ପ୍ରତିବର୍ଷ ୧୫ ଅଗଷ୍ଟରେ ଭାରତରେ ସ୍ୱାଧୀନତା ଦିବସକୁ ଧୁମଧାମରେ ପାଳନ କରାଯାଏ। ସ୍କୁଲ୍‌ ଓ ସରକାରୀ କାର୍ଯ୍ୟାଳୟରେ ପତାକା ଉତ୍ତୋଳନ ପରେ ନାଚ, ଗୀତ ଓ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ହୁଏ। ଏହା ସହିତ ଏହି ଦିନର ଆଉ ଏକ ସାଧାରଣ ଦୃଶ୍ୟ ହେଉଛି ବୁନ୍ଦି ଲଡୁ ବଣ୍ଟନ।କିନ୍ତୁ ଆପଣ କେବେ ଭାବିଛନ୍ତି କି, ୧୫ ଅଗଷ୍ଟରେ ବୁନ୍ଦି ଲଡୁ ହିଁ କାହିଁକି ବଣ୍ଟାଯାଏ? ଏହାକୁ ନେଇ ଅନେକ ଲୋକ ବିଭିନ୍ନ କଥା କହୁଥିବା ବେଳେ, କିଛି ଲୋକ ଏହା ପଛର ପ୍ରକୃତ କାରଣ ଜାଣିବାକୁ ଚାହାନ୍ତି। ତେବେ ଆସନ୍ତୁ ଜାଣିବା, ଏହି ପରମ୍ପରା ପଛରେ ପ୍ରକୃତ ସତ୍ୟ କ’ଣ। ୧୫ ଅଗଷ୍ଟ ଓ ମିଠା ବଣ୍ଟନର ପରମ୍ପରା:  ୧୫ ଅଗଷ୍ଟ ୧୯୪୭ରେ ପ୍ରାୟ ୨୦୦ ବର୍ଷର ବ୍ରିଟିଶ ଶାସନରୁ ଭାରତ ସ୍ୱାଧୀନତା ହାସଲ କରିଥିଲା। ଏହି ଐତିହାସିକ ଦିନକୁ ପ୍ରତିବର୍ଷ ସ୍ୱାଧୀନତା ଦିବସ ଭାବେ ପାଳନ କରାଯାଏ।ଏହି ବିଶେଷ ଅବସରରେ ଦେଶର ବିଭିନ୍ନ ସ୍ଥାନରେ ପତାକା ଉତ୍ତୋଳନ କରାଯାଏ, ଦେଶଭକ୍ତିମୂଳକ ଗୀତ ଗାନ କରାଯାଏ ଏବଂ ଲୋକଙ୍କ ମଧ୍ୟରେ ମିଠା ବଣ୍ଟନ କରାଯାଏ।ମିଠା ବଣ୍ଟନ କରିବା ଖୁସି ପ୍ରକାଶ କରିବାର ଏକ ସାଧାରଣ ପରମ୍ପରା। ଭାରତରେ ଯେତେବେଳେ କୌଣସି ଭଲ ଖବର ଆସେ କିମ୍ବା କୌଣସି ପର୍ବପର୍ବାଣୀ ହୁଏ, ସେତେବେଳେ ଲୋକେ ପରସ୍ପରକୁ ମିଠା ଖୁଆଇ ଖୁସି ବାଣ୍ଟିଥାନ୍ତି। ସେହି ପରମ୍ପରା ସ୍ୱାଧୀନତା ଦିବସରେ ମଧ୍ୟ ପାଳନ କରାଯାଏ। ସ୍କୁଲ୍‌, କଲେଜ ଓ ସରକାରୀ କାର୍ଯ୍ୟାଳୟରେ ପତାକା ଉତ୍ତୋଳନ ପରେ ଛାତ୍ରଛାତ୍ରୀ ଏବଂ କର୍ମଚାରୀଙ୍କୁ ମିଠା ବଣ୍ଟନ କରାଯାଏ। #🇮🇳୧୫ ଅଗଷ୍ଟ ଓ ବୁନ୍ଦିର ପରମ୍ପରା : କାରଣ କ'ଣ?🤔