#📙 നോവൽ - മുറ ചെറുക്കൻ...... 🔻 ഭാഗം _39 ✍️ രചന - Aysha akbar അവന്റെ വിരലുകളുടെ ചൂട് അവളുടെ പരിഭവത്തെ തണുപ്പിച്ചു... താൻ..... താനന്ന് പറഞ്ഞ ആ ഇഷ്ടം സത്യമാണോ......... എന്റെ കൂടെ.... പോരുന്നോ...... അവൻ പെട്ടെന്നത് ചോദിക്കുമ്പോൾ അവൾ കണ്ണുകൾ വിടർത്തി അവനെ നോക്കി......... വെറുമൊരു ചോദ്യമല്ല അതെന്ന വണ്ണം അവന്റെ മുഖത്ത് ഗൗരവവും ശബ്ദത്തിന് ഗാംഭീര്യവുമുണ്ടായിരുന്നു.... അവൾ അവന്റെ കണ്ണുകളിലേക്കൊന്ന് നോക്കി...... യാതൊരു പതർച്ചയോ സംശയമാ ഒന്നും തന്നെയില്ല....... അതവൾക്ക് ക്ക് നൽകിയ ആശ്വാസം ചെറുതായിരുന്നില്ല...... അല്ലെങ്കിലും അവനെന്നത് ഒരു ധൈര്യം തന്നെയാണ്...... അവനിൽ നിന്ന് കേൾക്കാൻ ഒത്തിരി ആഗ്രഹിച്ച കാര്യമാണ്ഇപ്പൊ കേട്ടിരിക്കുന്നത്..... പക്ഷെ അത്‌ കേവലം ഒരു സഹതാപമാണോ.... അതല്ല താനവനിൽ നിന്ന് പ്രതീക്ഷിക്കുന്നത്..... തനിക്കുവേണ്ടത് അവന്റെ പ്രണയമാണ്...... മറ്റൊരാൾക്കും നികത്താനാവാത്ത വണ്ണമുള്ള അവന്റെ പ്രണയം...... അവളുടെ കണ്ണുകളിലെ പ്രകാശം ചെറുതായോന്ന് മങ്ങി..... സച്ചു അവളെ തന്നെ നോക്കിയിരിക്കുകയാണ്...... എന്നോട്......സഹതാപമാണോ... അവൾ കണ്ണുകൾ ചുരുക്കിയത് ചോദിക്കുമ്പോൾ ആ ശബ്ദം ഏറെ പതിഞ്ഞു പോയിരുന്നു.... അവൻ ചെറുതായോന്ന് പുഞ്ചിരിച്ചു....... വായിൽ സ്വർണ കരണ്ടിയുമായി ജനിച്ച ഇഷാനി രവി പിള്ളക്ക് ഒരു സഹതാപത്തിനിടമുണ്ടെന്ന് കരുതിയല്ല ഇത്ര ദൂരം നിന്നേ തേടി ഞാൻ വന്നത്...... അവൻ അല്പം പുച്ഛം കലർത്തിയത് പറയുമ്പോൾ അവളുടെ ഹൃദയം വല്ലാതെ പിടച്ചു.... കണ്ണുകളിൽ സന്തോഷം തിര തല്ലി....... ശെരിയാണ്.... ഒന്നും അറിയാതെ അവൻ തന്നെ തേടി വന്നത് കൊണ്ടല്ലേ ഇതൊക്കെ അവനറിഞ്ഞത് പോലും.... അതൊന്നും അപ്പോഴൊർത്തില്ല...... അവൾ ചെറിയൊരു ചമ്മലോടെ അവനെ നോക്കി........ അവൻ കണ്ണുകളിൽ വല്ലാത്തൊരു ഭാവം നിറച്ചു അവളെയൊന്ന് ചൂഴ്ന്നു നോക്കിയതും അവൾ നാണം കൊണ്ട് ചുണ്ടുകൾ കൂട്ടി പ്പിടിച്ചു.... അവന്റെ മുഖത്ത് നോക്കാൻ കഴിയുന്നില്ലെന്ന വണ്ണം അവൾ തല താഴ്ത്തുമ്പോൾ അവനും അതേ ചിരിയോടെ ടേബിളിൽ വെച്ച കോഫി ചുണ്ടോട് ചേർത്തിരുന്നു..... ഞാൻ...... ഒരു കാര്യം........ അവന്റെ ചോദ്യത്തിനുള്ള മറുപടിയെന്ന വണ്ണം അവളെന്തോ പറയാൻ തുടങ്ങിയതും പെട്ടെന്നായിരുന്നു സച്ചുവത് പറഞ്ഞത്..... അവൾ സംശയത്തോടെ അവനെ നോക്കി....... നീ ജീവിച്ച ചുറ്റുപാടും ഞാൻ ജീവിച്ച ചുറ്റുപാടും രണ്ടും രണ്ടാണ്.... ഇവിടെയുള്ള സൗകര്യങ്ങളോ സമ്പത്തോ ഒന്നും..... അവനത് പറഞ് മുഴുവാനാക്കും മുമ്പേ അവൾ ഇടം കയ്യാലേ അവന്റെ വാ പൊത്തിയിരുന്നു..... ഒരു നിമിഷം അവൻ വല്ലാത്തൊരു ഭാവത്തോടെ അവളെ നോക്കി...... ഒന്നും വേണ്ടാ.... ഇയാള് മാത്രം മതി..... അതും പറഞ്ഞു കൊണ്ടവൾ അവന്റെ കൈ തണ്ടയിലൂടേ കൈ ചുറ്റി പ്പിടിച്ചു കൊണ്ടാ തോളിലേക്ക് ചായുമ്പോൾ സച്ചു കണ്ണുകളോന്നടച്ചു..... വികാരങ്ങൾ വീർപ്പു മുട്ടിക്കുകയാണ്....... അവളുടെ ശ്വാസം തന്റെ കയ്യിൽ പതിക്കുന്നുണ്ട്..... അവളുടെ ചൂട് തന്നിലേക്ക് ചേർന്നിരിപ്പാണ്....... ആമുടിയിഴകൾ തന്റെ കയ്യിലൂടെ ഉരസുന്നുണ്ട്..... ഇയാളുടെ കൂടെയാണെങ്കിൽ ഞാൻ ജീവിച്ച ചുറ്റുപാടിൽ നിന്നൊന്നും ഞാൻ മിസ്സ്‌ ചെയ്യില്ല.... പക്ഷെ ഈ ചുറ്റുപാടിലെന്നല്ല... ശ്വാസമുള്ളിടത്തോളം സച്ചുവേട്ടനില്ലാത്തൊരു ജീവിതം എനിക്കോർക്കാൻ കൂടി പറ്റില്ല...... തലയൊന്നുയർത്തി തന്റെ മിഴികളിലേക്ക് നോക്കി കണ്ണുകൾ നിറച്ചത് പറയുന്നവളെ സച്ചു അത്ഭുതത്തോടെയാണ് നോക്കിയത്....... അവന്റെ കണ്ണുകളും ഒരു നിമിഷം നനഞ്ഞു..... ഞാൻ..... ഞാനിപ്പോ വന്നില്ലായിരുന്നെങ്കിലോ.... വീണ്ടും തന്റെ കൈ പിടിച്ചു തോളിലേക്ക് ചാഞ്ഞു കൊണ്ട് കണ്ണ് നീരോഴുക്കുന്നവളോട് ഒരു കുസൃതി യോടെ അവൻ ചോദിക്കുമ്പോൾ അവൾ അവനിൽ പിടിച്ച പിടുത്തം ഒന്ന് കൂടി മുറുക്കി....... വരും വരെ കാത്തിരിക്കുമായിരുന്നു..... അവൾ ഒരു കൊച്ചു കുഞ്ഞിനെ പോലെ ചുണ്ടുകൾ കൂർപ്പിച്ചത് പറയുമ്പോൾ ചുണ്ട് കടിച്ചു പിടിച്ചു കൊണ്ട് സച്ചുവൊന്ന് ചിരിച്ചു...... ഹോട്ടലിലേക്ക് കയറി വന്ന ആരോ തങ്ങളെ നോക്കുന്നത് പോലെ തോന്നിയതും സച്ചുവിനൊരു ഭയം തോന്നി..... നോക്ക്...... അത്‌..... നിനക്ക് പരിചയമുള്ള ആരെങ്കിലുമാണോ...... സച്ചു അത്‌ ചോദിച്ചതും ഇഷാനി വേഗം അവനിൽ നിന്ന് വിട്ട് മാറി അങ്ങോട്ടേക്ക് നോക്കി.... അകാരണമായൊരു ഭയം കൊണ്ട് അവൾ ക്കൊരു വെപ്രാളം തുടങ്ങിയിരുന്നു...... ഏയ്..... അല്ല..... നിറഞ്ഞു വന്നൊരു ആശ്വാസത്തോടെ അവളത് പറയുമ്പോൾ സച്ചു അവളെ തന്നെ ഉറ്റു നോക്കിയിരിക്കുകയാണ്.... നിനക്കറിയുന്ന ആളാണോ എന്ന് ചോദിച്ചപ്പോഴേക്കും ഇത്ര പേടിയാണെങ്കിൽ പിന്നേ എങ്ങനെയാ കാര്യങ്ങളൊക്കെ നടക്കുക... അവനൊരു നെടു വീർപ്പോടെ അത് ചോദിക്കുമ്പോൾ അവളുടെ തല കുനിഞ്ഞു.... അവൾ വീണ്ടും അവനിലേക്ക് ചാരി..... ഇത്തവണ കൈകളിൽ പിടിച്ച പിടുത്തം ഒന്ന് കൂടി മുറുകുന്നത് അവനറിഞ്ഞു... രോമം നിറഞ്ഞ അവന്റെ കൈകളിൽ കെട്ടിയ ആ വാച്ചിൽ അവൾ തെരു പിടിക്കുന്നുണ്ട്...... അതെല്ലാം അവളുടെ ഉള്ളിലെ നീറ്റലാണെന്നോർക്കേ അവന്റെ നെഞ്ചോന്ന് പിടച്ചു..... ഏയ്..... താൻ അപ്പ്സെറ്റ് ആവണ്ട....... നമുക്ക് ശെരിയാക്കാം...... അവനതും പറഞ്ഞു കൊണ്ടവളുടെ പിന്മുടിയിൽ ഒന്ന് തലോടി..... അവളുടെ കണ്ണ് നീർ തന്റെ ഷർട്ടിനെ നനക്കുന്നത് അവനറിഞ്ഞു.... പപ്പയും മമ്മയും സമ്മതിക്കില്ല...... ഉള്ളിലെ ആശങ്കകൾ അവളിൽ നിന്നുയരുമ്പോൾ ആ ശബ്ദം വല്ലാതെ ചിലമ്പിച്ചു പോയിരുന്നു...... തന്റെ പപ്പയെയും മമ്മയെയും നല്ലോണം അറിഞ്ഞിട്ട് തന്നെയല്ലേ താൻ സ്നേഹിച്ചത്...... അവനത് ചോദിക്കുമ്പോൾ അവളൊന്നും മിണ്ടിയില്ല..... ഈ ഇഷ്ടം..... വല്യ റിസ്കാണ്...... ഒത്തിരി പ്രശ്നങ്ങൾ ഫേസ് ചെയ്യേണ്ടി വരും........ അവൻ അല്പം നിർത്തി നിർത്തി അത്‌ പറയുമ്പോൾ തന്നെ കാര്യത്തിന്റെ ഗൗരവം ഇഷാനിക്കറിയാമായിരുന്നു... അല്ലെങ്കിലും തന്നെക്കാൾ നന്നായി അത്‌ മറ്റാർക്കറിയും........ അവളുടേ മുഖം പെട്ടെന്ന് വാടി........ ഞാൻ..... ഞാൻ എപ്പോഴും കൂടെയുണ്ടാവും....... പക്ഷെ അപ്പോഴും നീ ധൈര്യം കാണിക്കേണ്ടിടത് നീ ധൈര്യം കാണിച്ചേ മതിയാവു..... അവനത് കൂടി പറയുമ്പോൾ അവൾ നിറഞ്ഞ കണ്ണുകൾ വിടർത്തി അവനെ നോക്കി........ തനിക്ക് പറ്റുമോയെന്ന ആശങ്ക യായിരുന്നു അതിൽ മുഴുവൻ... തന്നെ കുറിച് അവൾക്കോട്ടും ഭയമില്ല.... അവൾക്ക് ഭയം അവളെ കുറിച്ചോർത്തു തന്നെയാണെന്ന് അവന് തോന്നി....... ഇങ്ങനെ കരയല്ലേ..... ഈ കരച്ചിൽ കാണരുതെന്ന് കരുതിയാ ഇഷ്ടം തോന്നിയിട്ട് കൂടി ഞാൻ ഒഴിഞ്ഞു മാറിയത്...... സച്ചു ദേഷ്യത്തോടും സങ്കടത്തോടും അത്‌ പറയുമ്പോൾ ഇഷാനി പെട്ടെന്ന് കണ്ണുകൾ അമർത്തി തുടച്ചു........ ഇരു കൈകൾ കൊണ്ടും മുഖത്തേക്ക് വീണ മുടി അവനോന്നോതുക്കി കൊടുക്കുമ്പോൾ അത്‌ വരെയുള്ള ചിന്തകളും സങ്കടങ്ങളുമെല്ലാം എങ്ങോ പോയത് പോലെ തോന്നി ഇഷാനിക്ക്....... അവളുടെ കണ്ണുകൾ വല്ലാത്തൊരു ഭാവത്തോടെ സച്ചുവിനെ നോക്കിയപ്പോഴാണ് ചെയ്തതെന്തെന്ന് അവനും ഒന്നോർത്തു നോക്കിയത്..... അവന്റെ ചുണ്ടിൽ നാണം കലർന്നൊരു ചിരി വന്നത് കൊണ്ട് തന്നെ അതവൾ കാണാതിരിക്കാൻ നെറ്റിയിലൊന്നുഴിഞ്ഞു കൊണ്ടവനാ കപ്പ് ചുണ്ടിലേക്ക് വെച്ചു... അവൻ തൊട്ട മുടിയിഴകളിലൂടെ അവളും വിരലോടിച്ചു...... നമുക്ക്..... നമുക്ക് കുറച്ചു കൂടി സമയം ആവശ്യമുണ്ട് ഇഷാനി... അവനത് പറയുമ്പോൾ അവൾ സംശയത്തോടെ അവനെ നോക്കി..... നീളൻ മുടിയിഴകൾ അവൻ കൈ കൊണ്ടൊരു വശത്തേക്കൊതുക്കി വെച്ചു..... ഒരു ലൂസറായിട്ട് എനിക്ക് നിന്നെയിവിടെ നിന്ന് കൊണ്ട് പോകേണ്ട..... ജയിച്ചവളായി തന്നെ കൊണ്ട് പോകണം... അത്‌ കൊണ്ട്..... നീ എക്സാം പാസ്സാവാണം..... സച്ചു ഉറച്ച ശബ്ദത്തോടെ അത്‌ പറയുമ്പോൾ ഇഷാനി അവനെ തന്നെ നോക്കിയിരുന്നു..... ഒരു പ്രണയം കൊണ്ട് ഒന്നും നഷ്ടപ്പെടാൻ പാടില്ല..... എല്ലാം നേടിയെടുക്കാനാണ് ശ്രമിക്കേണ്ടത്...... അത്‌ കൊണ്ട് നന്നായി പഠിക്കണം...... അവൻ അവളെ നോക്കി യത് പറയുമ്പോൾ അവൾ സമ്മത മെന്ന വണ്ണം തലയൊന്നു കുലുക്കി...... അപ്പോഴേക്കും തനിക്ക് കുറച്ചു കൂടി ധൈര്യവും കിട്ടും.....തന്റെ ആത്മ വിശ്വാസവും കൂടും..... തോറ്റവരുടെ മുമ്പിലെല്ലാം ജയിച്ചു കാണിക്കണം.... അവനൊരു പുഞ്ചിരിയോടെ അത്‌ പറയുമ്പോൾ അവളുടെ മനസ്സിലും അതൊരു വാശിയായി മാറിയിരുന്നു.... തന്നിൽ വാശി നിറക്കാനുള്ള എന്തോ ഒരു മാന്ത്രികത അവന്റെ വാക്കുകൾക്കുള്ളത് പോലെ അവൾക്കും തോന്നി യിരുന്നു....... സമയം..... തീരാറായല്ലേ.... അവനൊരു ദീർഘ നിശ്വാസത്തോടെ കയ്യിലേ വാച്ചിലേക്ക് നോക്കിയത് പറയുമ്പോൾ ഒരു നിമിഷം അവളിലെ പുഞ്ചിരി മാഞ്ഞു പോയി....... സൂര്യന്റെ വിട പറച്ചിലിൽ ഭൂമി ചുവക്കും പോലെ അവളൊന്നാകെ ചുവന്നു..... കണ്ണുകൾ നിറഞ്ഞു തുടങ്ങുന്നുണ്ട്......... നമുക്ക്.... ഇറങ്ങിയാലോ.... അവൻ വീണ്ടുമത് ചോദിക്കുമ്പോൾ ആ സ്വരം നന്നേ ഇടറിയിരുന്നു....... കുറച്ചു..... കുറച്ചു നേരം കൂടി...... അവൾ യാചനയോടെ അത്‌ പറയുമ്പോൾ അവൻ തല ചെരിച്ചവളെയൊന്ന് നോക്കി..... നിന്റെ ഡ്രൈവർ വരുമിപ്പോ...... വിഡ്ഢിത്തം കാണിക്കേണ്ട..... ഇപ്പൊ ചെല്ല്....... അവൻ ശാസനയോടേ അത്‌ പറയുമ്പോൾ അവൾക്ക് നെഞ്ചിന് വല്ലാത്തൊരു കനം തോന്നി...... ഇനി.... ഇനിയെന്നാ.... ഉള്ളിൽ കുമിഞ്ഞു കൂടിയ ദുഃഖം കടിച്ചമർത്തി അവളത് ചോദിക്കുമ്പോൾ അവനല്പ നേരത്തേക്കൊന്നും മിണ്ടിയില്ല...... എന്തോ.....ശബ്ദം പുറത്തേക്ക് വരുന്നില്ലെന്നതായിരുന്നു ശെരി...... എന്നേ ക്കുറിച്ചും മറ്റൊന്നിനെ കുറിച്ചും ആലോചിക്കേണ്ട.... നാന്നായി പഠിക്ക്..... എക്സാം നന്നായി എഴുതണം...... അവനത് മാത്രം പറഞ്ഞു കൊണ്ടെഴുന്നേൽക്കുമ്പോൾ അവൾ ഇരുന്നിടത്ത് നിന്ന് അനങ്ങുന്നില്ലായിരുന്നു...... തല താഴ്ത്തിയിരിക്കുന്നവൾ കരയുകയാണെന്ന് അവന് വ്യക്തമായിരുന്നു....... അവന്റെ നെഞ്ചും വല്ലാതെ പിടച്ചു...... അവൻ അവൾക്കരികിലേക്ക് തന്നെയിരുന്നു..... കണ്ണു നീരിറ്റി വീഴുന്ന കൈ വിരലുകളിൽ അവൻ അവന്റെ വിരലുകൾ കോർത്തു........ അപ്പോഴും അവൾ മുഖമുയർത്തിയില്ല...... അവൻ പതിയെ ആ വിരലുകൾ ചുണ്ടോട് ചേർത്തതും ഒരു പിടച്ചിലോടെ അവൾ മുഖമുയർത്തിയിരുന്നു...... അവൻ കണ്ണുകളിൽ കുസൃതി നിറച്ചൊരു ചിരിയോടെ അവളെ നോക്കി..... കണ്ണ് നീരിനിടയിലും അവളൊന്നു പുഞ്ചിരിച്ചു..... ഇതെന്റെ നമ്പറാണ്....... വിളിക്കാൻ അവസരം കിട്ടിയാൽ മാത്രം വിളിക്കുക...... വിഡ്ഢിത്തം കാണിച്ചു വെക്കരുത്...... അവനൊരു താക്കീതോടെ അവന്റെ നമ്പർ എഴുതി കൊടുക്കുമ്പോൾ അവളുടെ കണ്ണുകൾ ഒന്ന് കൂടി വിടർന്നു..... ആ വിടർന്ന കണ്ണുകളിൽ നോക്കി തന്നെ അവനവിടെ നിന്ന് നടന്നത് ഇനിയും താനവിടെ നിന്നാൽ അവൾ വീണ്ടും കരഞ്ഞു പോകുമെന്ന് അവനുറപ്പായത് കൊണ്ട് തന്നെയായിരുന്നു..... നടന്നകലുന്ന വനെ നോക്കി അവൾ അങ്ങനെയിരിക്കുമ്പോൾ അവൻ പോകുന്നത് തന്റെ ഹൃദയം പറിച്ചു കൊണ്ടാണെന്ന് അവൾക്ക് തോന്നി പ്പോയി..... അത്ര മേൽ അവൾക്ക് നോവുന്നുണ്ടായിരുന്നു.... (തുടരും) Aysha Akbar #📔 കഥ