નવી દિલ્હીમાં પાકિસ્તાન હાઈ કમિશનની બહાર આવેલી કેટલીક અનધિકૃત સંરચનાઓ અને બેરિકેડ્સ હટાવવામાં આવ્યા છે. આ કાર્યવાહી દરમિયાન ટ્રાફિક બોલાર્ડ, ક્યૂ મેનેજમેન્ટ બેરિયર અને અન્ય માળખાં દૂર કરવામાં આવ્યા હતા. થોડા દિવસ પહેલાં પાકિસ્તાને ઈસ્લામાબાદ સ્થિત ભારતીય હાઈ કમિશનની બહારના પાર્કિંગ પોલ હટાવ્યા હતા. દિલ્હીની કાર્યવાહીને પાકિસ્તાનના પગલાના જવાબ તરીકે જોવામાં આવી રહી છે. અધિકારીઓ મુજબ હટાવવામાં આવેલી કેટલીક સંરચનાઓ પાકિસ્તાન હાઈ કમિશનની મંજૂર સીમાની બહાર હતી. બંને દેશો વચ્ચે પહેલેથી તણાવપૂર્ણ સંબંધો વચ્ચે આ ઘટનાએ ફરી રાજદ્વારી ચર્ચા જગાવી છે. #HumDekhengeNews #PakistanHighCommission #IndiaPakistan #ForeignAffairs #🌏 વિદેશની અપડેટ્સ