Odia News
560 views • 4 hours ago
ଦିଲ୍ଲୀର କଶ୍ମୀର ଗେଟ୍ ଅଞ୍ଚଳରେ ଥିବା ଯୁଦ୍ଧିଷ୍ଠିର ସେତୁରେ ବିଳମ୍ବିତ ରାତ୍ରିରେ ଏକ କାର୍ ଅଟୋକୁ ଧକ୍କା ଦେଇଛି । ଧକ୍କା ଦେବା ପରେ ଖସି ଯିବାକୁ ଚେଷ୍ଟା କରୁଥିବା ବେଳେ ଅନ୍ୟ ୬ ଜଣଙ୍କୁ ଚାପି ଦେଇଛି କାର୍ । ଏଥିରେ ମୋଟ୍ ୮ ଜଣ ଆହତ ହୋଇଥିବା ବେଳେ ସମସ୍ତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଆହତଙ୍କ ମଧ୍ୟରୁ ଦୁଇ ଜଣ ପ୍ରାଣ ହରାଇଥିବା ସୂଚନା ମିଳିଛି । ଘଟଣା ପରେ ଅଭିଯୁକ୍ତ ଡ୍ରାଇଭର ଫେରାର ଥିବା ଜଣାପଡିଛି । ଘଟଣାକୁ ନେଇ ପୋଲିସ ବେପାରୁଆ ଢଙ୍ଗରେ କାର୍ ଚଳାଇବା ନେଇ ପ୍ରଥମେ ମାମଲା ରୁଜୁ କରିଥିଲା ।ଖବର ମୁତାବକ, କାରଟି ଦ୍ରୁତ ଗତିରେ ଆସୁଥିବା ବେଳେ ଯୁଦ୍ଧିଷ୍ଠିର ସେତୁରେ ଏକ ଅଟୋ ରିକ୍ସାକୁ ଧକ୍କା ମାରିଥିଲା । ଫଳରେ ୨ ଜଣ ଆହତ ହୋଇଥିଲେ । ଅଟୋକୁ ଧକ୍କା ଦେବା ପରେ ଡ୍ରାଇଭର ଅଟକିବା ବଦଳରେ ଗାଡିକୁ ଆହୁରି ଦ୍ରୁତ ଗତିରେ ନେଇଯାଇଥିଲେ । ଫେରାର ହେବାକୁ ଚେଷ୍ଟା କରୁଥିବା ବେଳେ ରାସ୍ତାରେ ଯାଉଥିବା ୬ ଜଣ ବ୍ୟକ୍ତିଙ୍କୁ ଚାପି ଦେଇଥିଲେ । ଘଟଣାରେ ୮ ଜଣ ଆହତ ହୋଇଛନ୍ତି ।ଅଘଟଣ ପରେ ତୁରନ୍ତ ପୋଲିସ ଘଟଣାସ୍ଥଳରେ ପହଁଚି ଆହତଙ୍କୁ ହସ୍ପିଟାଲରେ ଭର୍ତ୍ତି କରିଥିଲା । କିନ୍ତୁ ଚିକିତ୍ସାଧୀନ ଅବସ୍ଥାରେ ୨ ଜଣ ପ୍ରାଣ ହରାଇଥିବା ସୂଚନା ମିଳିଛି । ତେବେ ଡ୍ରାଇଭର ଫେରାର ଥିବାରୁ ତାକୁ ଧରିବା ପାଇଁ ଜୋରଦାର ପ୍ରୟାସ ଜାରି ରହିଛି । #🚙ଦିଲ୍ଲୀର କାଶ୍ମୀରୀ ଗେଟ୍ରେ ମର୍ମନ୍ତୁଦ ସଡ଼କ ଦୁର୍ଘଟଣା🚨
13 shares