ଲଘୁଚାପ ପ୍ରଭାବରେ ଲାଗି ରହିଛି ଲଗାଣ ବର୍ଷା । ଆଉ ଏହି ଲଗାତାର ବର୍ଷାରେ ବେହାଲ ହୋଇପଡ଼ିଛି ବାଲେଶ୍ୱର ସହର । ୧୬୭ ମିଲିମିଟର ବର୍ଷା ଯୋଗୁଁ ସହରର ଅନେକ ରାସ୍ତା ଜଳମଗ୍ନ ହୋଇଥିବା ବେଳେ, ଅନେକ ଲୋକଙ୍କ ଘରେ ମଧ୍ୟ ପଶିଛି ବର୍ଷା ପାଣି । ସହରର ବିଭିନ୍ନ ଅଞ୍ଚଳରେ ଏବେ ଦେଖିବାକୁ ମିଳୁଛି ଜଳବନ୍ଦୀର ଚିତ୍ର । ରାସ୍ତା ଉପରେ ପାଣି ଜମି ରହିଥିବାରୁ ଯାତାୟାତ ବାଧାପ୍ରାପ୍ତ ହୋଇଛି । ତଳିଆ ଅଞ୍ଚଳର ଲୋକଙ୍କ ଦୁର୍ଦ୍ଦଶା ତ ଆହୁରି ବଢ଼ିଯାଇଛି। ଘର ଭିତରେ ପାଣି ପଶିବା ପରେ ଅନେକ ଲୋକ ନିଜ ଘର ଛାଡ଼ି ହୋଟେଲରେ ଆଶ୍ରୟ ନେବାକୁ ବାଧ୍ୟ ହୋଇଛନ୍ତି । ପ୍ରତିବର୍ଷ ବର୍ଷା ଆସିଲେ ବାଲେଶ୍ୱର ସହରରେ ଏଭଳି ଜଳବନ୍ଦୀ ସମସ୍ୟା ଦେଖାଦେଉଛି । ବର୍ଷା ହେଲେ ରାସ୍ତା ଉପରେ ପାଣି, ଘରେ ପାଣି—ଏହା ଯେମିତି ସହରବାସୀଙ୍କ ପାଇଁ ଏକ ନିୟମିତ ସମସ୍ୟା ପାଲଟିଛି । #🌊ଆଗାମୀ ୧୨ ଘଣ୍ଟାରେ ବରଷିବ ଲଘୁଚାପ📢