Ame Surati
#સુરત સમાચાર #સુરત #અમે સુરતી #📰 5 ડિસેમ્બર ના સમાચાર #💥 સુરત અપડેટ્સ ભગવાન શ્રીકૃષ્ણના જન્મોત્સવના વધામણા રૂપે ઉજવાતા જન્માષ્ટમી પર્વને લઈને સુરતમાં ગોવિંદા ઉત્સવનો માહોલ જામવા જઈ રહ્યો છે. સુરત શહેર ગોવિંદા ઉત્સવ સમિતિ દ્વારા તા. 5 સપ્ટેમ્બર, શનિવારે ભાગળ ચાર રસ્તા ખાતે મુખ્ય મટકી ફોડ કાર્યક્રમનું આયોજન કરવામાં આવ્યું છે. કાર્યક્રમ સાંજે 4:30 વાગ્યે શરૂ થશે અને શરૂઆતમાં રાષ્ટ્રગીત ગાવામાં આવશે.
સમિતિના જણાવ્યા મુજબ, આ વર્ષે કુલ 145 ગોવિંદા મંડળોને પરમીટ આપવામાં આવી છે. 1997માં માત્ર 17 મંડળોથી શરૂ થયેલી સમિતિ હવે 29મા વર્ષમાં પ્રવેશી છે. મહિલા ગોવિંદા મંડળોની ભાગીદારી પણ વધી છે અને આ વર્ષે કુલ 6 મહિલા મંડળો ઉત્સવમાં જોડાશે.
ભાગળ ચાર રસ્તા ખાતે કુલ 5 મટકી બાંધવામાં આવશે. સાંજે 5 વાગ્યે જય ભવાની સ્પોર્ટસ ક્લબ મહિલા મંડળ અને આર.કે. સ્પોર્ટસ ક્લબ મહિલા મંડળ દ્વારા મટકી ફોડવામાં આવશે. ત્યારબાદ સુરતની મુખ્ય મટકી ગણેશા ગ્રુપ ગોપીપુરા દ્વારા ફોડવામાં આવશે, જેમાં ક્રિષ્ણા ગ્રુપ અડાજણ સંયોજક તરીકે જોડાશે. 50 વર્ષ પૂર્ણ કરનાર ગોવિંદા મંડળો માટે વિશેષ મટકી પણ રાખવામાં આવી છે, જેને ધરતીમાતા સ્પોર્ટસ ક્લબ વેડરોડ ફોડશે.
આ મંડળોને રૂ.11,000 રોકડ ઈનામ અને ટ્રોફી આપવામાં આવશે. જ્યારે સૌથી ઊંચી પિરામિડ બનાવનાર ઈનામી મટકી માટે રૂ.61,000નું ઈનામ જાહેર કરવામાં આવ્યું છે.
શહેરના અન્ય વિસ્તારોમાં પણ મોટા ઈનામી મટકી ફોડ કાર્યક્રમો યોજાશે. ડીંડોલી નવાગામમાં રૂ.1.51 લાખ, મોરાભાગળમાં રૂ.1.25 લાખ અને પાલના ગેલેક્ષી સર્કલ ખાતે રૂ.51,000ની ઈનામી મટકીનું આયોજન કરવામાં આવ્યું છે. ડીંડોલી અને મોરાભાગળ ખાતે મહિલા મંડળો માટે રૂ.25,000ના ઈનામની પણ જાહેરાત કરવામાં આવી છે. 15 વર્ષના યુવાનો માટે ડીંડોલી ખાતે અલગ વિશેષ મટકી રાખવામાં આવશે, જેમાં રૂ.11,000નું ઈનામ મળશે.
સમિતિના જણાવ્યા મુજબ, સુરત શહેરમાં અલગ-અલગ વિસ્તારોમાં આશરે 8,000 મટકી ફોડ કાર્યક્રમોમાં 35,000 જેટલા યુવાનો-યુવતીઓ જોડાવાના છે.
આ ઉત્સવનો વિસ્તાર સુરત પૂરતો સીમિત નથી. રાજકોટમાં 4 સપ્ટેમ્બરે મહાનગરપાલિકાના આયોજન હેઠળ મટકી ફોડ કાર્યક્રમમાં સુરતનું કૃષ્ણ લીલા ગોવિંદા મંડળ અડાજણ ભાગ લેશે, જ્યાં રૂ.1.51 લાખનું ઈનામ જાહેર કરવામાં આવ્યું છે. નવસારીના વિજલપોરમાં પણ સુરતનું એક ગોવિંદા મંડળ ભાગ લેશે.
Surat Janmashtami 2026, Surat Govinda Utsav, Bhaghal Matki Fod, Surat Dahi Handi, Govinda Mandal Surat, Krishna Janmashtami Surat, Surat festival news, Dindoli Matki Fod, Morabhagal Dahi Handi, Gujarat Janmashtami
#Surat #Janmashtami #GovindaUtsav #DahiHandi #AmeSurati
