கடிகாரத்தின் ஒரு முள் பழுது! -கோபால்தாசன் மது பாராய் சிகரட் ஆல்ககால் நாற்றம் புகைமண்டலம் அவ்வறையெங்கும் பெருவாரியாய் பிழைப்புக்காக நகரத்திற்கு படையெடுக்கும் இளைஞர்களில் அவனுமொருவன் பொதுவுடைமை வாசம் வீசும் மேதாவிகளின் மேற்கத்திய சில நூல்கள் செல்ஃப்களில் அடுக்கடுக்கின் குறுக்காய் முடை நாற்றம் வீசும் டாய்லெட் 'டிக்டிக்'கென தனது சத்தத்தை ரகசியமாய் எந்த சோம்பேறிக்கோ முன்மொழியும் சுவர்க் கடிகாரம் பாதத்தில் மார்கழி குளிராய் 'சுள்'ளென தாக்கி தலைக்கேறும் சிந்திகிடக்கும் ஐஸ் வாட்டர் ரொம்ப நாட்களான துருப்பிடித்து செயலிழந்து கிடக்கும் கேஸ்ஸ்டவ் சுவரில் பெரிய பெரிய புளோஅப்களில் மார்க்ஸ் சேகுவேரா காஸ்ட்ரோ மகாத்மா காந்தி சிரிப்புகளில் தலையில் நேர் வகிடெடுத்ததாய் எல்இடி வெளிச்சக் கீற்றுகள் ஊடே கீழ்த்தள டீக்கடையில் தமிழை ஜலதோஷ மூக்கடைப்பில் பேசுவதாய் மலையாளிகளின் சண்டை உள்ளத்தை ஒருத்தியிடம் கொடுத்ததாய் அப்பப்ப வந்து குதூகலித்தவன் தோல்வியில் வீட்டின் மையத்தில் கிழிந்து கவிழ்ந்து கிடக்கிறான் வாயிலிருந்து நுரையொழுக #💖காதல் ஸ்டேட்டஸ்🥰 #❤️காதல் நட்பு போன்றது🤝 #😘ஒரு தலைக் காதல் #💕காதல் வாழ்க்கை #💑என் முதல் காதல்😊