అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Tuesday, March 31 🌷🌷🌷 *''క్రీస్తు అను మన పస్కా పశువు వధింపబడెను గనుక ... నిష్కాపట్యమును, సత్యమునను పులియని రొట్టెతో పండుగ ఆచరింతము'' (1 కొరింథీ 5:7,8).* రాబోవు విషయములకు ఛాయారూపముగానున్న ఏడు, యెహోవా పండుగలను గూర్చి మనము లేవీయు కాండము 23వ అధ్యాయములో చదువుదుము. మొదటి పండుగ, పస్కా పండుగ - పస్కా గొఱ్ఱెపిల్లగా యేసుక్రీస్తు ప్రభువు యొక్క మరణమును సూచించుచున్నది. రెండవది, పులియని రొట్టెలపండుట - ఏడు దినములు యూదులు పులియని రొట్టెలు తినవలెను. పులిసినది పాపమును గుర్తుగానున్నది. పులిసిన పిండి కొంచెమైనను ముద్దంతయు పులియజేయును. అదే విధముగా, ఒక్క పాపపు తలంపు శరీరమంతటిని అపవిత్రపరచును. ప్రభువు మనలను పులియని రొట్టెగా నుండవలెనని కోరుచున్నాడు. ఆయన తన దైవిక స్వభావమును మనకనుగ్రహించవలెనని కోరుచున్నాడు. మూడవదిగా, ప్రథమ ఫలముల పండుగ - ఇది పునరుత్థాన శక్తిని గురించి తెలుపుచున్నది. ఒక్క గింజ చనిపోయిన యెడల అది అనేక గింజలు వచ్చునట్లుగా చేయును. అదే విధముగా ప్రభువు యొక్క మరణము అనేకులను నీతిమంతులుగా చేసెను. నాలుగవదిగా, పెంతెకొస్తు పండుగ - ఇది అన్ని తరగతులకు చెందిన మానవులందరు సమానమని తెలియజేయుచున్నది. పరిశుద్ధాత్మ ద్వారా మనము ఒక్క శరీరములోనికి బాప్తిస్మము పొందితిమి. ఐదవది, జ్ఞాపకార్థ శృంగధ్వని పండుగ (బూరలు ఊదు పండుగ) - ప్రజలు ఏడు దినములు బూరలను ఊదవలెను. ఇది, గొప్ప శక్తితో లోకమంతట సువార్త ప్రకటన యొక్క ప్రాముఖ్యతను గూర్చి తెలియజేయుచున్నది. ఆరవది, ప్రాయశ్చిత్తార్థ దినము - ఇది ఏ తరగతికి చెందిన వారైనను ఎట్లు పవిత్రులు కాగలరో తెలియజేయుచున్నది. ఏడవది, పర్ణశాలల పండుగ - ఇది మన ప్రభువు, ఒక దినమున మనము ఆయనతో కలసి పరిపాలించవలెనని కోరుచున్నాడను సత్యమును బయలుపరచుచున్నది. పాత నిబంధన కాలపు అర్పణలు ఇశ్రాయేలు ప్రజలను, వారి అలవాట్లు, ఆచారములు, పద్ధతుల ద్వారా పరిపూర్ణులుగా చేయలేవని తెలియజేయుచున్నవి. కేవలము, యేసుక్రీస్తు ప్రభువు సిలువలో చేసిన ఆ పరిశుద్ధ అర్పణయే ఎవరినైనను నీతిమంతులుగా చేయును. ఆయన ప్రశస్త రక్తము ద్వారా అతి పరిశుద్ధ స్థలములోనికి ధైర్యముగా ప్రవేశించు ఆధిక్యత ఆయన మరణము వలన మనకు లభించిన ఇంకొక గొప్ప ఆశీర్వాదము. ''సహోదరులారా, యేసు మన కొరకు ప్రతిష్ఠించిన మార్గమున, అనగా నూతనమైనదియు, జీవము గలదియు, ఆయన శరీరమను తెరద్వారా ఏర్పరచబడినదియునైన మార్గమున, ఆయన రక్తము వలన పరిశుద్ధ స్థలమునందు ప్రవేశించుటకు మనకు ధైర్యము కలిగియున్నది'' (హెబ్రీ 10:19-22). మనము ఏ అవసరత కొరకైనను ఆయన రక్తశక్తిని బట్టి అతి పరిశుద్ధ స్థలములోనికి ప్రవేశించగలము. ఆయన ప్రధాన యాజకత్వ పరిచర్యను మనము ఎంతగా అన్వయించు కొందుమో అంతగా ఆయన సన్నిధిలోనికి ప్రవేశించు ధైర్యమును మనము అనుభవించగలము (21వ వచనము). ఆయన బల్యర్పణ ద్వారా మధ్యపు గోడను కూలద్రోసెను. ఈ ధైర్యమైన ప్రవేశమును మనమెప్పుడు అనుభవించలేకుందుమో, అప్పుడు మన హృదయములను పరీక్షించుకొని, మన పతనములను ఒప్పుకొని, ఆయన ప్రశస్త రక్తములో మనము కడుగు కొనవలెను. అప్పుడు మనము ఆయన సన్నిధిలో గొప్ప ధైర్యమును అనుభవించగలము. Download Daily Devotions by Brother Bakht Singh Mobile App, using link: https://rb.gy/iv32b1 #😇My Status #📀యేసయ్య కీర్తనలు🎙 Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com