#📰ଆଜିର ଗୁରୁତ୍ୱପୂର୍ଣ୍ଣ ଅପଡେଟ💻 #🗞ଲାଟେଷ୍ଟ ଅପଡେଟ🎙 #ଖବର ଆଜିର #📰ଦେଶ-ବିଦେଶ ଅପଡେଟ #today's top headlines 🗞️ *╔━━━━🔅━━━━━━━━🔅━━╗* *║ *🌼ବର୍ତ୍ତମାନର ୧୦ଟି ମୁଖ୍ଯ ଖବର ତାରିଖ- ୨୮/୦୮/୨୦୨୬,ଶୁକ୍ରବାର🌼* ║ *╚━━━━🔅━━━━━━━━ 🔅━━╝* *୧- 👉 ଆଜି ଶ୍ରୀମନ୍ଦିରରେ ଅନୁଷ୍ଠିତ ହେଉଛି ରାକ୍ଷୀ ପୂର୍ଣ୍ଣମୀ ନୀତି। ପୃଥିବୀର ସବୁଠାରୁ ବଡ଼ ରାକ୍ଷୀ ପିନ୍ଧିବେ ମହାପ୍ରଭୁ ଶ୍ରୀଜଗନ୍ନାଥ ଓ ବଡ଼ଭାଇ ବଳଭଦ୍ର। ସେଥିପାଇଁ ପାଟରା ବିଶୋଇ ସେବାୟତ ପ୍ରସ୍ତୁତ କରିଛନ୍ତି ରାକ୍ଷୀ । ଶ୍ରୀମନ୍ଦିରରେ ପ୍ରଭୁ ବଳଭଦ୍ରଙ୍କ ଜନ୍ମ ନୀତି ଅନୁଷ୍ଠିତ ହେବ । ଏହା ସହ ସୁଦର୍ଶନ ମହାପ୍ରଭୁ ରତ୍ନ ସିଂହାସନରୁ ଓହ୍ଲାଇ ମାର୍କେଣ୍ଡୟ ପୁଷ୍କରିଣୀ ଯିବା ପରେ ଜନ୍ମନୀତି କରାଯିବ । ପରେ ଚାରି ଆଶ୍ରମ ବିଜେ କରିବେ।* *୨- 👉 ସ୍ନେହ, ଭଲପାଇବା ଓ ପରସ୍ପର ବିଶ୍ୱାସର ପବିତ୍ର ପର୍ବ ରାଖୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ଏହି ପବିତ୍ର ପର୍ବ ସମସ୍ତଙ୍କ ଜୀବନରେ ସୁଖ, ସମୃଦ୍ଧି ଓ ସଫଳତା ଆଣୁ ବୋଲି ସେ କାମନା କରିଛନ୍ତି। ରାଖୀ କେବଳ ଏକ ପରମ୍ପରା ନୁହେଁ, ବରଂ ଭାଇ-ଭଉଣୀଙ୍କ ମଧ୍ୟରେ ଥିବା ନିଷ୍କପଟ ଭଲପାଇବା ଓ ଆତ୍ମୀୟତାର ଏକ ସୁନ୍ଦର ପ୍ରତୀକ।* *୩- 👉 କଟକ ସହରର ବିପର୍ଯ୍ୟସ୍ତ ରାସ୍ତାଘାଟ ଅବସ୍ଥା ଓ ବିଭିନ୍ନ ସ୍ଥାନରେ ଜଳବନ୍ଦୀ ସମସ୍ୟାକୁ ନେଇ ହାଇକୋର୍ଟ କଟକ ପୌର ନିଗମ (କେଏମସି) ଓ ପୂର୍ତ୍ତ ବିଭାଗ ଉପରେ ବର୍ଷିଛନ୍ତି। ଜଷ୍ଟିସ କୃଷ୍ଣ ରାମ ମହାପାତ୍ର ଓ ଜଷ୍ଟିସ ଭି.ନରସିଂହଙ୍କୁ ନେଇ ଗଠିତ ଖଣ୍ଡପୀଠରେ କଟକ ଆର ଆଣ୍ଡ ବି ଡିଭିଜନ-୧ ଅଧୀକ୍ଷଣ ଯନ୍ତ୍ରୀ ମହମ୍ମଦ ଶାହାବାଜ ଓ କେଏମସି ସିଟି ଇଂଜିନିୟର ଅତନୁ ସାମନ୍ତ ଭର୍ଚୁଆଲ ବ୍ୟବସ୍ଥାରେ ହାଜର ହୋଇ ପକ୍ଷ ରଖିଥିଲେ। ଉଭୟ ଅଧିକାରୀଙ୍କ ଉତ୍ତରକୁ ନେଇ ହାଇକୋର୍ଟ ତୀବ୍ର ଅସନ୍ତୋଷପ୍ରକାଶ କରିଥିଲେ।* *୪- 👉 କଟକ ସ୍ଥିତ SCB ମେଡିକାଲ କଲେଜରେ ଆର୍ଥିକ ହେରଫେର ଅଭିଯୋଗରେ ଡାଟା ଏଣ୍ଟ୍ରି ଅପରେଟର ଦିନେଶ ରାଉତ ଗିରଫ । ୧ କୋଟି ୪୦ ଲକ୍ଷ ଟଙ୍କାର ଆର୍ଥିକ ହେରଫେର ମାମଲାରେ ଡାଟା ଏଣ୍ଟ୍ରି ଅପରେଟରଙ୍କୁ ଗିରଫ କରିଛି ମଙ୍ଗଳାବାଗ ଥାନା ପୋଲିସ। ଏସସିବି ଅଧୀକ୍ଷକଙ୍କ କାର୍ଯ୍ୟାଳୟରେ କାର୍ଯ୍ୟରତ ଡାଟା ଏଣ୍ଟ୍ରି ଅପରେଟରଙ୍କ ବିରୋଧରେ ଆର୍ଥିକ ଅନିୟମିତତା ନେଇ ଅଭିଯୋଗ ହୋଇଥିଲା।* *୫- 👉 ଆଜି ମିଳିବ ସୁଭଦ୍ରା ଯୋଜନାର ପଞ୍ଚମ କିସ୍ତି । ଏନେଇ ନୟାଗଡ଼ ଲାଠିପଡ଼ା ଠାରେ ଏକ ବିରାଟ ସମାବେଶର ଆୟୋଜନ କରାଯାଇଛି l ଦିନ ୧୧ ଟା ବେଳେ ମୁଖ୍ୟମନ୍ତ୍ରୀ କାର୍ଯ୍ୟକ୍ରମରେ ଯୋଗଦେବା ସହ ଉପସ୍ଥିତ ଜନସାଧାରଣଙ୍କୁ ସମ୍ୱୋଧିତ କରିବେ l ଏହାସହ ସୁଭଦ୍ରା ଯୋଜନା ଅନ୍ତର୍ଗତ ୫ ମ କିସ୍ତି ପ୍ରଦାନ କରିବେ । ମୋଟ ୧ କୋଟି ୩ ଲକ୍ଷ ୨୬ ହଜାର ୧୬୨ ହିତାଧିକାରୀଙ୍କୁ ମିଳିବ ଟଙ୍କା।* *୬- 👉 ନେପାଳ-ଚାଇନା ସୀମାବର୍ତ୍ତୀ ଅଞ୍ଚଳରେ ହଠାତ୍‌ ଏବଂ ଭୟଙ୍କର ବନ୍ୟା ଯୋଗୁ ହୋଇଥିବା କ୍ଷୟକ୍ଷତି ମଧ୍ୟରେ, ଆମେରିକା ନେପାଳକୁ ସମସ୍ତ ପ୍ରକାରର ସହାୟତା ପ୍ରଦାନ କରିଛି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି, ନେପାଳକୁ ଯେକୌଣସି ପ୍ରକାରର ସାହାଯ୍ୟ ଆବଶ୍ୟକ ହେଲେ ଆମେରିକା ତାହା ଯୋଗାଇବାକୁ ପ୍ରସ୍ତୁତ।ଆମେରିକା ନେପାଳ ସହିତ ଏକ ଭଲ ସମ୍ପର୍କ ରଖେ ଏବଂ ସେଠାରେ ହୋଇଥିବା କ୍ଷୟକ୍ଷତିକୁ ପ୍ରକୃତରେ ଭୟଙ୍କର ବୋଲି ଟ୍ରମ୍ପ ବର୍ଣ୍ଣନା କରିଛନ୍ତି। ନେପାଳରେ ବନ୍ୟା ପରେ ୯୦ ଜଣ ଆମେରିକୀୟ ନାଗରିକଙ୍କ ପତ୍ତା ମିଳୁନାହିଁ ବୋଲି ରିପୋର୍ଟ ପ୍ରକାଶ ପାଇଛି।* *୭- 👉 ସମୁଦ୍ରରେ କେମିତି ବୁଡ଼ିଗଲା ‘ଏମଭି ଓସେନ ୱିନର୍’? ଜାହାଜ ବୁଡ଼ିବାର ରହସ୍ୟ ଖୋଲିବେ ଉଦ୍ଧାର ହୋଇଥିବା ଚୀନର ଦୁଇ କ୍ରୁ ମେମ୍ବର। ଉଦ୍ଧାର ଦୁଇ ନାବିକଙ୍କୁ ପଚରାଉଚରା କରିବା ପାଇଁ କୋଲକାତାରୁ ପାରାଦୀପରେ ପହଞ୍ଚିଛନ୍ତି ଚୀନ୍ ଭାଷା ଜାଣିଥିବା ଦୁଇ ଜଣ ଅନୁବାଦକ। କୋଲକାତା ସ୍ଥିତ ଚୀନ୍ ବାଣିଜ୍ୟ ଦୂତାବାସରୁ ଦୁଇ ଅଧିକାରୀ ପାରାଦୀପରେ ପହଞ୍ଚି ସାରିଛନ୍ତି।* *୮- 👉 କାଠମାଣ୍ଡୁ: ନେପାଳର ଭୋଟକୋଶୀ ଏବଂ ତ୍ରିଶୂଳୀ ନଦୀ ଉପତ୍ୟକାରେ ଚଳିତ ସପ୍ତାହ ଆରମ୍ଭରୁ ସୃଷ୍ଟି ହୋଇଥିବା ପ୍ରଳୟଙ୍କରୀ ଆକସ୍ମିକ ବନ୍ୟା ଓ ଭୂସ୍ଖଳନରେ ମୃତ୍ୟୁସଂଖ୍ୟା ୪୬୯ରେ ପହଞ୍ଚିଥିବା ବେଳେ ପ୍ରାୟ ୧,୪୦୦ ଲୋକ ଏବେ ବି ନିଖୋଜ ଅଛନ୍ତି। ବିପର୍ଯ୍ୟୟ ପ୍ରଭାବିତ ଅଞ୍ଚଳଗୁଡ଼ିକରେ ଉଦ୍ଧାର କାର୍ଯ୍ୟ ଜାରି ରହିଥିବାରୁ ମୃତ୍ୟୁସଂଖ୍ୟା ଆଗକୁ ଆହୁରି ବୃଦ୍ଧି ପାଇବା ନେଇ ଆଶଙ୍କା କରାଯାଉଛି। ଅନ୍ୟପକ୍ଷରେ, ଗୁରୁବାର ରାତି ସୁଦ୍ଧା ୨୯୦ ଜଣ ଭାରତୀୟଙ୍କ ସହ ଯୋଗାଯୋଗ ହୋଇପାରି ନଥିବା ବେଳେ ତ୍ରିଶୂଳୀ-୧ ପ୍ରକଳ୍ପର ୬୩ ଜଣ ଶ୍ରମିକ ଏବଂ ତାମିଲନାଡୁର ୨୧ ଜଣଙ୍କୁ ମିଶାଇ ମୋଟ ୮୪ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି।* *୯- 👉 ନୂଆଦିଲ୍ଲୀ: ନେପାଳରେ ବନ୍ୟା ସଙ୍କଟ ସମୟରେ ଭାରତର ସହଯୋଗ ଦୁଇ ଦେଶର ବନ୍ଧୁତାକୁ ଆହୁରି ମଜବୁତ କରିଛି। ନେପାଳର ପ୍ରଧାନମନ୍ତ୍ରୀ ବାଲେନ ଶାହ ତାଙ୍କର ପ୍ରଥମ ବିଦେଶ ଗସ୍ତରେ ଭାରତ ଆସିବେ। ତାଙ୍କ ଗସ୍ତର ଗନ୍ତବ୍ୟ ନୂଆଦିଲ୍ଲୀ ରହିବ ବୋଲି ନେପାଳ ଅର୍ଥମନ୍ତ୍ରୀ ସ୍ୱର୍ଣ୍ଣିମ ୱାଗଲେ ସୂଚନା ଦେଇଛନ୍ତି।* *୧୦- 👉 ନେପାଳରେ ଭୟଙ୍କର ବନ୍ୟା ପରେ ପ୍ରଥମେ ଏହାର କାରଣ ଭୂକମ୍ପ ବୋଲି ଆଶଙ୍କା କରାଯାଇଥିଲା। କିନ୍ତୁ ଉପଲବ୍ଧ ବୈଜ୍ଞାନିକ ତଥ୍ୟ ଅନୁସାରେ, ବନ୍ୟାର ତତ୍କାଳୀନ କାରଣ ଭୂକମ୍ପ ନୁହେଁ । ବରଂ ଏକ ଗ୍ଲେସିୟରର ଅଂଶ ତରଳିବା ପରେ ମାଟି, ପଥର ଓ ପାଣିର ଭୟଙ୍କର ପ୍ରବାହ ଯୋଗୁଁ ଏହି ବିପର୍ଯ୍ୟୟ ଘଟିଥିବା ଜଣାପଡ଼ିଛି।* * *🙏 ଶୁଭ ସକାଳ,ଜୟ ଶ୍ରୀଜଗନ୍ନାଥ🙏* *╚━━━━━🔅━━━━━━━━ 🔅━━━╝*