Muneshwar Meshram
thodkyaat लाडकी बहीण योजनेच्या लाभार्थी महिलांसाठी मुख्यमंत्री देवेंद्र फडणवीस यांनी महत्त्वाची माहिती दिली आहे. सरकार असेपर्यंत पात्र लाडक्या बहिणींना योजनेचे पैसे मिळत राहतील, असं फडणवीस यांनी स्पष्ट केलं आहे. त्यामुळे योजनेच्या भवितव्याबाबत सुरू असलेल्या चर्चांना काही प्रमाणात पूर्णविराम मिळाला आहे.
मुख्यमंत्री देवेंद्र फडणवीस आज एका कार्यक्रमाला उपस्थित होते. त्यानंतर त्यांनी माध्यमांशी संवाद साधताना लाडकी बहीण योजनेतील लाभार्थ्यांच्या पडताळणीबाबत भाष्य केलं. 92 लाख लाडक्या बहिणी अपात्र ठरणार असल्याच्या चर्चेवर त्यांनी स्पष्टीकरण दिलं.
"काही नियम आणि निकष होते. त्याची तपासणी कॅगकडून होते. एकही पैसा निकषाच्या बाहेर जाऊन देता येत नाही. योजना सुरू केल्यानंतर इतक्या मोठ्या प्रमाणात दोन-चार महिन्यांत तपासणी शक्य नव्हती. त्यामुळे त्यानंतर तपासणी सुरू केली. ई-केवायसी हा त्यातील महत्त्वाचा मुद्दा होता," असं फडणवीस म्हणाले.
त्यांनी सांगितलं की, 1 कोटी 65 लाख महिलांनी ई-केवायसी पूर्ण केली असून त्या पात्र ठरल्या आहेत. त्यांना कोणताही खंड न पडता पैसे मिळत आहेत. नियमांच्या बाहेर जाऊन लाभ घेणाऱ्यांवर मात्र कारवाई केली जात असल्याचं त्यांनी स्पष्ट केलं.
तसंच, "आजचा जो आकडा आहे, तो 100 टक्के व्हेरिफाईड आहे. आमचं सरकार असेपर्यंत त्यांना पैसे मिळत राहतील," असं महत्त्वाचं विधान फडणवीस यांनी केलं.
दरम्यान, पात्र महिलांना योजनेचा लाभ सुरूच राहणार असल्याने लाडक्या बहिणींसाठी ही मोठी दिलासादायक अपडेट मानली जात आहे.
#devendrafadnavis #ladkibahinyojna less#👩🦰बहिणींचा ऑगस्ट हप्ता कधी जमा होणार❓ #🆕ताजे अपडेट्स #🔺भाजपा #🏛️महाराष्ट्राचे राजकारण😎 #🔴आजचे ताजे अपडेट्स📰
®-ऋषिकेश 🍃#👩🦰बहिणींचा ऑगस्ट हप्ता कधी जमा होणार❓