భారతదేశం లో దత్త క్షేత్రాలు. ఠాణేలోని చేందణీ కోళీవాడ శ్రీ దత్తాత్రేయ ఆలయం – ఆనంద భారతి కి స్వామి సమర్ధ దర్శనం ఇచ్చిన దత్త మందిరం.ఇక్కడ కి కొద్దీ దూరంలో ఆనంద భారతి మహరాజ్ సమాధి కూడా ఉంది. ఈ మందిరం చాలా పురాతనమైన మందిరం. ఈ మందిరం ఠాణే రైల్వే స్టేషన్ పశ్చిమ ప్రాంతంలోని చేందణీ కోళీవాడలో ఉన్న శ్రీ దత్తాత్రేయ ఆలయం. ఠాణే నగర గ్రామదైవంగా ప్రసిద్ధి చెందిన కౌపినేశ్వర మహాదేవ ఆలయం మాదిరిగానే, ఈ శ్రీ దత్త ఆలయానికి సంబంధించి కూడా అనేక వివరాలు ప్రచారంలో ఉన్నాయి. ఈ ఆలయానికి ఆనంద భారతి మహారాజ్ (స్వామి సమర్ధ శిష్యులు) జీర్ణోద్ధరణ చేశారు. ఆనంద భారతి మహారాజ్ ఆనంద భారతి మహారాజ్, చేపలు పట్టడానికి సముద్రంలోకి వెళ్లి,ఖాళీ సమయంలో భక్త విజయం చదువు తుంటారు.అకస్మాత్తుగా తుఫాను వచ్చి,పడవ మునిగిపోయే పరిస్థితి వస్తుంది. అక్కలకోట స్వామి సముద్రంలో దర్శనం ఇచ్చి పైకి లాగుతారు.ఆ తర్వాత వీరు తన జీవితాన్ని అక్కలకోట స్వామి కి అంకితం చేశారు. అలాగే,ఈ దత్త మందిరం లో స్వామి సముద్రంలో నుండి లాగుతున్నట్లు చక్కటి పెయింట్ ఉంది. ఈ దత్తాత్రేయ ఆలయానికి దర్శించుకొని ఇక్కడ నుంచి ఆనంద భారతి గారి సమాధి మందిరం దర్శించుకోవచ్చు.కొద్దిగా నడవాలి. నేను ఈ మందిరం దర్శించడానికి వెళ్లి కొద్దిగా వెతికాను.ఇంతలో ఒక పూజా పళ్లెం పట్టుకొని ఒక బ్రాహ్మణుడు ఒక సందులోనికి వెళుతూ,దత్త మందిరం కోసం వెతుకుతున్నారా అన్నారు.అవును అనగానే నేను అక్కడికే అని అన్నారు.వారితో వెళ్లి దర్శనం చేసుకున్నాను.దత్త విగ్రహం పక్కనే ఆంజనేయ స్వామి విగ్రహం ఉంది.ఆ విగ్రహం దగ్గర నే స్వామి సమర్ధ దర్శనం ఇచ్చి ఆనంద భారతి కి పాదుకలు ఇచ్చారు.అక్కడ నుండి ఆనంద భారతి గారి సమాధి మందిరం కి వెళ్ళాలి అన్నాను. వేరే పూజారి గారు చాలా గొందులు చెప్పారు.నాకు అర్ధం కాలేదు.ముందు బయలు దేరితే దత్తుడే తీసుకెళతారు అని కొద్దిదూరం నడిచాను.ఇంతక కనపడిన పూజారి కనపడి,నేను ఆనంద భారతి గారి సమాధి ముందు చూసి,ఈ దత్త మందిరo వచ్చాను అన్నారు.నాకు దారి తెలియదు అన్నాను.వారు నేను మళ్ళీ మిమ్మల్ని తీసుకెళతాను అని దత్తాత్రేయ స్వామి గురించి, ఆనంద భారతి గారి గురించి చెప్పారు.ఆ మందిరం ఇప్పుడు షాపింగ్ కాంప్లెక్స్ లోకి వెళ్లి పోయింది.సమాధి మందిరం అంటే ఎవరు రావడం లేదు అని లక్ష్మీ నారాయణ మందిరం అని మార్చి,అక్కడ విఠల్ ని ప్రతిష్ఠ చేశారు. ఆనంద భారతి గారి వంశము వారు అక్కడే వున్నారు.చాలా శ్రద్ధగా పూజలు,అవి చేస్తున్నారు.చాలామంది నేను ఏమి దత్త మందిరాలు దర్శించుకోలేదు అనుకుంటారు.కానీ కాదు.ప్రశాంతంగా, ప్రచారం లేకుండా వెళ్లి వస్తుంటాను.ఒక్కోసారి ఒక్కో అనుభూతి. దత్త సంకల్పం ఏమో అనుకుంటాను. #☀️శుభ మధ్యాహ్నం #🌷గురువారం స్పెషల్ విషెస్ #🙏🏻గురువారం భక్తి స్పెషల్ #🙏శ్రీ దత్తాత్రేయ స్వామి🕉️ #🔯శ్రీ దత్తాత్రేయ స్వామి