#📝 ഞാൻ എഴുതിയ വരികൾ തുടർകഥ ഭാഗം 120. മുകുന്ദന്റെ നീക്കങ്ങൾ ശരിക്കും മനസ്സിലാക്കാൻ തെരേസയും ജെറിയും വളരെ കഷ്ടപ്പെട്ടാണ് ഗാർഗിയെ വശത്താക്കിയത്.... ശരിക്കും പ്രണയം എന്ന് തോന്നിപ്പിക്കുന്ന ഒരു ബന്ധം വളർത്തി എടുക്കാൻ അവൾക്ക് പെട്ടന്ന് കഴിഞ്ഞു.. വിഭാര്യനായി കഴിഞ്ഞിരുന്ന മുകുന്ദന്റ മനസ്സിളക്കുക അത്ര എളുപ്പമായിരുന്നില്ല. ഉമ്മയോട് തുടക്കത്തിലേ ഒരടുപ്പം ഉള്ളാലെ അയാൾക്ക് തോന്നിയിരുന്നു. പക്ഷേ പ്രായം പിന്നെ ജോലിയുടെ രഹസ്യസ്വഭാവം ഇതൊക്കെ കാരണം ആദ്യം മുതൽ മനസ്സിൽ ഒളിപ്പിച്ചു.. ആ അവസരം ഗാർഗി മുതലെടുത്തു. ഉമയുടെ ഭാവങ്ങളോടും ശരീര ഘടന യോടും സാമ്യം നിക്കുന്നതായിരുന്നു ഗാർഗി.... ദേവൻ ഗൾഫിൽ നിന്ന് കൊണ്ട് വന്നതെന്ന വ്യാജേന മൊബൈൽ ഫോൺ മുകുന്ദന് ഗാർഗി സമ്മാനിച്ചത് ശരിക്കും ജെറി കൊടുത്ത ഫോൺ ആയിരുന്നു. അതിലൂടെ മുകുന്ദന്റ നീക്കങ്ങൾ കൃത്യമായി അവർ ചോർത്തിയിരുന്നു... ഓരോ കൊലപാതകങ്ങളും ചെയ്യുന്ന സമയം അവർക്ക് അതിലൂടെ അയാളുടെ ശ്രദ്ധ തിരിക്കാൻ കഴിഞ്ഞു... മീനു പറയുന്നതൊക്കെ ശ്രദ്ധയോടെ കെട്ടിരിക്കുക ആയിരുന്നു അനീറ്റാ. ജാലകത്തിന് പുറത്ത് മഴമുത്തുകൾ കോർത്ത മാല പോലെ ജാലകണങ്ങൾ ഒഴുകി ഇറങ്ങുന്നു കാഴ്ച മനോഹരമായി തോന്നി അനീറ്റയ്ക്ക്... ഗാർഗിയും മുകുന്ദനും തമ്മിലുള്ള ശാരീരിക വേഴ്ച അപ്പാടെ പകർത്തി ഉമയ്ക്ക് അയച്ചത് യഥാർത്ഥത്തിൽ ഗാർഗി തന്നെ ആയിരുന്നു... നിങ്ങൾ ഈ അന്ന്വഷണത്തിൽ നിന്ന് അയാളെ ഒഴിവാക്കാൻ വേണ്ടി... പക്ഷേ അതിന്റ വിഷ്വൽസ് കണ്ട മാത്രയിൽ തന്നെ അതിന്റ ഉറവിടം അന്വേഷിച്ചു കണ്ടെത്തി. അത് ഞങ്ങൾ നിങ്ങൾക്ക് അയച്ചിരുന്നു... മം ശരിയാണ്.. ഇല്ലേൽ ഒരു പക്ഷേ മുകുന്ദൻ ഒഴിവാക്കപ്പെട്ടേനെ അന്ന് തന്നെ.. ഇനിയിപ്പോ ഒരാളെ കൂടി കിട്ടിയാൽ നമുക്ക് ഇതു അവസാനിപ്പിക്കാൻ കഴിഞ്ഞേക്കും... ഇനിയും ആരാ... അമ്പരപോടെ അനീറ്റ മീനുവിനെ നോക്കി. ആ സമയം അവരെയും തേടി ഒരു വാഹനം അവിടേക്ക് വന്ന് കൊണ്ടിരുന്നു... (തുടരും )