपणे हे सगळ कशी करु शकते,नव्हे नव्हे हे बाईच कामच नसतं अशा मानसीकतेच्या लोकांना ते फारस रुचलं नाही.पण याने पवारांना-सुळेंना काय फरक पडतो? जे घडलय त्यातून सगळ्यात जास्त नुकसान त्यांच्याच कुटुंबाच झालं आहे. काल,आज आणि उद्या आपली मानसीकता हळुहळू स्थीर होईल. त्या कुटुंबावरचा आघात फार मोठा आहे. त्यांची स्वीकाहार्यता आणि धैर्य फार मोठे आहे.चार दिवसांत ही माणसे तुम्हाला परत फिल्डवर दिसतील. दुःख जर समाजाच्या चौकटींमधूनच दिसत असतं तर राजमाता जिजाऊंना सती जावच लागल असतं.आपलं पुरोगामीत्व चौकटी मोडण्यासाठीच आहे. आज हजारो बापांचे अंत्यसंस्कार मुलींनी केले आहेत. प्रेतांना खांदे दिले आहेत, पिंडदान-अस्थीविसर्जन केले आहे. सुप्रियाताई मांडी घालून बसल्या असत्या आणि श्रीनिवासदादा किंवा राजेंद्रदादांनी हा पुढाकार घेतला असता तर आपल्या 'पारंपारीक' नजरांना ते रुजू झाले असते. पण घरातले पुरुष बसले आहेत आणि बाई पुढाकार घेतेय हे स्विकारण्याएवढ आपल काळीज अजूनही मोठं झालेल नाही.साडीतल्या बाईला पदराने बांधून ठेवण्याची पितृसत्ताक मानसीकता अजूनही बदलली नाही.घरातल्या कर्त्या भावाची जबाबदारी बहिणीने निभावली, विषय संपला..!! Supriya Sule #🔴आजचे ताजे अपडेट्स📰 #🏛️महाराष्ट्राचे राजकारण😎 #1️⃣महाराष्ट्र अपडेट्स #🙏अजित पवार अनंतात विलीन💔 #😮अजित पवार विमान अपघात की कट कारस्थान❓