നീയെൻ്റെ ജലരേഖയായിരുന്നു. എൻ്റെ സങ്കടങ്ങളും, സന്തോഷങ്ങളും ഞാൻ നിന്നിലാണെഴുതി വെച്ചത്.! നിന്നിലാണ് എന്നിലേറ്റവും മികവാർന്ന ഞാനും, നീയുമുണ്ടായത്.. ! കാത്തിരിക്കാനൊരാളെന്ന പോലെ .. ജൻമങ്ങൾക്കപ്പുറത്തെന്ന പോലെ .. നീയെനിക്കായി എഴുത്തോലയെന്ന പോലെ നിറഞ്ഞുനിന്നു. ഞാൻ! നാരായമായിരുന്നു. നിന്നെ മാത്രം എഴുതാനറിയാവുന്ന .. നിന്നിൽ മാത്രം എഴുതാനറിയാവുന്ന ഞാനെന്നെ പോലും മറന്നിട്ടും ..! നിനക്കെന്നെ നിൻ്റേതാക്കി വെക്കാനാകാതെ .. എന്നെയീ കൂരിരുട്ടിൽ തള്ളി അനാഥമായതെന്തിനാണ് നീ.. ഞാൻ മാത്രം വിളിച്ചിരുന്ന നിൻ്റെ പേരിൽ .. ഞാൻ മാത്രം എഴുതിയിരുന്ന നിൻ്റെ മാറിൽ !! നിനക്കന്യയായ് അനാഥമായ് പോയതെപ്പോഴാണ് ഞാൻ.. ? നീ തിരികെയെത്തുമ്പോൾ നിന്നിൽ ഞാനൊരു പുഴയാകുമ്പോഴാണിനിയെൻ്റെ സ്വർഗ്ഗം ! ഇനിയെൻ്റെ ജൻമങ്ങൾക്കപ്പുറത്തും നീ പുനർജ്ജനിക്കാൻ കാത്തു നിൽക്കുമ്പോഴും സ്നേഹിച്ച്.. സ്നേഹിച്ച് ഒറ്റക്കായി പോയത് നമ്മളാണ്.!! നിനക്കും എനിക്കുമിടയിലാണ് പ്രണയം ബാക്കിയാകുന്നതും ജൻമം പൂർണ്ണമാകുന്നതും.. ഈ ജൻമം മുഖമില്ലാത്ത നിനക്കും ..! മറുജന്മമില്ലാത്ത എനിക്കും !! ശിവപാർവതി #❤ സ്നേഹം മാത്രം 🤗 #😍 ആദ്യ പ്രണയം #❤️ പ്രണയം സ്റ്റാറ്റസുകൾ #💔 നീയില്ലാതെ #😔 ഇമോഷണൽ സ്റ്റാറ്റസ് 😍