ମଣିଷ ହୋଇ ମଇଁଷି ଭଳି ଖାଉଛନ୍ତି ଘାସ। ନାଗପଞ୍ଚମୀରେ ବୃଦ୍ଧଙ୍କ ଶରୀରରେ ମହିଷାସୁର ଆତ୍ମା। ଅନ୍ଧବିଶ୍ବାସ ନାଁ ରହିଛି ଅନ୍ୟ କିଛି ରହସ୍ୟ ? ଏଦୃଶ୍ୟ ଦେଖିଲେ ଆପଣଙ୍କ ଲୋମ ଟାଙ୍କୁରି ଯିବ। କିଛି କିଛି ଜଣଙ୍କୁ ଏ ଭିଡ଼ିଓ ବିଚଳିତ ମଧ୍ୟ କରିପାରେ। ଠାକୁରଙ୍କ ଆଗରେ ତଳେ ବସିଛନ୍ତି ଜଣେ ବୃଦ୍ଧ। ସାମ୍ନାରେ ଥୁଆ ହୋଇଛି ଘାସ ଚୋକଡ଼ ମିଶା କୁଣ୍ଡ। ଆଉ ତାରି ଭିତରେ ଗୋରୁଙ୍କ ପରି ମୁହଁ ବୁଡ଼ାଇ ଦେଉଛନ୍ତି ବୃଦ୍ଧ ଜଣକ। ଆଉ ମଇଁଷିଙ୍କ ଭଳି ସେଗୁଡ଼ିକୁ ପାକୁଳି ମଧ୍ୟ କରୁଛନ୍ତି। ଉତ୍ତରପ୍ରଦେଶ ମହାରାଜଗଞ୍ଜର ରୁଦଲାପୁର ଗାଁରୁ ସାମ୍ନାକୁ ଆସିଛି ଏହି ଅଜବ ଦୃଶ୍ୟ। ରିପୋର୍ଟ ମୁତାବକ, ନାଗପଞ୍ଚମୀ ଦିନ ୭୦ ବର୍ଷୀୟ ବୁଦ୍ଧିରାମ ହଠାତ୍ ମଣିଷ ଭଳି ନୁହେଁ, ମଇଁଷି ଭଳି ଆଚରଣ କରିବା ସହ ଘାସ ଓ ଚୋକଡ଼ ଖାଉଥିବା ଦେଖାଯାଇଛି। ସ୍ଥାନୀୟ ଲୋକଙ୍କ ଦାବି ଅନୁସାରେ, ଏହା କୌଣସି ନୂଆ ଘଟଣା ନୁହେଁ। ପ୍ରାୟ ୧୯୭୫ ମସିହାରୁ ନାଗପଞ୍ଚମୀ ସମୟରେ ବୁଦ୍ଧିରାମଙ୍କ ସହ ଏଭଳି ଘଟୁଥିବା କୁହାଯାଉଛି। ତାଙ୍କ ଦେହରେ ‘ମହିଷାସୁର’ ପ୍ରବେଶ କରୁଥିବା ବିଶ୍ୱାସ କରନ୍ତି ଗାଁ ଲୋକ।ଏହାପରେ ସେ ପଶୁଙ୍କ ପାଇଁ ରଖାଯାଇଥିବା ନଡ଼ା, ଘାସ, ଚୋକଡ଼ ଖାଇଥାନ୍ତି। ଆଉ ପଶୁ କୁଣ୍ଡରେ ପାଣି ମଧ୍ୟ ପିଅନ୍ତି। ଏହି ଦୃଶ୍ୟ ଦେଖିବାକୁ ଆଖପାଖ ଗାଁରୁ ଲୋକଙ୍କ ଭିଡ଼ ଜମେ। କିଛି ଲୋକ ତାଙ୍କୁ କଦଳୀ, ଲଡ଼ୁ ଓ ଘାସ ମଧ୍ୟ ଖୁଆନ୍ତି। ତେବେ ଏହା ପଛରେ ଆସ୍ଥା ନା ଅନ୍ଧବିଶ୍ୱାସ, ନା ରହିଛି କୌଣସି ଚିକିତ୍ସାଜନିତ କାରଣ ତାହା ସ୍ପଷ୍ଟ ହୋଇନାହିଁ। #🐃ମଇଁଷି ପାଲଟିଗଲେ 70 ବର୍ଷର ବୃଦ୍ଧ😮