✍️🚩 अमर करंबेळकर लिहतात : "माझा मराठाचि बोलु कौतुकें । परि अमृतातेंही पैजां जिंके ऐसीं अक्षरें रसिकें। मेळवीन ।। एका सोळा वर्षाच्या भाषाभगिरथाने वर्णिलेली 'मराठी' भाषेची महती आज महाराष्ट्रात आठशे वर्षांनंतरही तशीच आहे. आज दिनांक २७ फेब्रुवारी २०२३, मराठी राजभाषा दिन. ज्यांनी आपल्या सामर्थ्यशील अशा काव्यप्रतिभेने आणि सिद्धहस्त लेखणीने देखणे असे शब्दवैभव या महाराष्ट्राला दिले त्या कविवर्य श्री.विष्णू वामन शिरवाडकर तथा कुसुमाग्रज यांचा आज जन्मदिन ! दलाल यांनी रेखाटलेले सदर चित्र हे त्यांची विलक्षण प्रतिभा दाखवते. 'लघुनिबंधकार' असे शीर्षक असलेल्या पुस्तकाला साजेसे असे हे मुखपृष्ठ आहे. साक्षात 'श्रीसरस्वती' च ज्यांच्या हस्ते 'श्रीज्ञानेश्वरी' सारखा महान ग्रंथ लिहून घेते त्यांना आपण कितीही विशेषणे लावली तरी ती कमीच पडणार. ठाणवईच्या उजेडात एका गुहेमध्ये श्रीज्ञानेश्वर लेखन करीत असून त्यांच्यामागे कमलस्थ असलेली साक्षात भगवती सरस्वती ही विमल स्मित करीत आहे.श्रीज्ञानेश्वरांच्या मागे कुणा एकाची सावली त्यांना वंदन करीत आहे. आजच्या मराठी राजभाषा दिनी श्रीज्ञानेश्वर, कुसुमाग्रज, दलाल म्हणजेच साहित्य, प्रतिभा आणि कुंचला यांचा 'त्रिवेणी संगम' झाला आहे असेच वाटते. संदर्भ - 'लघुनिबंधकार' वर्ष - १९५३" सौजन्य: श्री दलाल यांच्या कार्याचे लेख वर्णन ✍️🙏😊 मराठी राजभाषा दिनाच्या हार्दिक शुभेच्छा #📅मराठी भाषा गौरव दिन🚩