#എൻ്റെ സ്റ്റാറ്റസ് #🥘വീട്ടിലെ പാചകം _*🌶️ ഇന്നത്തെ പാചകം 🍳*_ _*കിച്ചടി*_ _( സദ്യ സ്പെഷ്യൽ )_ +------+------+------+-------+ _ഓണസദ്യയിൽ ദാഹശമനിയുടെ റോളാണ് കിച്ചടിക്ക്.പല തരത്തിലുള്ള കിച്ചടികളെ കുറിച്ച്‌ നമുക്ക്‌ അറിയാം . പലതും നാം കഴിച്ചിട്ടും ഉണ്ട്‌. പാവക്ക കിച്ചടി, വെണ്ടക്ക കിച്ചടി, വെള്ളരിക്ക കിച്ചടി,ബീറ്റ്‌റൂട്ട്‌ കിച്ചടി, പപ്പായ കിച്ചടി, ഗോതമ്പ്‌ നുറുക്ക്‌ കിച്ചടി, ബിരിയാണി അരി കിച്ചടി ഇങ്ങനെ പോകും കിച്ചടിയുടെ വകഭേദങ്ങൾ . നമുക്ക്‌ ഇന്ന് സദ്യ സ്പെഷ്യൽ പാവക്ക കിച്ചടി എങ്ങനെ തയ്യാറാക്കാം എന്ന് നോക്കാം._ _______________________ *ചേരുവകൾ* _______________________ _1. വെളിച്ചെണ്ണ – പാകത്തിന്_ _2. പാവയ്ക്ക – മൂന്ന് എണ്ണം വട്ടത്തിൽ അരിഞ്ഞത്_ _3. പച്ചമുളക് – 10 എണ്ണം അരിഞ്ഞത്_ _4. തേങ്ങ – ഒന്നിന്റെ പകുതി, ചുരണ്ടിയത്_ _കടുക് – ഒരു ചെറിയ സ്പൂൺ, ചതച്ചത്_ _5. തൈര് – അര ലീറ്റർ_ _6. കടുക് – അര ചെറിയ സ്പൂൺ_ _വറ്റൽമുളക് – രണ്ട് എണ്ണം മുറിച്ചത്_ _ഉലുവ – അര ചെറിയ സ്പൂൺ_ _______________________ _*പാകം ചെയ്യുന്ന വിധം*_ _______________________ ▪️ _വെളിച്ചെണ്ണ ചൂടാക്കി പാവയ്ക്ക അരിഞ്ഞതു കരുകരുപ്പായി വറുത്തുകോരി ഞെരടി പൊടിച്ചു വയ്ക്കണം._ ▪️ _ഇതേ എണ്ണയിൽ പച്ചമുളക് അരിഞ്ഞതു വറുത്തുകോരി പാവയ്ക്ക പൊടിച്ചതിൽ ചേർത്തിളക്കി വയ്ക്കണം._ ▪️ _തേങ്ങ മയത്തിൽ അരച്ചു കടുകു ചതച്ചതു ചേർത്തിളക്കി അതിൽ തൈരു ചേർത്തിളക്കി വയ്ക്കുക_ ▪️ _ഇതിലേക്കു പാവയ്ക്കാക്കൂട്ടും ചേർത്തിളക്കുക._ ▪️ _വെളിച്ചെണ്ണ ചൂടാക്കി ആറാമത്തെ ചേരുവ ചേർത്തു മൂപ്പിച്ചശേഷം തൈരും ചേർത്തിളക്കുക. തിള വന്നു തുടങ്ങുമ്പോൾ വാങ്ങി വിളമ്പാം_ +-----+------+------+-------+