സംസ്ഥാന സ്കൂൾ ഒളിമ്പിക്‌സിൽ റെക്കോഡോടെ സുവർണനേട്ടം കൈവരിച്ച 'കാൽവരി എക്‌സ്പ്രസ്' ദേവപ്രിയ ഷൈബുവിനും കുടുംബത്തിനും സിപിഐ എം ഇടുക്കി ജില്ലാ കമ്മിറ്റിയുടെ ഓണസമ്മാനമായി സ്നേഹവീടൊരുങ്ങി. ആഗസ്റ്റ് 21ന് ഇന്ന് 11.30ന് കാൽവരിമൗണ്ട് കൂട്ടക്കല്ലിൽ പ്രതിപക്ഷ നേതാവും സിപിഐ എം പോളിറ്റ് ബ്യൂറോ അംഗവുമായ സ. പിണറായി വിജയൻ കുടുംബത്തിന് താക്കോൽ കൈമാറി. ദേവപ്രിയയ്ക്കും കുടുംബത്തിനുമായി 25 ലക്ഷം രൂപ ചെലവഴിച്ച് എല്ലാവിധ സൗകര്യങ്ങളുമുള്ള വീടാണ് കാൽവരിമൗണ്ട് കൂട്ടക്കല്ലിൽ പൂർത്തീകരിച്ചത്. രണ്ട് കിടപ്പുമുറി മാത്രമുള്ള പഴയ വീട്ടിൽ മൂന്നുകുട്ടികളും അച്ഛനും അമ്മയും ബന്ധുക്കളുമുൾപ്പെടെ ഏഴു പേരാണ് കഴിഞ്ഞിരുന്നത്. കായികമേളകളിൽ വാരിക്കൂട്ടിയ സമ്മാനങ്ങൾ സൂക്ഷിക്കാൻ വാസയോഗ്യമായ വീടില്ലാതിരുന്ന ദേവപ്രിയയെയും കുടുംബത്തേയും സിപിഐ എം ജില്ലാ കമ്മിറ്റി ചേർത്തു പിടിച്ചു. നാലുകിടപ്പുമുറികളും ഹാളും സിറ്റ്ഔട്ടും അടുക്കളയും വർക്ക്ഏരിയയും ഉൾപ്പെടെ എല്ലാവിധ സൗകര്യങ്ങളുമുള്ള പുതിയ വീട്ടിൽ ആഹ്ളാദം അലയടിക്കുകയാണ്. കായികമേളയിൽ റെക്കോഡ് തിരുത്തിക്കുറിച്ചയുടൻ തന്നെ സിപിഐ എം ജില്ലാ സെക്രട്ടറി സ. സി വി വർഗീസ്, വീട് നിർമിച്ചുനൽകുമെന്ന് പ്രഖ്യാപനം നടത്തിയിരുന്നു. തുടർന്ന്, സ്‌കൂൾ ഒളിമ്പിക്സിൽനിന്ന് ദേവപ്രിയ ജന്മനാട്ടിലേക്ക് തിരിച്ചെത്തിയ 2025 ഒക്ടോബർ 29ന് തന്നെ പുതിയ വീടിന്റെ ശിലാസ്ഥാപന ചടങ്ങ് സിപിഐ എം സംസ്ഥാന സെക്രട്ടറി സ. എം വി ഗോവിന്ദൻ മാസ്റ്റർ ഉദ്ഘാടനം ചെയ്തു. സ. എം എം മണി തറക്കല്ലിടുകയും ചെയ്തു. #🔴 എൽഡിഎഫ് #🗳️ രാഷ്ട്രീയം #💪🏻 സിപിഐഎം #💪 സഖാവ് പിണറായി #🆕 ലേറ്റസ്റ്റ് അപ്ഡേറ്റ്