🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: దేవుని నివాసము యొక్క మర్మములు Thursday, February 19 *''లేత పచ్చలు ఏఫోదుకును పతకమునకును చెక్కు రత్నములు అనునవే'' (నిర్గమ 25:7).* మొదటిగా అహరోను తెల్లని నిలువుటంగీని ధరించెను. దానిమీద నీలి అంగీ, మూడవదిగా ఏఫోదును ధరించుకొనెను. ''బంగారుతోను నీల ధూమ్ర రక్తవర్ణములు గల ఏఫోదును పేనిన సన్న నారతోను చిత్రకారుని పనిగా చేయవలెను'' (నిర్గమ 28:6). ఏఫోదు భుజముల మీద రెండు లేతపచ్చలు లేక ఇశ్రాయేలీయులకు జ్ఞాపకార్థమైన రత్నములుగా ఉంచబడి యుండెను. ఇశ్రాయేలీయుల పండ్రెండు గోత్రముల పేర్లు ఈ రత్నముల మీద యెహోవా సన్నిధిని చెక్కబడియుండెను. ''అహరోను తన రెండు భుజముల మీద యెహోవా సన్నిధిని వారి పేర్లను భరించును'' అని నిర్గమ 28:12లో చూచుచున్నాము. ఇది మన ప్రభువు మనలను ఆయన భుజముల మీద భరించుచున్నాడని తెలుపును. యేసుక్రీస్తు ప్రభువునే నీ భారములను మోయనిమ్ము. ''ఆయన మిమ్మును గూర్చి చింతించుచున్నాడు గనుక మీ చింత యావత్తు ఆయన మీద వేయుడి'' (1పేతురు 5:7). నీవు ఈ పాఠమును నేర్చుకొని ప్రభువు మీద నీ భారములన్నియు వేయుటకు నేర్చుకొనిన యెడల ఆయన పూర్ణశాంతిని, సమాధానమును అనుభవించెదవు. ఏఫోదు మీద న్యాయ విధాన పతకము ఉండెను. ఇది బంగారుతోను, నీల ధూమ్ర, రక్తవర్ణములు గల నూలుతోను పేనిన సన్న నారతో చేసిన చిత్రకారుని పని. ఈ పతకము మీద 12 రత్నములుండెను. వీటి మీద కూడ ఇశ్రాయేలీయుల పండ్రెండు గోత్రముల పేర్లు ఉండెను (నిర్గమ 28:21). ఈ పండ్రెండు రత్నములు ప్రధాన యాజకుని రొమ్మునకు అంటి యున్నట్లుండెను. దేవుని ప్రజలు ఎల్లప్పుడు దేవుని హృదయమునకు హత్తుకొని ఉండవలెనని ఈ రత్నముల ద్వారా నేర్చుకొనుచున్నాము. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com