🌾పరమేశ్వర వ్యవసాయము🌾 శ్లో॥ రామాద్యాయచ మేదినీం,ధనపతేర్బీజం బలాల్లాంగలం ప్రేతేశాన్మహిషం తవాస్తి వృషభః ఫాలం త్రిశూలం తవ శక్తాహం తవచాన్నదానకరణే స్కందోస్తి గోరక్షణే ఖిన్నాహం తవ భిక్షయా కురు కృషిం గౌరీ వచః పాతు వః॥ శివుడ ఆది భిక్షువు ఐనప్పటికీ ఆయన గొప్ప తనానికి తక్కువేమీ కాదు. బ్రహ్మద్యాదులు ఆయనను నిరంతరమూ కొలుస్తూనే ఉంటారు. ఆయన లీలలు అన్నీ ప్రజోపయోగ కరములే కదా.. "కవయః నిరంకుశః" అని ఒక నానుడి కదా ! కవి తనదైన శైలిలో లో అర్ధనారీశ్వరులైన పార్వతీ పరమేశ్వరుల మధ్య ఒక చిన్న కలహం పెట్టాడు. ""అది ఏమిటంటే పార్వతి దేవికి శివుడు ఇలా బిక్షమెత్తటం నచ్చేలేదుట. తమ వైభోగానికి తగినట్లు లేదని ఆవిడ ఆరోపణ. అందువలన పతియైన శివుని భిక్షాటన మాన్పుటకై ఒక సలహా ఇచ్చిందిట. "స్నేహితుడైన శ్రీరామచంద్రుడు సార్వభౌముడు కదా!! ఆయనను అడిగి కొంత భూమి తీసుకోండి.ఇంకొక స్నేహితుడైన కుబేరుని అడిగి విత్తనాలు అప్పు తెండి.. బలరాముని నాగలిని తీసుకోండి.యమధర్మరాజును ఆయన వాహనమైన దున్నపోతును ఇమ్మని అడగండి.మీకు వాహనమైన వృషభము మీదగ్గరే ఉంది కదా! త్రిశూలమును నాగటి కొర్రు గా ఉపయోగించండి.మీరు పొలంలో ఉన్నపుడు నేనే మీకు భోజనం తెస్తాను.మన కుమారుడైన షణ్ముఖుడు పశువులను మేపుతాడు.. ఈవిధంగా మీరు వ్యవసాయం చేసి కుటుంబ పోషణ చేయండి.. మీరు భిక్షాటన చేయటం చూస్తే నాకు సాటి వారిలో చాలా చిన్నతనంగా ఉంది." ఇంతలా చెప్పిన పార్వతికి వ్యవసాయానికి కావలసిన నీరు గుర్తుకు రాలేదా? వచ్చింది.. కానీ తన సవతి గంగమ్మ పేరు చెప్పటానికి ఆవిడ ఇష్టపడి ఉండకపోవచ్చు.. శివుని కష్టము చూసిన గంగమ్మ ఎలాగూ సాయమందిస్తుందిలే అని ధీమా అయివుండవచ్చు.. మగరాయుళ్ళు పనీపాటూ లేక తిరిగితే ఆ ఇంట్లో ఆడవారికి మనసు ఎలా ఉంటుందో చెప్పదలచిన పార్వతీ దేవి పలుకులు మమ్మల్ని రక్షించు గాక!!!!! 🌿🔱🌿 #"భక్తి సమాచారం" #🙏భక్తి స్పెషల్ #🙏🏻భక్తి కోట్స్📝 #🙏ఆధ్యాత్మిక జీవితం😇 #🙆 Feel Good Status