पुण्यातील एका धक्कादायक प्रकरणाने परिसरात खळबळ उडाली आहे. १७ वर्षीय प्रतिभा आपल्या कुटुंबासोबत राहत होती. त्यांच्या शेजारी ४५ वर्षीय अमोल भाड्याने राहत होता. सुरुवातीला दोन्ही कुटुंबांमध्ये चांगले संबंध होते. मात्र, कालांतराने अमोलची प्रतिभा आणि तिच्या आईशी जवळीक वाढली आणि त्यातून अनैतिक संबंध निर्माण झाल्याचा आरोप पोलिस तपासात समोर आला आहे. पोलिसांच्या माहितीनुसार, अमोल प्रतिभाला महागड्या भेटवस्तू, पैसे आणि गाडी देत होता. यामुळे प्रतिभाच्या वडिलांना संशय आला होता. काही काळानंतर प्रतिभाच्या आयुष्यात दुसरा तरुण आला आणि तिने अमोलपासून दूर राहण्याचा निर्णय घेतला. यामुळे संतापलेल्या अमोलने तिला दिलेले पैसे आणि भेटवस्तू परत करण्याची मागणी केली. प्रतिभाने त्याला नकार दिल्यानंतर अमोलने सूड उगवण्याचा कट रचल्याचा आरोप आहे. त्याने आपल्या भाच्याच्या मदतीने प्रतिभाची हत्या केली, असे तपासात निष्पन्न झाले आहे. घटनेनंतर पोलिसांनी तांत्रिक पुरावे आणि चौकशीच्या आधारे अमोल व त्याच्या भाच्याला अटक केली असून, दोघांविरुद्ध खुनाचा गुन्हा दाखल करण्यात आला आहे. या प्रकरणाचा पुढील तपास सुरू आहे. #🖋शेरो-शायरी #✍गुलजारांचे साहित्य #📝कविता / शायरी/ चारोळी #❤️I Love You