പൊതുവിദ്യാഭ്യാസ ഗുണമേന്മ സ്‌കൂൾ വിദ്യാഭ്യാസത്തിനുളള മിനിമം മാർക്ക് നിർബന്ധമാക്കുന്ന പരിഷ്‌ക്കാരം നടപ്പിൽ വരികയാണ്. ആരെയും അരിച്ചു മാറ്റുവാനല്ല എല്ലാവർക്കും മിനിമം ശേഷി ഉറപ്പുവരുത്തുവാനുള്ള ഉപാധിയാണ് ഇതെന്ന് സർക്കാർ വ്യക്തമാക്കിയിട്ടുണ്ട്. ഇതിനായി പിന്നാക്കം നിൽക്കുന്ന വിദ്യാർഥികൾക്ക് പരീക്ഷകൾക്ക് മുമ്പ് പ്രത്യേക പഠനപിന്തുണ നൽകാൻ സ്‌കൂളിൽ അധ്യാപകരെ ഉപയോഗപ്പെടുത്തി പരിപാടി സംവിധാനം ഒരുക്കും. ഇതിനുപുറമെ സ്‌കൂളിന് പുറത്ത് മുഴുവൻ കുട്ടികൾക്കും അവരവർ പഠിക്കുന്ന ക്ലാസ്സിലെ മിനിമം ശേഷി ഉറപ്പുവരുത്തുന്നതിന് തദ്ദേശഭരണ സ്ഥാപനങ്ങളുടെ പിന്തുണയോടെ ജനകീയ സംവിധാനങ്ങളും സൃഷ്ടിക്കും. പി.റ്റി.എകളും എസ്.എം.സികളും കൂടുതൽ ശക്തിപ്പെടുത്തും. കേരളത്തിലെ ഇന്നത്തെ രക്ഷിതാക്കൾ ഏതാണ്ട് എല്ലാവരും തന്നെ പത്താം ക്ലാസ് വരെയെങ്കിലും പഠിച്ചവരായതിനാൽ എല്ലാ ക്ലാസിലും കുട്ടികളുടെ പഠനത്തിൽ രക്ഷാകർത്തൃപങ്കാളിത്തം ഉറപ്പുവരുത്തും. #Vote4LDF #ldfmanifesto2026 #🆕 ലേറ്റസ്റ്റ് അപ്ഡേറ്റ്