സെറ്റില് വെച്ച് പലതവണ ശരീരത്തില് കയറി പിടിച്ചു; സംവിധായകന് സനോജ് മിശ്രയ്ക്കെതിരെ ആരോപണവുമായി മൊണാലിസ..
സംവിധായകൻ സനോജ് മിശ്രയ്ക്കെതിരെ ഗുരുതര ആരോപണവുമായി കുംഭമേള വൈറല് താരം മൊണാലിസ. സിനിമാ സെറ്റില് വച്ച് സംവിധായകൻ മോശമായി പെരുമാറിയെന്നും പലതവണ ശരീരത്തില് കയറിപ്പിടിച്ചെന്നും മൊണാലിസ ആരോപിച്ചു
കൊച്ചിയില് നടത്തിയ വാർത്താ സമ്മേളനത്തില് പൊട്ടിക്കരഞ്ഞുകൊണ്ടാണ് മൊണാലിസ ഇക്കാര്യങ്ങള് വെളിപ്പെടുത്തിയത്. ഭർത്താവ് ഫർമാൻ ഖാനൊപ്പമാണ് മൊണാലിസ വാർത്താ സമ്മേളനത്തിന് എത്തിയത്. തനിക്ക് നേരിട്ട ദുരനുഭവത്തെക്കുറിച്ച് വീട്ടുകാരോടു താൻ പറഞ്ഞിരുന്നെന്ന് മൊണാലിസ പറഞ്ഞു.
എന്നാല് ആദ്യത്തെ സിനിമയാണല്ലോ എന്ന് പറഞ്ഞ് വീട്ടുകാർ ഇതിനെ കാര്യമായെടുത്തില്ല. അതുകൊണ്ട് ഇക്കാര്യം അന്ന് ആരോടും പറയാൻ സാധിച്ചില്ലെന്നും മൊണാലിസ വ്യക്തമാക്കി. തനിക്ക് 18 വയസാകുന്നതിനു മുൻപാണ് സനോജ് മിശ്രയില് നിന്ന് ദുരനുഭവം ഉണ്ടായത്. സംവിധായകനെതിരെ പരാതി കൊടുക്കാൻ ആലോചിക്കുകയാണ്.
#🆕 ലേറ്റസ്റ്റ് അപ്ഡേറ്റ്
